
Antigua Abesbatza Lehiaketako XVI. ekitaldia egin dute Zumarragako Antio baselizan eta lehiatu diren lau abesbatzen artean Zaragozako (Aragoi) Aqvilo koruak irabazi du lehiaketa. Aqvilo abesbatzarekin lehian aritu ziren abesbatzak honakoak dira: Segoviako (Gaztela) Agora, Lazkaoko Kantaka eta Hondarribiako Eskifaia (Gipuzkoa). Epaileek berrogei punturekin eman zioten garaipena Aragoiko koruari. Epaimahaia Josu Elberdin, Julia Foruria, Aitor Sáez de Cortazar, Eva Ugalde eta Esteban Urzelai adituek osatu zuten.

Larunbatean San Joan pilota txapelketako finalak jokatu zituzten Ederrena pilotalekuan. Senior mailan Azpirik eta Altunak 22 eta 12 irabazi zieten Dorronsoro eta Perezi. Gazte mailan, berriz, Sarasak Lasori irabazi zion,
The post Azpirik eta Altunak irabazi dute San Joan pilota txapelketa appeared first on Otamotz.

http://youtu.be/d7jUKgvCkkI Kale Gorrian musika zikloaren bigarren saioa egin dute asteburuan, Urretxuko Santa Barbara aterpetxean. Mursego kantari eibartarra izan da protagonistetako bat, SchaAAnk eta Za! taldeekin batera. Hiruren artean ere egin zituzten hainbat kanta.

Goierri elkarteak antolatuta, 3×3 saskibaloi txapelketa ari dira egiten gaur Urretxuko Gernikako Arbola plazan. Eremuta bitan banatu eta lau kanasta jarrita goizean jokatu dituzten lehen partidak. 16:00etan ekin diote berriro txapelketari, eta 21:00etan amaituko da. Jokorazo ez ezik, bestelako irakaskuntzetarako tartea ere izan da gaur Gernikako Arbolan. Gurpildun aulkiekin aritu dira batzuk saskibaloian, eta elbarritasunen bat dutenen azaletik aritu behar izan dira.

Etzi irekiko dute Zumarragako Zelai Arizti kultur etxeko areto nagusian Arte Eder Eskolako 150 bat ikasleren lanak erakutsiko dituen erakusketa. Bi ataletan egingo dute oraingoan; lehendabizi helduek bost teknika landuta egin dituzten lanen bilduma ipiniko dute eta ondoren haurrek horma-irudietan zein akrilikoetan egindako lanak. Lehenengo bildumaren inaugurazioa etzi izango da, gaur Dorleta Ugarteburu eta Laura Cendoya irakasleak hiru ikasleren laguntzarekin erakusketa muntatzen ari ziren kultur etxean.

Ekainaren 4an Urretxuko gazteluko parkean egindako Parketarrak egitasmoa errepikatuko dute bihar Zumarragako Zelai Arizti parkean, 17:00etatik aurrera. Kalean eta parkean euskararen erabilera bultzatzea dute helburu. 3 urtetik 5 urtera arteko
The post ‘Parketarrak’ egitasmoa bihar, Zelai Arizti parkean appeared first on Otamotz.


Zumarragako hamabost tabernak parte hartuko dute VIII. Pintxo Lehiaketan. Udazkeneko lehiaketa ez bezala udaberriko honetan gai librean aritzen dira tabernariak eta batek baino gehiago sorpresak iragarri ditu. Dagoeneko egonkortu dira lehiaketak eta udazkenekoa zailagoa dela aitortzen duten arren jende asko mugitzen duela diote tabernariek; udazkenekoan buzkantza edo odolkia erabili behar dute derrigor. Udaberrikoan gaiak ez ditu mugatzen baina tabernetan dabilen jende andanak pintxoaren nolakotasuna erabat baldintzatzen du.