Beasaingo ikasle txikienek plazan festa giroan pasatu dute goiza.
Munduko La Salle ikastetxe guztiekin batera, La Salleko fundatzailearen heriotzaren 300. urteurrena ospatzen ari dira Beasaingo eta Zumarragako La Salle ikastetxeak ere. Gaur dute egun handia.
Beasaingo ikastetxeko txikienak plazan elkartu dira festa giroan, hiru ikaslek egindako aurkezpenaren ondoren. “Orain 300 urte, Salleko Juan Bautista hil zen. Baina ere berean, 300 urtez bere mezu eta lanak aurrera jarraitu du. Leloak dioen bezala, bihotz berarekin, konpromiso berarekin eta bizitza berarekin”.
Ikasle zaharrenak, berriz, Donostiara joan dira Gipuzkoako beste La Salle ikastetxeetako irakasle-ikasleekin ospatzera: “Gure helburua guztiok elkarrekin ospatzea da, batzen gaituen proiektu baten partaide sentituz”.
