Lider doa Segura Goierri K.E-ko 1. Erregional igoera faseko taldea, Anaitasuna C.D taldetik puntu bakarrera. Bi partidu geratzen zaizkie denboraldia bukatzeko. Larunbatean, 16:00etan, Sanpedrotarra taldearen aurka jokatuko du, Seguran.
Segura Goierri K.E-ko 1. Erregional Igoera faseko futbol taldeak denboraldiko azken aurreko partida jokatuko du larunbatean, etxean. Seguran jokatuko duten denboraldiko azkena izango da. Sanpedrotarra F.E taldearen aurka jokatuko dute, 16:00etan. Lider doa Segurako taldea, 36 punturekin, Anaitasuna C.D-tik eta Landetxa K.T-tik puntu bakarrera. Azken jardunaldia maiatzaren 22ko asteburuan izango da. Astigarragako Mundarro taldearen aurka jokatuko du Segurak, Astigarragan. Herritarrak animatu dituzte larunbatean partidua ikustera joan eta taldea babestera, partidu garrantzitsua izango baita igoerarako.
Irudia: Kirolak.net
