Beasainek igandean igoera kanporaketetako bigarren partida jokatuko du. Zubietan izango da lehia. Autobusa eta partidako sarrerak Xerberan eros daitezke
Beasainek igoera kanporaketetako bigarren partida du asteburuan, iganean (11:30). Zubietan jokatuko dute, Jose Luis Orbegozo zelaian. Lasesarren jazo bezala, Realaren instalakuntzak zale beasaindarrez bete nahi dituzte. Autobuserako eta partidarako sarrerak Xerbera tabernan daude salgai. Barakaldon izandako 500 zaleren muga gainditu nahi dute.
Autobusak bost euro balioko du eta sarrerak, beste bost. Klubeko partaide direnek eta adingabeek partida doan ikusi ahalko dute. Hau da, soilik autobusa ordaindu beharko dute. Zuzendaritzak zaleen bultzada eta laguntza “ezinbestekoa” dela azpimarratu du.
Parean
Portugalete aurkari zaila izango da. Ligan biek 70 puntura berdinduta amaitu zuten. Beasainek aurretik amaitu zuen joaneko eta itzulerako partidak irabazi egin zituelako: 2 eta 1, lehen itzulian eta, 0 eta 2, bigarrengoan. Sailkapenean gorago amaitu zutenez, luzapenaren ostean berdinduta baldin badaude Beasainek egingo du aurrera.
Bigarren kanporaketa ere gainditzen badute 3. mailako gainerako multzoetatik sailkatutako taldeen aurka jokatu beharko dute hirugarren eta azken kanporaketa.
