Bularreko minbiziaren aurkako azoka, kontzertua eta sardina-jana
Urretxu eta Zumarragako Katxalin elkarteak bularreko minbiziaren ikerketaren aldeko azoka solidarioa antolatu du iganderako. Geltokiko plazan egingo dute, 10:00etatik 14:30era. Gainera, 12:00etatik 14:00etara, Patxi Luquek kontzertua egingo du eta sardina-jana egingo dute.
Hilaren 30ean Katxalin martxa egingo dute Donostian. Martxarako kamisetak Zumarragako Euskadi plaza 5eko egoitzan salgai jarriko dituzte: gaur, 24an eta 27an, 17:00etatik 19:00etara. Igandeko azokan ere salduko dituzte.
