17:00etako saioa beteta dago, ez ordea 18:00etakoa.
Maite Arrese ipuin kontalari eta yoga irakaslea.//Gorka Gomez. Yogipuinak ipuin kontaketa saioa egingo du gaur Ordiziako D’elikatuzen Maite Arrese yoga irakasle eta ipuin kontalariak. 5 urtetik gorako haurrei zuzendutakoa da. Bi saio izango dira: 17:00etan eta 18:00etan. Aurreneko saiorako plazak bete dira dagoeneko, baina bigarrenerako oraindik izena eman daiteke, 679 876 779 zenbakian.
Haurrak yogara gerturatzeko saioak dira. Yoga kartak erabiliz, haurrak yogara hurbiltzera gonbidatuko ditu Arresek, modu dibertigarri batean, ipuinen bidez eta animalien mugimenduak imitatuz.
