Ehunmilak lasterketaren hasiera bi orduz atzeratu dute antolatzaileek
Arratsaldean "ekaitz arriskua handia" delako hartu erabakia antolakuntzak. Ehunmilak lasterketako korrikalariak 18:00etan abiatu beharrean, 20:00etan aterako dira Beasaingo Loinazko San Martin plazatik. Autobusen ordutegiak eta kontroletako pasaera orduak egokitu dituzte.
![](https://goierri.hitza.eus/site/files/2022/11/ehunmilak_2022_irteera.jpg)
Eguraldi iragarpena kontuan hartuta eta arratsalderako “ekaitz arrisku handia” denez, Ehunmiletako antolakuntzak honako erabakia hartu du: Ehunmilak lasterketaren hasiera bi orduz atzeratzea. Alegia, 18:00etan atera beharrean, 20:00etara abiatuko dira Ehunmilak lasterketako korrikalariak Beasaingo Loinazko San Martin plazatik.
“Ondorioz, ibilbideko kontrol puntu ezberdineko denbora mugak aldatuko dira”.
Bestalde, poltsak uzteko epea 19:00ak arte luzatu dute eta autobus ordutegiak ere egokitu dituzte.