Idiazabalen xarma ezagutzeko bisita gidatua eskainiko dute igandean
Herriko eraikin, txoko eta jakingarri ugari ikusi eta ikasi ahalko dira.
Indianoen etxeak eta gazta, Idiazabalgo bisita gidatuko bi osagai. Idiazabalgo Udala Idiazabalgo turismo eskaintzaren barruan, Xarma duen herria bisita gidatuak egin ahalko dira, abuztu honetan. Bi ekitaldi iragarri ditu udalak. Aurrenekoa igande honetan izango da, abuztuak 11. Hurrengoa, abuztuaren 25ean.
Idiazabalgo kaleetan barrena ibiliko dira parte hartzaileak, gidari batekin. 17:00etan hasiko da. Doan da, eta Idiazabalgo lekurik esanguratsuenak erakutsiko dituzte, horietako asko gaztarekin lotuta, baina baita indianoen irudiarekin ere, haien presentzia oso nabarmena izan zelako herri horretan, amerikanoek eraikitako etxeak lekuko.
Bisita gidatuetan parte hartzeko, erreserba egin behar da aurrez (943 18 82 03, info@idiazabalturismo.com).
Indianoen etxeak eta gazta, Idiazabalgo bisita gidatuko bi osagai.Idiazabalgo Udala
