Lazkaotarrek hainbat kultur jardueraz gozatzeko aukera izango dute asteburuan
Gaurtik hasi eta asteburura bitarte, zuzeneko musikaz, dantza tradizionalaz eta zineaz gozatzeko aukera izango du Lazkaok.
Dantza emanaldiaren irudia.Lazkaoko Udala Lazkaok kultur jarduerez beteriko asteburua izango du gaurtik hasita, publiko guztientzat pentsaturiko programazio anitzarekin. Zuzeneko musika, dantza tradizionala eta zinea izango dira protagonista, udalerriko espazio desberdinetan.
Gaur arratsaldetik hasiko da kultur-sasoia. Lazkaoko Musika Bandak udako kontzertua eskainiko du arratsaldeko 19:00etan Santa Ana Monastegian, eta aukera paregabea izango da tokiko musikarien eskutik musikaz gozatzeko.
Bihar arratsaldean, berriz, 18:30ean hasita, Ibarrako Alurr Dantza Taldeak ‘Laia’ ikuskizuna eskainiko du plazako pilotalekuan. Euskal lanbide tradizionalak omentzen dituen ikuskizuna izango da, mugimenduaren, musikaren eta iraganeko bizipenen bidez.
Bukatzeko, bihartik hasi eta astelehenera bitarte, zinea ere nagusi izango da Arerian, Bajo un Volcán filmaren emanaldiak eskainiko baitira. Ostiralean estreinatuko da zinemetan, eta honako ordutegietan egingo dira proiekzioak: ostirala 21:00etan, larunbata 19:30ean eta 22:00etan, igandea 19:30ean eta astelehena 19:30ean.
Lazkaoko Udalak herritarrak eta bisitariak animatu ditu jarduera hauetan parte hartzera.
