Legazpiko ondarea, muralean
Horma-irudian Mirandaola burdinolako lana irudikatu nahi izan dute, burdina, sugarrak, lana, argia eta iluntasuna uztartuz.
Burdinolako langileen lana irudikatu dute. Legazpiko kale nagusian, elizaren ondoan, herriaren historiari eta nortasunari keinu egiten dion murala margotu dute.
Horma-irudian Mirandaola burdinolako lana irudikatu nahi izan dute, burdina, sugarrak, lana, argia eta iluntasuna uztartuz.
Udalak azaldu duenez, ekimenaren helburua herriko industria-ondareari «beste begirada bat, modernoa, indartsua eta herrira zein mundura konektatua» eskaintzea da. Hala, lehen pareta hutsa zena «herriko nortasunari omenaldia» egiten dion espazio bihurtu dela nabarmendu du.
Horma-irudi hau ez da azkena izango, Udalak jakinarazi duenez, beste mural batzuk ere egingo dituzte herrian.
Argazkiak: Legazpiko Udala
