Adineko Pertsonen Eguna ospatu dute Urretxun
Igandean Adineko Pertsonen Eguna ospatu zuten Urretxun. Udal korporazioak eguneko zentroa bisitatu zuen eta ondoren adinekoak eta korporazioa Aterpen elkartu ziren. Bertaratutako edadetuenak omendu zituzten: Sagrario Rodriguez (95 urte), Rafael Rejano (87 urte) eta Felix Toral eta Esperanza de la Torre senar-emazteak (89 urte). Mezaren ondoren, argazkia atera zuten eta Lurrak dantza saioa egin zuen. Bukatzeko, denek elkarrekin bazkaldu zuten eta bazkalostean dantzaldia egin zuten.
