Kirol eskaintza zabala dute asteburuan Lazkaon
Esparruko mendi irteera eta Jai Alai zesta-punta jaialdia egingo dira, besteak beste. Lazkaoko Udalak Kirol sariak prestatzen ere ari da, eta proposamenak egiteko epea zabaldu du.
Zesta-punta jaialdia dago asteburuan Lazkaon. Hitza Lazkao Txiki jaio zela 100 urte bete diren honetan Lazkao bertsolaria eta hark kulturan utzi zuen oinazea goraipatzeko ekimen ezberdinak egiten ari da. Gerriko Kultur elkarteak antolatutako garagardo azoka ere aurreko astean izan zen. Lazkaon, ordea, kultur eskaintzaz gain kirol eskaintza ere zabala eta aberatsa da. Horren erakusle da igandean egingo diren Esparruko mendi irteera eta Jai Alai zesta-punta jaialdia.
Amalur mendi taldeak Esparruko igoera antolatu du. Bertan, ikurrinari omenaldia egingo diote, eta bertsoak eta haur jolasak ere ez dira faltako. Lazkaoko plazatik abiatuko da ibilaldia 09:00etan. Ikurrinari omenaldi 11:30ean egingo diote, eta ondoren izango dira jolasak 12:00etan. Bezperan, larunbatean plazako frontoiaren atzeko aldean eskalada praktikak egiteko aukera izango da 12:00etan.
Jai Alai jaialdia
Esparruko mendi irteeraren ondoren 18:00etan beste hitzordu berezi bat izango da Lazkaon. Izan ere, Kilometroak jaiaren harira Open Jai Alai zesta-puntako finalerdiak jokatuko dira Joxemiel Barandiaran kiroldegian. Sarrera dohainik izango da, hala ere antolatzaileek adierazi dute aforoa mugatua dela.
Lazkaoko kirol sariak
Udala Lazkao Kirol Sariak 2026 ekimena prestatzen ari da. Horretarako herritarren proposamenak jasotzeko epea irekita egongo da hilaren 25era arte. Proposamenak Internet bidez edo udaletxeko zein kiroldegiko harreran egin daitezke.
