
Beasaingo kaleetan barrena ibili dira Errotxapea Dantzan, Adurtza eta Ortzadar Dantza Taldeetako dantzariak

Beasaindarrek gainean dituzte aurtengo Loinatz jaiak, eta batean eta bestean, antzematen da dagoeneko festa usaina. Barrakak jarri dituzte dagoeneko Bernedoeneko aparkalekuan; baita eskenatokia ere Loinazko San Martin plazan. Festetako protagonista nagusietako batzuk, umeak izaten dira, eta haiek ere buru-belarri sartuta daude festetarako prestaketa lanetan. Hilaren 11n egingo duten umeen danborradarako entseguak hasi dituzte dagoeneko, eta indarrez astintzen dituzte danborrak, bideoan ikus daitekeenez.




