Bi mila kiloko pisua duen 'Pezuñas' idia datorren astean eramango dute Legorretako haztegitik
Legorretako Gurutzeta-Txiki baserrian azken hamar urtean hazi duten Pezuñas idia datorren astean eramango dute. Leongo (Espainia) jatetxe batek erosi du bi mila kilo inguruko abelburua. Galiziar ilehori arrazakoa da, eta "jaio eta berehala" ekarri zuen Alejandro Goia ganaduzaleak Legorretako hazlekura.
Legorretako Gurutzeta-Txiki baserrian azken hamar urtean hazi duten Pezuñas idia datorren astean eramango dute. Leongo (Espainia) jatetxe batek erosi du bi mila kilo inguruko abelburua. Galiziar ilehori arrazakoa da, eta “jaio eta berehala” ekarri zuen Alejandro Goia ganaduzaleak Legorretako hazlekura.
Jabe berriak “hilabete batean edo bian” oraindik bizirik edukiko du Pezuñas. “Zaila izango da, ordea, pisu gehiago hartzen”, azaldu du Pascual Olarra ganaduzaleak, Gurutzeta-Txiki baserrian. Pisu marka hauts dezake idiak, behin hiltegira eraman, eta kanalean irekitzen dutenean. Aurreko erreferentzia Bilboko idi batena dute: 1.100 kilo pasatxo pisatu zuen. Goiaren iritziz errekor hori hautsiko du.
