Lander Garroren FAITH, udaberriko irakurgaia
Ekainaren 9an egingo da tertulia Lander Garro bertan dela
Martxoaren 17an gauzatu da neguko solasaldia eta, Karmele Etxaberen gidaritzapean, Pello Lizarralderen Sargori liburua aztertzeko parada aparta izan da. Udaberrirako, berriz, Lander Garroren FAITH eleberria irakurtzea proposatu da.
Oreretarraren liburu berriak Bartzelonara eraman du Xabi Ugarte, aurretik ere bere eleberrietan aurkitu daitekeen protagonista. Euskal Herriko giro politiko itogarritik ihes egiten saiatuko da, baina patuak, historiak, familiaren zamak, ukatuko dio ihesa.
Lan honen inguruko tertulia ekainaren 9an egingo da. Karmele Etxabek gidatuko du eta Lander Garro bertan izango da.
Irakurgaia: Faith
Tertulia eguna: ekainak 9, 19:00
