Erretako etxearen aldeko jaialdia egingo dute gaur Lazkaon
Urriaren 23an San Prudentzio auzoan erre zen Fideletxeko bizilagunentzat dirua biltzeko aurreneko ekitaldia gaur, ostirala, egingo dute Lazkaon. Musika, dantza eta bertso ikuskizuna izango da, eta herriko nahiz eskualde mailako 11 taldek parte hartuko ...
Urriaren 23an San Prudentzio auzoan erre zen Fideletxeko bizilagunentzat dirua biltzeko aurreneko ekitaldia gaur, ostirala, egingo dute Lazkaon. Musika, dantza eta bertso ikuskizuna izango da, eta herriko nahiz eskualde mailako 11 taldek parte hartuko dute.
Ikuskizuna Lazkaoko Areria zineman izango da, gaur 19:30ean. Sarrera 5 euro da, eta bildutako dirua kaltetutako bizilagunentzat izango da. Sarrerak aldez aurretik ere eros daitezke, honako tokietan: udaletxean, Maitte kafetegi-dendan, Ipotx arropa dendan eta Gerriko liburu-dendan. Ekitaldia hasi aurretik zinemako txarteldegian ere salduko dituzte.
Bestetik, herriko banketxeetan kontu korronte bana zabalduta daude herritarrek diru ekarpenak egin ahal izan ditzaten. Hauexek dira:
- Kutxa: 2101 0049 74 0012719654
- Euskadiko Kutxa: 3035 0088 59 0880031574
- BBVA: 0182 5709 43 0201502797
- BSCH: 0049 4986 65 2016005360
