Lazkaoko eragile sozial, politiko eta sindikal desberdinek euskal preso politikoen eskubideen urraketa bukatu dadin, elkarrekin lanean jarduteko konpromisoa hartu dute. Azaroan Euskal Herriko eta kanpoko hainbat eragile desberdinetako ordezkariek prentsaurrekoa eman zuten euskal preso politikoen eskubideen alde eta urtarrilaren 8rako manifestazio baterako deialdia egin zuten. Deialdi horren ondoren, «egoera politikoaren garrantziaz» jabetuta eta guzti horrek beraien herrian ere islada izan zezan, hartu zuten lazkaotarrek biltzeko eta lanean hasteko konpromisoa. Lazkaoko ezker abertzalea, Eusko Alkartasuna, Alternatiba, Senideak, EHNE, LAB, Goierriko Euskal Eskola, praile eta apaizak, ikastolako, Maizpideko eta Musika eskolako irakasleak, talogileak, kirolariak, musikariak eta beste hainbat lazkaotar elkartzen dira ordutik, presoen gaia ardatz hartuta eta beraien hitzetan «elkarlana guztiz aberasgarria izatera iritsi da». Haratago doan konpromisoa Urte Zahar egunean 13:00etan kontzentrazioa deitu dute Lazkaoko plazan, Egin dezagun urratsa lelopean eta urtarrilaren 8an Bilbora joateko deia egin dute. Beraien iritziz «guztion parte hartzea ezinbestekoa» da eta beraz, lazkaotar guztiak gonbidatu nahi dituzte antolatutako ekimenetan parte hartzera. Lazkaoko alderdi politiko, sindikatu eta eragile horien zeregina, ez da bukatuko ordea, urtarrilaren 8an, Bilboko manifestazioa bukatzen denean. Haratago doa. Elkarrekin harremanetan jarraituko dute eta euskal preso politikoen eskubide guztiak errespetatuak izan bitartean lanean jarraitzeko konpromisoa hartu dute. «Sufrimendua besterik ez dakarren espetxe politika honekin [...]
Berria.info-k gaur zabaldu duenez, hiru hilabeteko kartzela zigorra eta 270 euroko isuna jaso du eraikuntzako enpresari batek 2003an Olaberriko obra batean langileek izan zuten istripuagatik. Behargin batek 49 egun erietxean pasatu behar izan zituen ...
Datorren igandean, urtarrilak 2, goraino beteko da berriz ere Majori kiroldegia, eta birritan seguruenik. Pirritx, Porrotx eta Marimotots pailazoek Ongi etorri Pupu eta Lore! ikuskizun berria taularatuko dute, Eguberri partean Goierriko haurrentzat egiten den ekitaldirik nabarmenenean. Goierriko hiru ikastolek –Ordiziako Jakintza, Beasaingo Andramendi eta Lazkaoko San Benito– eta Urruñako (Lapurdi) Hazia elkarteak antolatu dute emanaldia, eta bildutako dirua Urruñako ikastolari eta Ziburuko Piarrez Larzabal kolegioari laguntzeko erabiliko dute. 1997tik ari dira Goierriko ikastolak eta Hazia elkartea elkarlanean, eta 2003az geroztik antolatzen dute pailazoen saioa Ordizian. Bigarren saiorako sarrerak Iaz bezalaxe, pailazoek bi saio egingo dituzte Ordizian, lehena 16:00etan eta 18:30ean bigarrena. Lehen saiorako sarrera ia gehienak salduta daude, baina bigarrenerako badaude oraindik. Ordiziako Majori kiroldegian, Lazkaoko Gerrikon, Segurako Elorripen, Zaldibiako Joxepanen eta Itsasondoko Kaxintanen eros daitezke.
Eguberri inguruetan bertsotarako egarria asetzeko eginahala egiten du ia urtero Ordiziako Argi-Berri elkarteak, eta aurten ere ez du hutsik egin zeregin horretan. Iaz Euskal Herriko Bertsolari Txapelketako zortzi finalistak bildu zituen Majori kiroldegian, eta aurtengoa izen aldetik xumeagoa bada ere, jaialdi txukuna antolatu du Ordiziako Udalaren eta Goierriko Bertso Eskolaren laguntzarekin. Aitor Sarriegi, Ainhoa Mujika eta Julen Agirre beasaindarrak, Amaia Agirre villabonarra, Amets Arzallus hendaiarra eta Andoni Egaña zarauztarra dira Urteberri egunean Herri Antzokiko oholtzara igoko diren bertsolariak. Saioak ordu eta erdi iraungo du , eta gaiak Igor Egurenek jarriko ditu. Sarrerak egunean bertan Jaialdirako sarrerak saioa hasi baino ordu erdi lehenago jarri dituzte salgai Herri Antzokiko lehiatilan, zazpi euroren truke. Bertso saioa 22:00etan hasiko da.
Abenduaren 31n ere elkarretaratzea izango da Areizaga-Kalebarren plazan. Amaitzeko Bilbon, urtarrilaren 8an manifestazio nazionala egingo da presoak Euskal Herrira ekartzea eskatzeko.
25 euroko bonoak kultur produktuetan 40 euroko gastua egiteko aukera eskaintzen du. Aresti, Legazpi, Paideia eta Urki liburu-dendetan erabili daiteke bonoa....
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
