Ehun haur ludoteka ibiltarian
Aisihezi aisialdi elkarteak larunbatean egindako ludoteka ibiltarian ehun haurrek baino gehiagok parte hartu zuela jakinarazi dute. Igartza auzoan ludoteka zerbitzua falta dela nabarmen geratu zen elkartekoen arabera, eguraldiak lagundu ez arren haur ...
Aisihezi aisialdi elkarteak larunbatean egindako ludoteka ibiltarian ehun haurrek baino gehiagok parte hartu zuela jakinarazi dute. Igartza auzoan ludoteka zerbitzua falta dela nabarmen geratu zen elkartekoen arabera, eguraldiak lagundu ez arren haur eta guraso asko elkartu baitzen ludotekak antolatutako joko eta jolasetan ibiltzeko.
Aurpegi margoketa, txotxongilo eta ipuinen txokoa, txilipurdi gunea, mahai jolasak, eskulanak, jolas erraldoiak… antolatu zituzten eta Igartza auzoko bizilagunek esker onez hartu zituzten ekintzak, “normalean ez baita halakorik egoten”.
Aisihezi elkarteko kideek ere eskerrak eman nahi izan dizkiete bizilagunei eta larunbatean ludoteka ibiltarian parte hartu eta lagundu zuten guztiei. Udaberrian ekimena berriz egitea aurreikusita dute Berritsu eta Txelotxe ludoteketako hezitzaileek.
