Haritzak, pagoak eta urkiak landatuko dituzte etzi Arramendin
Ordiziako Arramendi baserriaren inguruan sasiak erabat hartuta zegoen eremua garbitu eta gero, Arantzadi Zientzia Elkartearen bidez lortutako 240 haritz, pago eta urki landare landatuko dituzte larunbatean. Landaketa auzolanean egingo da, eta Agenda 21...
Ordiziako Arramendi baserriaren inguruan sasiak erabat hartuta zegoen eremua garbitu eta gero, Arantzadi Zientzia Elkartearen bidez lortutako 240 haritz, pago eta urki landare landatuko dituzte larunbatean. Landaketa auzolanean egingo da, eta Agenda 21eko eragileez gain, edozein herritarrek parte har dezake landaketan. Ordiziako Plaza Nagusian da hitzordua larunbatean, 10:00etan, eta landaketarako arropa egokiak eramateko deia egin diete parte hartu nahi dutenei.
Ordiziako Udaleko Zerbitzuak eta Agenda 21 delegazioa zuhaitz landaketak bultzatzen ari da azken urteetan. Herriko berdegune eta lorategietan egin dituzte orain arteko landaketa gehienak. Orain gutxi hainbat ezpel eta hagin landatu dituzte Jakintza ikastolako eta Urdaneta ikastetxeko haurrek Oreja parkean eta Buztuntza auzoan.