
Eusko Alderdi Jeltzaleak hauteskunde kanpainako ekitaldia egin du gaur Ordizian. Jose Migel Santamaria alkategaiak eta Markel Olano ahaldun nagusigaiak parte hartu dute bertan, EAJko beste kide eta ordezkari batzuekin batera. Olanok azaldu duenez, EAJk beste bi blokeen arteko “erdigunea bideratzeko eta indartzeko bokazioa” du. Bloke horiek, Bildu koalizioa eta “PSE-PP frontea” lirateke. Aurrenekoei buruz, azkenean hauteskundeetan izateko aukera dutela eta hori “albiste ona” dela dio Olanok. “Beste aldean dago PSEk eta PPk osatu duten frontea”. Olanoren ustez, azken hauteskundeetan “iruzur” egin zioten euskal gizarteari, azken unera arte ez baitzuten elkarrekin paktatzeko asmorik iragarri. “Jende asko damutu zen orduan, eta orain, hori berriro gerta ez dadin nahi dugu”. Jose Migel Santamaria, Ordiziako alkategaiak berriz, azken lau urteetako legegintzaldiaren balantzea egin du. “Gauzak egiteko beste era bat” bultzatu dutela dio, “gertutasuna oinarri hartuta”. Maiatzaren 22ko hauteskundeen ondoren, “bide hori kontsolidatu” nahi lukete. Egungo egoera ekonomikoari aipamena eginez, “krisi egoera honi aurre egin diezaiokeen alderdi bakarra EAJ” dela esan du. Mugikortasuna hizpide Markel Olanok, mugikortasunaren arloan dituen proposamenak ere aurkeztu ditu gaurko ekitaldian. Hala, “errepide sare berria eta ondo konektatutako garraio publiko sistema” izango dira, bere ustez, “Gipuzkoaren lurralde oreka mantentzeko ardatzak”. Azken legegintzaldian “errepideetako mugikortasunean iraultza bat” bizi izan du Gipuzkoak Olanoren [...]

Ordiziako Udalbatzak hauteskundeen aurreko azken osoko bilkura egingo du astelehenean, 08:00etan. 2010. urteko kontuen likidazioa, lanpostuen balorazioa eta Udalaren eta Goiekiren arteko hitzarmena izango dituzte hizpide. Ezker Batua-Berdeak alderdiak ...

Arrastaka Mendi Taldeak antolatuta, Ehunmiliak probako ibilbideko hirugarren eta laugarren etapak egingo dituzte asteburuan. Larunbatean izango da hirugarren etapa, Azpeitia eta Tolosa artekoa. Guztira 25 kilometroko ibilbidea da, eta tartean Zestoa, ...

Urretxuko eta Zumarragako kantuzale elkarteak lehenengo agerraldia egingo du, kaleak kantuz betez.

Urola Garaia eskualdean mugikortasun iraunkorra irudikatzen duten argazkiak aurkeztu beharko dira maiatzaren 31ra bitartean; sari banaketa ekainaren 6an izango da.

Aralar: baserritik begirada bat ikus-entzunezko bideorama aurkeztu dute gaur eguerdian Zaldibian, Goizane eraikinean. Goimenen eskariz, Gema Arrugaeta argazkilari ordiziarrak landu du, argazki eta bideo bitartez, Aralarrek eta nekazaritzak duten lotura. Parke naturalean dauden “aktibitate guztiak” biltzea eta nekazaritza lantzen duten eragile nahiz jarduera ugariak islatzea du helburu ikus-entzunezkoak. 17 bat minutuko iraupena du, eta paisajeetatik abiatuta, belarreta, soro-baratzegintza, sagarra-sagardogintza, ganadu aziendak, abeltzaintza, artzaintza, gaztagintza, erleak eta bestelako jarduerak agertzen ditu. Off-eko ahotsen bitartez nekazarien euren testigantzak entzuten dira. Goizane eraikinean ikusle ororentzat emanaldia egingo dute larunbatean, 11:00etatik 13:00etara artean. Goimenek adierazi du nekazarien lana gizarteratzeko eta haien lana onartzeko “zintzilik” zegoen lana zela. ERREPORTAJEA Aralar, egiazko begietatik Aralar? Zer izango da, bada? Gure bizilekua, etxea». Hitz horietxekin hasten da Aralar: baserritik begirada bat ikus-entzunezkoa. Mendizerraren eta parke naturalaren barruan, antzinatik beren lanarekin eta izatearekin «paisaje kulturala» eta ingurunea zizelkatzen duten eragileetako baten esaldia da. Gema Arrugaeta argazkilari ordiziarrak Goimenen eskariz egin duen bideorama atzo aurkeztu zuten Zaldibian, Goizane eraikinean. Hamazazpi minutuan, Aralarren benetako muina diren nekazariak eta abeltzainak ditu ardatz, bertan lantzen diren lanbideak eta aktibitateak hari. «Bideorama honen bitartez Aralarrekin lotura duten Goierriko artzain, abeltzain, erlezain eta baserritarrek parkearen bueltan daukaten zeregina, ikuspegia eta lotura azaltzen da, mendiaren eta [...]

Kultur aldiaren barruan, Txindata musika eskolako haurrek saioa egingo dute saloian, 17:30ean. Urtean zehar ikasitakoa praktikan jartzeko aukera izango dute musika eskolako ikasleek.

Kultur aldiaren barruan, Gabiriako Balentzategi herri eskolakoek saioa egingo dute larunbatean, maiatzaren 14an, bertako saloian. Emankizunean abestu eta kantatu egingo dute, eta antzerkirik ere ez da faltako.



EAJ alderdiak hauteskundeetara begirko ekitaldi bat burutu du gaur goizean Legazpin. Bertan esan dutenez, “sozialistak hankaz gora jartzen ari dira urtetan abertzaleok eraiki dugun herri eredua”. Gipuzkoako diputatu nagusia eta EAJko hautagaia den Markel Olanok “positibotzat” jo du Auzitegi Konstituzionalak Bilduk datorren maiatzaren 22ko hauteskundeetan parte hartzearen alde hartu duen erabakia. “Espero dut herri honetan demokraziaren aurka egin diren erasoen garaia gainditu izana eta aukera politiko guztiak gure herriaren aldeko eztabaida eraikitzailera zabaltzea. Albiste ona da eta orain lana egitea dagokigu, ideia eta proiektuekin, Gipuzkoa eraikitzen jarraitzeko” esan du Olanok. Legazpiko udalerako EAJko hautagaia den Javier Iraetarekin batera egin du gaur kanpaina ekitaldia. Hautagaiak esan duenez, “gaurko eguna egun handia da gure herriaren bake eta normalizaziora bidean. Lehen mehatxupean edo legez kanpo zauden pertsonak bozka eman ahal izango dute datorren maiatzaren 22an eta horrek posible egingo digu benetako eztabaida egitea, hau da, gizarteak berak izatea paper nagusia eta ez politikoek”. Aldi berean, “gure herri eta hirietako bizi kalitatea hobetzeko bakoitzak dituzten ekarpen eta proiektu inguruan” eztabaidatu nahi luketela azaldu du. Olanok adierazi duenez, “ibil gaitezen argi PSE-EEk eta PPk abertzaletasuna erakundeetatik kanporatzeko helburua zutik dutelako”. “Behin” egin zutela gogoratu du eta “gainontzeko erakundeetara zabaltzea ekidin” behar dela ere esan du, [...]

Datorren astelehenean, hilak 9, aparteko eta presazko osoko bilkura egingo du Ordiziako Udalbatzak, 08:00etan. Maiatzaren 22ko Udal eta foru hauteskundeetarako hautes-mahaikideen ordezkoak aukeratzea izango eguneko aztergai bakarra, aurreko bilkuran eg...

Estibalitz Ruano Matxain. Ile apaintzailea Ordiziako E.R. Matxain ile apaindegiak ‘Ileorde solidarioa’ ekimena jarri du martxan; hortik eratorritako bezero berriekin sortutako diruaren zati bat minbiziari aurre egiteko erabiliko du. Badajozko (Espainia) Niobe&Lia ile apaindegiak abian jarritako ekimenaren ideia hartu, eta bere horretan jarri du martxan Estibalitz Ruano Matxain ile apaintzaileak (Ordizia, 1974). Minbizia dutenei zerbitzua eskaintzeaz gain, minbiziaren aurkako elkarteei dirua bideratzea du helburu. Nolatan erabaki duzu horrelako ekimen bat hastea? Lehen ere ibili izan naiz minbizia duten pertsonekin lanean, eta nire kontura bilatu izan ditut ileordeak, baina beti izan dut gogoa bestelako zerbait egiteko. Hala ere, hotza ere iruditu izan zait funtzionatzeko modu hori. Merkataritza aldetik ematen du minbizia duten pertsona horietaz aprobetxatu nahia dagoela, baina nik laguntza aldetik bideratu dut. Zein izaten da ileorde bat aukeratu behar duen pertsonak egin behar izaten dituen urratsak? Gaixo dauden pertsonek eta haien ingurukoek ikusten badute ileorde baten beharra izango dutela, ile apaindegira etortzen dira, eta hor hasten da prozesua. Ilea nolakoa duen ikusten dugu, eta katalogo baten edo erakusgarri baten bitartez ileordea aukeratzen. Ileorde egokiena aukeratutakoan, pertsonaren orrazkera motara egokitzen dugu. Nork zer-nola moztuta erabili izan duen, eta zer koloretan, horren oso antzekoa izaten da. Eta ilea erortzen hasten zaionean ilea [...]