
Nazioen Munduak uztailaren 2rako topaketa antolatu du Larraitzen, iaz bezala autodeterminazio eskubidearen alde agerraldia egiteko. Pertsona multzo handiak bildu eta zelaian mosaikoa osatu nahi dute, irudiak eta mezuak sortzeko. Ekitaldia prestatzeko L...

Lizarrusti Parketxeak ekaineko igandeetarako antolatu dituen ekitaldien artean, jai honetan Alotzara mendi ibilaldia izango da. Ibiltariak 08:00etan abiatuko dira Lizarrusti gainetik, eta itzulera 13:30erako aurreikusi dute. Bost ordu eta erdiko txango...

Lazkaon urriaren 23an gas isuri baten ondorioz erre zen Fideletxeko bizilagunentzat denera 17.939,31 euro bildu dira. Ekimen eta ekitaldi ugari egin dira elkartasunez orduz geroztik, herriko elkarte, erakunde eta norbanako ugariren ekarpenarekin. Heren...

zingizango.com• Taberna eta jatetxetako langileen euskararen ezagutza eta erabilera neurtzeko egin ziren inkesten emaitzak aztertu ondoren, hainbat eskintza egin zaizkie tabernariei. Maiatzean zehar Legazpi, Urretxu, Zumarraga eta Ezkio-Itsasoko tab...

Aste Santuko oporren aurretik dago erabilgarri Beasain eta Lazkao batzen dituen bidegorri zatia, baina atzo egin zuten inaugurazio ofiziala. Beasaingo Zaldizurretako biribilgunean hasi, eta Lazkaoko Beneditarren artxibo parera arte egin dute bidegorria, guztira ia bi kilometroko luzeera duena. Patxi Plazaola Beasaingo jarduneko alkateak, Patxi Albisu Lazkaoko jarduneko alkateak, eta Karlos Ormazabal Garapen Iraunkorreko jarduneko diputatuak inauguratu zuten bidegorria atzo, bi herriek bat egiten duten puntuan, Agauntza ibaiaren gaineko zubian. Bidegorrian oinezkoentzako eta txirriduekin ibiltzeko guneak daude bereizita. Oinezkoentzako bidea baldosazkoa da, eta bizikletentzakoa asfalto gorrikoa. Lazkaora bidean hainbat zatitan, bidegorria estutu egin behar izan dute, hainbat tokitan eraikinek ez baitzuten ahalbidetzen zabalera hori ematea. Bestelako aldaketak ere bai Ia bi kilometroko bidean, hainbat zatitan bidegorria estutzeaz gain, beste hainbat aldaketa ere gin dituzte bidegorriaren bi aldeetan. Senpereko merkatalgunearen parean, adibidez, aparkalekura jaisteko zeuden eskilarak kendu egin dituzte, eta horien ordez irisgarritasuna bermatzen duen aldapa jarri dute. Agauntza ibaiaren gainean, zubia zabaldu egin behar izan dute, bide zaharra oso estua zelako oinezkoentzako eta bizikletentzako bideak hartzeko. Beasaingo Zaldizurretako biribilgunetik Senpereko merkatalgunera arteko zatian, bi espaloietatik bat kendu egin dute, bidegorriari behar adinako zabalera emateko. Lanak iazko azaroan hasi ziren eta guztira 2.217.586 euro inbertitu ditu foru aldundiak Beasain eta Lazkao arteko [...]

Legazpi Hiria Estatu mailako argazki lehiaketako irudiak kultur etxeko erakusketa aretoan 17:00etatik 20:30etara.

Mirandaola parkean egingo da egun guztian zehar “La Bellota” Zentro Extremeñoaren ardurapean.

Ataungo Jentilbaratza harkaitzean Erdi Aroan zegoen Ataun gotorlekuaren indusketetan ateratako piezak erakusketan jarri dituzte. Zaindarien bizimoduaren adierazgarri dira armak, txanponak, jokoak… ikus daitezke Jentilbaratza: gaizkileen mugan bilduman. Ataungo udaletxeko ganbaran dago, larunbatera arte. Aste egunetan arratsaldetan irekiko dute (17:00etatik 20:00etara), eta larunbatean goizean (11:00-13:00). Suhar arkeologia taldeko kideak bertan egongo dira azalpenak ematen. Talde hori arduratu zen 2009an eta 2010ean indusketak burutzeaz. Lehenago Joxemiel Barandiaran antropologo ataundarrak ere ikertu zuen eremua, 1916an eta 1971n indusketak eginda. Erakusketan pieza asko ez dira, baina bai balio historiko eta arkeologiko handikoak. Bilduma xumea da kopuruz edo ikusgarritasunez, baina Ataunen bertan aurkitutako gaiekin osatua izateak interesa handitzen dio. Gauza txikiak dira, baina mende askoko bizia dute. Behinola Jentilbaratza muinoan zegoen Ataun gazteluko bizimodua eta eremu gotortu haren funtzioa islatzen dute aurkitutako aztarnek. Erdi Aroan, XIII. eta XIV. mendeetan Nafarroako erresumaren defentsarako altxatutako gotorlekua zen Ataun gaztelua. Joxemiel Barandiaran antropologoak XX. mendearen lehen erdian hasi, eta Suhar taldeak 2009-2010eko kanpainetan bukatu duen ikerketaren emaitza dago, lau erakusleihotan eta informazio tauletan. Aurreko larunbatean zabaldu zuten Jentilbaratza: gaizkileen mugan bilduma ikusteko aretoa. Lehen egunean «60 bat» ataundar joan ziren. Aste osoan dago aukera, larunbatera arte. Suhar arkeologia taldeko adituak bertan egongo dira, Jentilbaratzeko gazteluaren berri zehatza emateko. [...]

Legorretako adin txikiko etorkinen egoitzan zeuden gazte batzuek ustez eraikinari su eman eta ihes egin dute, bart. Gaueko 22:40 inguruan izan ziren gertakariak. Suteak kalte materialak eragin ditu Gain Eder etxearen barrualdean, sukaldean eta ke-erauzkailuan batez ere. Ordiziako suhiltzaileek bertara joan behar izan zuten, eta ordu erdian itzalia zuten. Zentroko arduradunek esan dutenez, drogekin arazoak dituen mutil baten harira sortu zen istilua, atzo gauean. “Aurreko ostiralean iritsi zen Legorretako zentrora, eta disolbatzaile kontsumoarekin arazoak ditu. Atzo gauean gelan hartzen hasi zen, eta zaintzaileek Ertzaintzari hots egin zioten. Etorritakoan gazteak urduri jarri ziren, eta egongelako armarioak bota zituzten”, azaldu dio egunkari honi Legorretako jarduneko alkateak. Sukaldean sua piztu zuten ondoren, baina “berehala” itzali zuten Goierri parkeko suhiltzaileek. Kaltetuena sukaldea geratu da, eta berritu beharra izango dela aurreratu dute teknikariek. Gertakarien unean harrera etxean lau adin txikiko zeuden, nahiz eta bost bizi diren denera (bat lanetik geroago itzuli zen). Alde egin zuten gazteetarik bi goizeko 06:00ak aldera Ertzaintzaren komisaldegi batera joan dira, beren burua aurkeztera. Beste bik ihes eginda segitzen dute, eta ez dago haien berririk. Itzuli diren bi gazte Elgetako (Gipuzkoa) harrera etxera eraman dituzte momentuan, baina bat, behintzat, Legorretara “berehala” itzultzekotan da. Bosgarrena ohiko jarduerak egitera joan da; jatetxe batean [...]


Ordiziako gaztetxearen 25. urtemugako ekintzen barruan, zine emanaldia antolatu dute gaur arratsalderako. Wachowski anaiek zuzendutako V de vendetta filma eskainiko dute, 18:00etan, gaztetxean bertan. Kontrol sozialaren eta faxismoaren inguruko gogoeta...

Euriaren erruz, Gernika pasealekuko pilotalekuan egin behar izan dute gaur sokadantza haurrek. Aruten guztira, 36 mutikok parte hartu du sokadantzan, denak zuri-gorriz jantzita. Banaka-banaka egin dute dantza mutiko guztiek, eta ondoren neskak ere bat...

Gazte bati urtebeteko espetxe zigorra ezarri diote iazko uztailean Legazpin ertzain batzuk ustez jotzeagatik. Eepaitu duten gertaera jazo zen unean ertzainek gazte hau atxilotu nahi zutela azaldu dute. Ustezko erasoa iazko uztailaren 18an gertatu zen, goizeko ordu txikietan. EFE berri agentziak jakinarazio duenez, ertzain batzuek pertsona talde bat Aizkorri kaleko hiri altzarietan kalteak eragiten ari zenaren abisua jaso zuten. Inguru hartara joandakoan, ertzainek baliza zilindriko batzuk sutan zeudela ikusi zuten. Suak itzalgailu batekin itzali zituzten orduan, eta Plazaola kalean behera abiatu ziren. Beti ere EFE berri agentziaren arabera, inguru honetan gazte talde bat zegoen, eta hauetako batek “hijos de puta” esanez iraindu omen zituen poliziak. Minutu gutxira, ertzainak berriro ere inguru hartatik igaro ziren eta gazte berberak likido batez beteta zegoen edalontzi bat bota zien, baina ez zituen jo. EFEk azaldu duenez, ertzainak gaztea idenfitikatzen saiatu ziren, baina gaztea bilatzen ari zirela, Saturnino Telleria kalean zabor edukiontzi bat sutan zela ikusi zuten. Bertan jende asko zegoela ikusita, laguntza eskatu zuten eta ertzain gehiago bertaratu ziren, suhiltzaileekin batera. Diotenez, ertzainak suhiltzaileen lana zaintzen ari zirela, edalontzia bota zien gazteak botila bat jaurti zien poliziei, eta hauek bere bila joan ziren. Ihesi zioala, ustezko erasotzailea erori egin zen. Jaiki, eta korrika jarraitu [...]