2011/9

‘Portraits I’ eta ‘20 urte hegaletan’ erakusketak ikusgai daude egunotan Goierri Garaian

Egunotan Urretxun eta Legazpin erakusketa banaz gozatzeko aukera dago. Urretxun Oscar Pereiraren Portraits I izeneko argazki bilduma jarri dute Juan de Lizarazun. Legazpiko kultur etxean, berriz, 20 urte hegaletan erakusketa dago ikusgai. Oscar Pereira Goierri Garaiko hainbat artista ere biltzen dituen Txo Kolektiboko kidea da. Portraits I izena eman dio erakusketari eta bertan pertsonen argazkiak bildu ditu, zuri-beltzean. Mundu osoan zehar atetarakoak dira: New Yorken, Pragan, Burgosen, Lazkaon edota Zumarragan, eta irudi askotan rock musika estiloa presente dago. Gorka Salmeron argazkilari legazpiarrak erakusketako katalogoaren hitzaurrean aurkezten duenez, bilduma «azken lau urteetan egindako aurrez aurreko erretratuek» osatzen dute. «Hemen ere rokanrola antzematen da, baina gaur arte bere argazkietan ezezagunak ziren gaiak ere aurkezten dizkigu» dio. Irudiak ere definitzen ditu Salmeronek: «irudi hauek hitz egiten digute, beraien atzean dagoen argazkilariaren ispilua dira: izaera dute». Erakusketa Juan de Lizarazu aretoan ikus daiteke, irailaren 11ra arte, 17:30etik 20:30era. Legazpiko erakusketa, berriz, Benito Cantero eta Joxe Agustin Gurrutxaga bergararrek prestatu dute. 20 urte hegaletan izena eman diote eta mendiari lotutako irudiak bildu dituzte bertan. Astelehenetik ostiralera dago ikusgai, 17:30etik 20:30era Legazpiko kultur etxean. Hilaren 16ra arte egongo da irekita. Beste alde batetik, Urretxuko Buhame tabernan ere erakusketa bat jarri zuten ikusgai larunbatean. Lourdes Larrañaga zumarragarraren [...]

Legazpiko Hitza

’20 urte hegaletan’ erakusketa

Erakusketa: ’20 Urte hegaletan’ Egileak:  Benito Cantero eta Joxe Agustin Gurrutxaga 17:30etik 20:30era Legazpiko kultur etxean. Hilaren 16ra arte egongo da irekita.

Legazpiko Hitza

Lorategi kalea itxi egingo dute asteburuetan

Beasaingo Udaletik jakinarazi dutenez, Lorategi kalerako sarbidea kontrolatzeko semaforo sistema jarri zutenetik, hainbat gora-behera gertatu dira, eta horregatik, asteburuetan kalea ibilgailuentzako erabat itxi egingo dute. Aurrerantzean beraz, ostiral arratsaldeko 18:00etatik astelehen goizeko 07:00etara bitartean, Lorategi kalea piboteekin itxiko dute. Urtean zehar jai egunak diren gainerako aste egunetan eta zubietan, asteburuetarako ezarritako ordutegia aldatu egin daitekeela ere jakinarazi dute udaletik.  

Beasaingo Hitza

Hondeaketa lanak ia amaitu dituzte Antion

Euste-hormak egiteko ingurua industen ari dira une honetan; akats bat tarteko lur-jausi txiki bat izan da, baina lur-eremua eusteko lanak eginda,...

Otamotz.com Urretxu-Zumarraga

Aritz Lasak Urretxun jokatuko du ostiralean

Ostiral gauean profesionalen arteko pilota partidak jokatuko dituzte Urretxuko Ederrena pilotalekuan.

Otamotz.com Urretxu-Zumarraga

Igeriketa Lantzenekin zuen kontratua eten du Ordiziako Udalak

Ordiziako Majori kiroldegia kudeatzen zuen Igeriketa Lantzen enpresarekin zuen kontratua bertan behera uztea erabaki du Ordiziako Udalak. Atzo arratsaldean egin zuen Majoriko administrazio kontseiluak gaiari buruz hitz egiteko bilera, eta kontseiluak aho batez erabaki zuen kontratua etetea. Uztailaren azkenaz geroztik hartzekodunen lehiaketan sartua dago Igeriketa Lantzen enpresa, galera ekonomiko handiak dituela argudiatuta. Egoera ikusita, udalak kontratua eten du, eta orain duen helburu nagusia kiroldegiaren zerbitzuei eustea da. Igor Eguren alkateak eta Juan Mari Gereñu kiroletako zinegotziak eman dute gaur erabakiaren berri. Udal arduradunek argi utzi dute Igeriketa Lantzen enpresaren egoera ekonomikoak ez duela lotura zuzenik Majori kiroldegiaren kudeaketarekin. “Beste arrazoi batzuengatik sartu da Igeriketa Lantzean hartzekodunen lehiaketan”. Enpresaren ordezkariei erabakiaren berri eman ondoren, langileekin bildu ziren atzo udal arduradunak. Egurenen arabera, orain arteko lan baldintza eta soldata berarekin jarraitzeko proposamena egin zieten langileei, eta langileek harrera ona egin zieten proposamenari. “Hainbat enpresarekin hitz egiten ari gara, eta enpresa horiei eskaintzen ari garena da kudeaketa hori egun dagoen lan-talde berarekin hartzea. Hori da itxiko duguna, argi eta garbi utzita baldintzak horiek direla”. Administrazio Kontseiluak sei hilabeteren buruan erabakiko du zein izango den kiroldegia kudeatzeko eredu berria, eta bien bitartean, “kiroldegiak egun bakar batean ateak itx ez ditzan” lan egingo du udalak. [...]

Ordiziako Hitza

Zaldibian gaur egingo dute legealdiko lehenengo herri batzarra

Gaur iluntzean egingo dute 2011-2015 legealdiko aurreneko herri batzarra Zaldibian, Karreane kultur etxean. 19:00etan hasiko da bilera. Aurkezpenak egiteko baliatuko dute, nagusiki. Batetik, udalkideak eta osatu dituzten batzordeen arduradunak. Bost ba...

Aimar Maiz

Lazkaoko Udako Ikastaroetan Furundarena izango da hurrengo ekitaldian, soinu jotzen

Maizpide euskaltegiaren Udako Ikastaroetako kultura agendan hurrengo ekitaldia asteartean izango da, irailak 6. Aitor Furundarena akordeoilari ordiziarrak kontzertua egingo du. Euskaltegiko zinema aretoan, 21:30ean hasiko da musika saioa. Egitarauan be...

Aimar Maiz

Lazkaok eta Ordiziak lehiaketa aurreko kopa jokatuko dute, asteartean, futbolean

Lazkao eta Ordizia lehia aurreko futbol kopan Lazkao ›Futboleko denboraldi ofiziala hasi aurretik, asteartean, hilak 6, lagunarteko partida jokatuko dute Erregional mailetako Lazkaok eta Ordiziak. Lazkaoko Harizti Haundi zelaian V. Koba Tours Kopa iz...

Aimar Maiz

Ampo Ordiziak “ilusioz” ekingo dio denboraldi berriari

Pasa den denboraldian erakutsitako jokoa eta lortutako emaitzak ikusita, aurten ere gora begira jarrita daude Ordizia Rugby Elkartekoak. Talde nagusia goren mailako oilarren artean ikusi nahi dute, titulua lortzeko lehian. Iazko taldearen oinarria mantentzea lortu dute, eta udan zehar, hainbat fitxaketa ere egin dituzte, taldea are gehiago indartzeko. Abuztuaren 16an hasi zituzten entrenamendu saioak. Liga berriz, irailaren 18an hasiko dute. Hilabeteko epe hori, «fisikoki tonua hartzeko eta Paul Healy etorri ondoren, joku sistema berrira egokitzeko» erabili dute. Aurre denboraldiari dagokionean, bi partida jokatuko dituzte datozen asteetan. Larunbatean izango da aurrenekoa, Elorrion. Bertako klubaren 30. urteurrena dela eta gonbidatu dute Ordiziako taldea. Parean, ezagun zahar bat izango dute, Getxoko Artea. Irailaren 10ean berriz, etxean jokatuko dute, Tyrosse talde frantziarraren kontra. «Talde gogorra» dela azaldu du Arañak; «Frantziako hirugarren mailan dago, baina iaz 2. mailarako igoera fasea jokatu zuen; berez, gure antzeko maila duen taldea da, eta hor ikusiko dugu benetan ligari begira nola gauden». Hiru jokalari berri 2011-2012 denboraldiari begira, iazko taldearen oinarria mantendu egin dute, baina hiru jokalari berri fitxatu dituzte, taldea indartzeko. Arañak azaldu duenez, Espainiako Ohorezko Mailan lehiatzeko «lehen lerro gogorra behar da eta hori indartu nahi izan dugu». Horretarako, Kesomi Lolotonga ekarri dute Australiatik. «Arroin posturako gizon [...]

Goierriko Hitza

Ronkanrol ukituko erretratuen erakusketa inauguratuko da gaur Juan de Lizarazun

Oscar Pereira argazkilari zumarragarrak, azken lau urteetan egindako erretratuen bilduna jasotzen du erakusketak; gaurtik irailaren 11ra arte izango da ikusgai.

Otamotz.com Urretxu-Zumarraga
Gehiago
HITZAkide HITZAkide

 

ELKARRIZKETAK

ERREPORTAJEAK

KIROLA

Azken bideoak

 

Argitalpen bereziak

Gipuzkoa