
San Migel eguna irailaren 29a da, baina ormaiztegiarrek aurreratu egin dituzte ospakizunak. Gaurko eta biharko ekitaldi sorta antolatu dute, eta beraz herriko haurrek, gazteek zein helduek ez dute aspertzeko aukerarik izango. Gaur arratsaldeko zazpietatik aurrera III. Sasi Pelota txapelketaren finalak jokatuko dituzte Zubipe kiroldegian, eta bihar ere kirol proba batekin emando diote hasiera egitarauari, mendi bizikleta proba egingo baitute herrian zehar osatutako ibilbidean. Izena 9:30etatik aurrera eman ahal izango da udaletxe azpian. Federatuek 5 euro ordaindu beharko dituzte eta federatu gabeek 10 euro. Maixune etxearen ondotik irtengo dira goizeko hamarretan. Proba Ormaiztegin, Idiazabalgo Urbizu auzoan, Mutiloako Lierni auzoan eta Gabiriako mendietan zehar jokatuko dute. Helduek 23 kilometroko ibilbidea osatu beharko dute eta gaztetxoek berriz, 20 kilometrokoa. Proba bukatu eta gero, parte-hartzaileei gosaria zerbitzatuko diete eta kirol materiala ere zozkatuko dute antolatzaileek. Bestalde, bizikletak garbitzeko aukera izango dute kirolariek. Harrikalari lehiaketa Eguerdiko hamabietan hasita XX. San Migel Toka txapelketa egingo dute Ormaiztegiko plazan. Irabazleak garaikurra eta arkumea etxeratuko ditu. Bigarrenari garaikurra eta legatza emango dizkiote. Ondoren, XVI. Harrikalari Txapelketa herrikoia egingo dute Berjaldegi zelaian. 2.080 gramoko harria zeinek urrutirago bota egongo da jokuan. Irabazleak garaikurra eskuratuko du eta harriaren pisua txuletatan, eta bigarrenak garaikurrak eta harriaren pisua odolkitan. Arratsaldera bitartean etenalditxo [...]

Euskaraz hitz egitea ahalbideratzeko talde txikiak osatzea da helburua, horretarako euskaraz aritu nahi duten euskaldun berriak, eta taldeak gidatuko dituzten euskaldun zaharrak...

Gipuzkoako Bertsolari Txapelketaren final zortzirenen faseak Lazkaon igaroko du erdibidea, igandean. Koska horretako zazpi saioetatik laugarrena jokatuko da, 17:30ean, Areria kulturgunean, sei bertsolarirekin. Asteburuko bi saioetan —larunbatean Eibarren da— goierritar banak kantatuko dute, Nerea Elustondo legazpiarrak zapatuan, eta Iban Urdangarin ataundarrak igandean. Biak udaberriko fasetik sailkatuta iritsi dira; Elustondo 14. geratu zen, Urdangarin 22. Lazkaokoa G Puntua lehiaketak Goierrin izango duen hirugarren geltokia da, Gabirian eta Zumarragan izan ondoren. Gerorako Idiazabal geratuko da, urriaren 30ean, final-laurdenetan. Honako sei bertsolariak jardungo dira Areriako oholtzan: Iban Urdangarin, Unai Muñoa, Nahikari Gabilondo, Beñat Lizaso, Beñat Iguaran eta Adur Gorostidi. Muñoak lehenbiziko saioa du, 2007ko txapelketan finalaurrekoetara iritsi izanak eman baitio txartela. Gainontzekoek galbahea gainditu dute. Adur Gorostidi larraiztarraren kasuan, lehen faseko sailkapenean 33. geratu zen —32 pasa ziren aurrera—. Eneritz Artzallusek ezingo du aritu, ordea, atzerrira joan delako, eta haren hutsunea beteko du Gorostidik. Sarrerak, aurrez ere salgai Lazkaoko saioa entzutera Areriara joateko sarrerak aurretik eros litezke, txapelketaren webgunean (gpuntua.com edo betsosarrerak.eu). Bertsozale Elkarteko bazkideek 5 euro ordiandu behar dute, 18 urtetik beherakoek 3 euro, eta gainontzekoek 8 euro. Final zortzirenetako saio guztietarako dira prezio horiek. Finalera bitarteko saio guztietarako balio duen bonua ere atera dute. Lazkaoko saioa Irati Arrieta lazkaotarrak aurkeztuko du. [...]

Aste osoan kulturari, gastronomiari, kirolari eta aisiari lotutako ekitaldiak ari dira garatzen Araman. Kultur Astea dute, astelehenean hasi zena eta igandera arte ekitaldi ugari eskainiko dituena; batzuk berritzaileak dira. Berritasunetako bat Aramako...

Lazkaon sagardo dastaketa egingo dute etzi, larunbata. Urteroko ohitura da, aurten hemeretzigarren aldia baitu. Ekitaldiak bezainbeste sagardotegi egongo dira ordezkariak: Gipuzkoako 19 etxetako edariak dastatatu ahalko dira. Udalak erosi ditu sagardoa...

Legorretako Udalak II. Pintura Lehiaketa antolatu eta iragarri du, herriko ikuspegiak margo lanetan islatzeko helburuz. 16 urtetik gorako edozein margolarirentzat da, teknika librean. Lanak urriaren 14a baino lehen Patxi Ezkiaga Kultur Etxean utzi beha...

Larunbat honetakoa izango da Antioko baselizan eskainiko den azken kontzertua; zikloa datorren urtera arte agurtuko da datorren asteburuan, Igartubeiti baserrian egingo...

Ostiralean itxiko dute Legazpin hainbat ikastarotan izena emateko epea. Eskulan ikastaroa urritik ekainera bitartean egingo dute, astearteetan eta ostegunetan 15:00etatik 17:00etara. Irule Elkarteak eskainiko du. Josteko konponketa txikien tailerra ere...

Zintzo Mintzoko kideak kantuan Kantu Afariarekin (irudian) agurtu dituzte urretxuarrek festak. Xabier Leteri eta Jesus Guridi omenaldia egiteko baliatu zuten kantu saioa eta musikarien esanetan, ekitaldia «oso ondo» burutu zen: «Abestiak iazkoak ...

Alzheimerraren Nazioarteko Eguna da bihar. Garuneko neuronen arteko konexio bakoitza eginkizun edo pentsamendu bati lotuta dago, eta konexio horiek apurtzen hasten direnean hasten da gaixotasuna garatzen. Gaixoarengan lehen sintomak agertzen hasi bain...

10:00etan izango da Urretxuko Labeaga aretoan; Legazpiko bazkideentzat autobus zerbitzua egongo da 9:30ean Elizondo tabernatik irtenda.

Legorretako Udalak asteazkenean aurkeztu zituen herritarren aurrean udal kudeaketarako «ezinbesteko» papera izango duten batzorde informatzaileak, eta nolakoa funtzionamendua izango duten. Guztira zazpi lan-talde dira, eta irailean zehar hasiko da ba...

Txernobilen Lagunak elkarteak antolatuta, bi saio egin dituzte Beasainen Pirritx, Porrotx eta Marimotots pailazoek. Pupu eta Lore, Pirritxen seme-alabak, beasaindarrei aurkezteko erabili dituzte bi saioak pailazoek, eta Antzizar kiroldegia bete egin da...

Gehiengo sindikalak egindako deialdiarekin bat eginez, elkarretaratzea egin dute eguerdian CAF-eko langileek lantegiko sarrera nagusian. Ordu beteko elkarretaratzea izan da, eta bertan “Bateragune” auziko auzipetuen aurka eskatutako kartzel...

Aste honetan Danimarkan egiten ari diren mundiala prestatzeko lasterketa antolatu dute asteburuan Loinatz Txirrindulari Elkarteko kideek. Mundial aurreko gazteen mailako XXX. Beasain proba izan da, eta Isidoro San Justo taldeko Alvaro Truebak irabazi du. Mundu mailako txirrindularirik onenek parte hartu dute lasterketan, eta jende asko bildu da errepidetan etorkizuneko txirrindulari profesionalak ikusteko. Loinatz elkartetik azaldu dutenez, 19 kidez osatutako taldetxo batek aurrera egin zuen lasterketa hasieran, eta elkarrekin egin zuten Lierniara arteko bidea. Lierni eta Atagoitiko gainen artean, ordea, hainbat txirrindulari atzean geratzen hasi ziren, eta seikote batek aurrera egin zuen. Ihes egindako sei txirrindulari horien artean, Cara Rural taldeko Asier Gandarias eta Iker Azkarate lazkaotarrak zeuden. Legazpira iristen ari zirela ordea, Juan Ignacio Curuchet argentinarrak ihes egitea lortu zuen, eta Liernia bigarrenez igaro zutenean ihes eginda jarraitzen zuen Curuchetek. Probaren garailea argentinarra izango zela zirudienean, Olaberriarako gainean sei txirrindulariz osatutako taldetxoak harrapatu zuen Curuchet, eta herri kaskora iristen ari zirela erasoa egin zuen Alvaro Truebak, eta Beasaingo helmugara bakarrik iristea lortu zuen. Asier Unanue aramarrak laugarren amaitu zuen proba, eta Iker Azkarate lazkaotarrak bederatzigarren. Mendiko Saria eta Tarteko Helmugen saria Sanse Spiuk taldeko Juan Ignacio Curuchetentzat izan dira eta taldekako sailkapenean Caja Rural taldeak irabazi du. SAILKAPENA: 1. Alvaro [...]

Futbola eta harrobiaren lana herriari ezagutarazi eta gerturatzeko asmoz, futbola eta garagardoa uztartuta Carling Football Fest jaialdia egin dute asteburuan Beasainen. Herritar eta kanpotar askok parte hartu dute festan, eta Beasain Kirol Elkarteko kideek jaialdiaren inguruko balorazio oso positiboa egin dute. Luis Garmendiak adierazi duenez, «balorazio ekonomikoa egiteko dago oraindik, baina egun hauetan bizitakoa ikaragarria izan da». Haurrei zuzendutako 3×3 futbol txapelketak izan duen arrakasta azpimarratu nahi izan du Beasain K.E-ko kideak: «300 haurrek parte hartu dute, eta egunero, beste horrenbeste ikusle ere gerturatu dira plazara». Herrikoez gain, eskualdeko eta kanpoko haurrek parte hartu dute lehiaketan. «Helburua futbola herritarrengana gerturatzea zen, eta txapelketarekin helburua bete dela uste dugu», zehaztu du Garmendiak. Ostegunean harrobiaren etorkizunaren inguruan egindako hitzaldira ere jende asko gerturatu zela gaineratu du: «Beasain taldea egiten ari den lanaren ardatza da harrobia, eta jendeari interesatzen zaion gaia da». Jan edanak ere harrera beroa Loinaz plazan prestatuko pintxoak eta txuletak dastatzen ere jende asko izan da.Egunero bete da sukaldari ezagunek egindako txutelak jateko aukera eskaintzen zuen jantokia, eta taberna modura egokitutako gunean ere asko izan dira pintxoak eta brotxetak jan dituztenak. Elkarteko webgune berria ere aurkeztu zuten ostiralean, eta bertan aurkitu daitezkeen edukiak zein diren azaldu. Beasain taldearen historia, gaur [...]

Eguraldi hezea egin arren, jende asko bildu du aurten ere Zerainen Gipuzkoako Nekazaritza Ekologikoaren azokak. Aitziber Makazaga Zeraingo turismo bulegoko kideak jakitera eman duenez «gainera, asko izan dira produktu ekologikoak erosi dituzten lagunak» eta beraz, gustura daude produktugileak zein azokaren antolatzaileak. Goizeko bederatzietan ireki zuten azoka igandean, baina horrelakoetan ohikoa den moduan eguerdi partean ibili zen jende gehien. Bisitari gehienak gipuzkoarrak izan ziren, besteak beste, Goierriko herrietatik, Oñatitik, Arrasatetik, Donostiatik, Hernanitik eta Tolosatik gerturatutakoak. Adinari dagokionean berriz, aniztasuna izan zen nagusi, gurasoak euren seme-alabekin, gazteak eta helduak ikus baitzitezkeen bertan. Jendeak erosi zituen produktuen artean berriz, besteak beste, barazkiak, pasteltxoak eta bestelako gozoak, ardoa, gazta, fruta, ogia, eztia, irasagarra eta marmelada zeuden. Makazagak aipatu duenez, produktuak erosteaz gain, aurten eguraldiarengatik turismo bulegoan eta museoa ikusten jende gehiago ibili da beste urte batzuetan baino. Erakustaldiak eta tailerrak Nekazaritza ekologikoko produktuak ikusi eta erosteaz gain, antzinako eran, tolarean, sagarrei ateratako muztioa edateko aukera ere izan zuen bertara hurbildutako jendeak. Hori bai, beste urte batzuetan ez bezala, etenaldi txiki bat edo beste egin behar izan zuten euriarengatik bertan lanean aritu zirenek. Erakustaldiez gozatzeko aukera ere izan zuen jendeak. Julian Muñoa artzain ohia eta Jon Harregui artzaina esaterako, behorren buztaneko ileekin zurda-sokak egiten aritu [...]