2012/2

Jon Maia: «Mundua gazta bat da eta euskaldunok gure zatia nahi dugu»

Jon Maia • Bertsolaria eta zinemagilea Goierriko Nazioen Munduak herri mugimenduak, duela hiru urte, autodeterminazio eskubidearen alde egiten ari zen lana biltzeko enkargua eman zion Jon Maiari (Urretxu, 1972). Enkargua onartu eta Gazta zati bat dokumentala apirilerako prest izango du Maia zuzendariak. Dokumentalaren muntaketan ari zarete egunotan. Dena den, hasierako asmoak eta bukaerako emaitzak, ez du zerikusi handirik. Dokumentala Euskal Herriak bizi duen aldaketa politikoaren ispilu izan dela esan daiteke. Bai hasierako asmoa aldatu eta handitu egin da. Nazioen Munduaken historia eta lana grabatzen ari ginela, beraiekin Eskoziara joan ginen, besteak beste Highlands jaialdiko herri kirol jaialdia grabatzera. Eskoziara joan ginen, artean zer egin behar genuen oso ondo jakin gabe. Baina kamara eskuetan genuela hasi ziren gertakizun historikoak gertatzen. Goierritik etorri zitzaidan enkargu honi esker, Euskal Herriaren historia lehenengo lerroan bizitzera eta jasotzera pasatu naiz. Herri txiki bateko istorio bat grabatzen hasi ginen eta nazio baten aldaketa historikoa grabatzen bukatu dugu. Ezker abertzalearen aldaketa, ETAren su etena, ezker abertzalearen Euskaldunako deklarazioa indarkeria errefusatuz, zortzi urteren ondoren Bilduren legalizazioa, ETAren behin-betiko su etena, Aieteko adierazpena… Hortxe dena grabatzen aritu gara. Toki askotara joan gara, prozesu honetako protagonista askorekin egon gara. Gertatu ahala joan gara grabatzen, Aieteraino. Noizbait bukatu behar genuen. Denbora [...]

Goiberri

Bertso movie da

Bertsoa oinarri hartuta bideo lehiaketa antolatu du Arrano elkarteak Beasainen. Martxoaren 24ra arte aurkeztu daitezke lanak. Lotura: bertsomovieda.com

Goiberri

GoiBerri spot-a

Ikusgai dago sarean Goiberriren promozio spot-a. Maria Antonia Hortigüela aktore zumarragarra du protagonista eta Ezkio-Itsasoko Igartubeiti baserrian grabatu dute.

Goiberri

Axariak 40 urte dantzan

Idiazabalgo dantzaren historia laburbiltzen duen erakusketa ikusi daiteke Udaletxe zaharrean. Arkaitz eta Axari izan dira 1971. urtetik hona herriko bi dantza taldeak, baina 1932rako ere baziren dantzariak Idiazabalen. Idiazabalgo dantza taldearen lehenengo lekukotasuna, 1932. urtekoa da. Batzokiaren inguruan sortutako taldea izan zen. 1931n inauguratu zuten Batzokia eta urte bete beranduago, lehenengo euskal jaia ospatu zuten Idiazabalen. Gizonezkoek soilik osatutako taldea zen ordukoa. Dena den, ez zuen luzaro iraun dantza taldeak, eta euskal kulturaren susperraldiak, gerra zibila etorri baitzen. XX. mende erdialdera, Pello Gorrotxategik eta Joxe Mari Imazek hartu zuten herriko mutil gazteei dantzan erakusten hasteko ardura. Garai hartan oraindik ere, mutilez bakarrik osatutako taldeak ziren. Zortziko taldeak izaten ziren. Garairik onenean, adin ezberdinetako hiru talde egotera iritsi ziren. Garai hartako dantza taldea, Elizak sortutako Luistarren Kongregazioaren barruko ekintza zen. Apaiz etxearen azpialdean egiten zituzten entseguak. Arkaitz 1971. urtea izan zen hirugarren mugarria Idiazabalgo dantzaren historian. Berriro gazte talde bat elkartu eta euskal tradizioari eusteko helburuarekin, Arkaitz dantza taldea sortu zuten. Bost bat urte iraun zuen taldeak. Irakasleak kanpotik etortzen ziren, tartean Ordiziako Jose Mari Garate. Hala ere, kanpokoek etortzerik ez zutenean, Mari Paz Imaz, Eleni Zabala eta Patxi Irizar ere aritzen ziren irakasle lanetan. Axari 1976 eta 1979 urte artean [...]

Goiberri

Beasainek merezita baina nahikoa sufrituta irabazi dio etxean Durangori

Beasainek merezitako garaipena lortu zuen atzo etxean, Durangoren kontra. Partidaren bi zatiak zuria eta beltza bezalakoak izan ziren ordea; aurrnekeoan, etxekoek erabateko nagusitasuna erakutsi zuten, joko ona eginez. Laugarren minuturako aurretik jar...

Beasaingo Hitza

Festak bai, baina babesean

Hotzari aurre egin eta pixkat bat berotzen “elkarri arrimatu” beharko zutela esanez hasi du bertso saioa Iker Zubeldiak. Amets Arzallusekin batera aritu da gaur, San Blas jaien barruan. Goizeko hotzari eta elur giroari ihesi, plazako karpan elkartu dira herritarrak, eta berogailuak ondoan jarrita, hamaiketakoa egin dute. Dozenaka lagun elkartu dira, eta bertsolariez gain, trikitilariak ere aritu dira giroa berotzen; Jon Ostolazak eta bere ikasleek jarri dute erromeria giroa. Bitartean, pilotalekuan, umeentzako jolasak jarri dituzte. Haiek ere babesean eta berogailuek lagunduta aritu dira saltoka eta brinkoka. Puzgarriez gain, ohe elastikoak eta kart moduko ibilgailuak ere bazituzten. Horrela hasi dute San Blas Txiki eguna idiazabaldarrek. Eguraldiak ez die askorik lagundu aurten, eta ostegunean hasi eta gaur arte iraun duen denboralearen eraginez, hainbat ekitaldi bertan behera utzi behar izan dituzte. Gaur egitekoak ziren goitibehera lehiaketa da horietako bat. Karparen babesean prestatutako ekitaldiek ordea, bere horretan jarraituko dute. Gauean esaterako, Kupela taldeak joko du, 23:00etatik aurrera. Kuadrillen eguna ere bada gaurkoa, eta eguerdirako blusa apur batzuk besterik ikusten ez baziren ere, arratsalde parterako lagun talde gehiago ateratzea espero da. Festen agurra, bihar Gaurko egunaren ondoren, bihar bukatuko dituzte aurtengo San Blas jaiak. Eguerdian, herriko dantzariek erakustaldia egingo dute Igarondo pilotalekuan. Arratsaldean berriz, herri kirol [...]

Goierriko Hitza
Gehiago
HITZAkide HITZAkide

 

ELKARRIZKETAK

ERREPORTAJEAK

KIROLA

Azken bideoak

 

Argitalpen bereziak

Gipuzkoa