
Aurreko asteburuan hainbat probatan parte hartu dute; Bilbon, Deban, Valentzian, eta Madrilen izan dira

Seigarren urtez antolatu ditu Sekundino Esnaola musika eskolak, 4 eta 12 urte bitarteko haurrei zuzenduta daude

Ezkiaga auzoan, San Pedro jaiak ospatuko dituzte ekainaren 23an eta 28an. Osteguneko egitaraua: 10:00. Puzgarriak. 19:30. Buruhandiak eta txistulariak. 20:00. Txistorra eta sardina jana. 22:00. San Pedro sua.

Beasaingo Loinatz Musika Eskolak, ikasturte bukaerako kontzertua egingo du ekainaren 21ean, 19:30ean, Igartza jauregian.

[Zegama-Aizkorri lasterketako elkarrizketak] Koldo Urrestarazu lazkaoarrak Zegama-Aizkorri lasterketako edizio guztietan hartu du parte. Aurten hamaikagarrena izango du, eta lehen urteko ilusioarekin egingo du. Hamargarren urtea duzu aurten Zegama-Aizkorrin parte hartzen. Asok gustatu zaizun lasterketa dela esan daiteke… Bai. Orain arte egin diren hamar lasterketetan ibili naiz, eta aurten, hamaikagarrenean, ateratzeko intentzioarekin nabil. Urtero errepikatu dut, lasterketa honek bere xarma berezia du. Euskal Herrian horrelako distantzia batean egiten zen lehena izan zen eta paisaia zoragarria du. Antolakuntza ere oso ona da eta egia esan, gogoa pizten du. 10 urteren buruan, lasterketa lehen urtean bezain gogorra egiten al da? Beno, nik uste esperientziak beti erakusten dizula zerbait, eta lehen urtetik hamargarrenera, urte guztietan hobetzen ikasten duzula. Lasterketari neurria hartzen diozu eta esperientzia gauza positiboa da. Hala ere, bere gogortasuna mantentzen du. Zertan aldatu da? Hasierako urteetatik, batez ere, herrikoi izaera hori izatetik -lehen 2-3 urteetan-, munduko txapelketan edo Europakoan sartzera pasa dela. Parte hartzaileen maila asko aldatu da. Horrek, antolatzaileek aspektu guztiak zaindu ditzaten ekarri du, eta lehen urtetik gaur arte, hor ere hobekuntzak egin dituzte. Ikusleen aldetik ere erakargarriagoa egin da, agian. Maila horretako jendeak ikusle kopurua igotzea ekarri du, eta lasterketa festa handi batean bihurtu du. Nola oroitzen duzu lehen [...]

Urteroko erromeria igandean, maiatzak 20, egingo dute Altzagarate gainean (Altzaga). Eguerdiko 12:30ean meza izango da lehenik, bertako Andre Mari baselizan. Ondoren, egun osoan zehar festa giroa jarriko dute bertsolariek eta trikitilariek. Musika jotz...

Patxi Garmendia Mendigar Ordiziako historialaria Ordiziako azokaren 500. urteurrenaz ariko da gaur arratsaldean, 19:00etan, D’elikatuz gunean. Azokarekin lotutako hainbat pasarte eta bitxikeriaren berri emango du Mendigarrek.

Ordiziako Idiazabal Gaztaren kofradiak antolatutako urteko lehen gazta dastatze gidatua egin da gaur goizean Donostiako Illarra jatetxean, gaztarekin zerikusia duten bi urteurren gogoan hartuta: Idiazabal Jatorri Izendapenaren 25 urteak eta Ordiziako azokaren 500 urteak. Gaur dira juxtu 500 urte Juana Eroa Gaztelako erreginak Ordiziari asteroko azoka egiteko baimena eman zionetik. Jose Ramon Agirianok gidatu du dastatzea, eta Ricardo Remiro artzain nafarrak gazta bat egin du bertan. Urtean zehar dastatze gehiago egiteko asmoa dute, eta horietako azkena iraileko Euskal Jaietan. Biharko papereko edizioan argitaratuko da albiste osoa.

Denboraldi bikain bati merezi duen bukaera emango dio Beasainek. Aspaldiko urtetako ametsa bete dute, igoera fasea jokatzeko sailkatu baitira. Puntu bakarra nahikoa zuten, eta Iker Lasaren mutilek azken oztopoa gainditzea lortu dute, Leioaren kontra berdinduta. Laugarren bukatu dute liga, 72 punturekin. Taldearen joko onari, zaleen babesa gehitu behar zaio, beasaindarrek autobus bat bete baitzuten taldea animatzera Bizkaia aldera joateko. Hasieratik zelaian ondo kokatuta atera ziren beasaindarrak, eta golik egiten asmatu ez bazuten ere, husnako berdinketa garaipen baten moduan ospatu zuten, Beasaindik joandako zaleekin batera. Beasainekin batera, Laudio, Barakaldo eta Portugalete sailkatu dira IV. Multzotik igoera fasea jokatzeko. Datozen egunetan jakingo dute beasaindarrek noren aurka jokatu beharko duten play off-etako aurreneko partida, federaziokoek zozketa egiten dutenean. Data eta lekua badakizkite dagoeneko: Larunbat honetan izango da kanporaketako joanekoa, Loinatz zelaian. Klubak, zaleen aldetik jasotako babesa eskertu nahi izan du, eta igoera fasean ere, babes hori izaten jarraitu nahi dute, “festak jarrai dezan”.

Dozenaka zale eta herritar zain zituztela iritsi dira Ampo Ordiziako jokalariak Ordiziara, 01:30ak aldera. Frai Andresen harrera herrikoia egin diete bildutakoek, Ordiziarrak gera! abesten zuten bitartean. Estatuaren azpialdean jarri dira jokalariak, triste aurpegiarekin batzuk, alaiagoarekin besteak. Ligako finala galdu egin dute Valladoliden Quesos Entrepinaresen aurka (27-10), baina Ampo Ordiziak ez du penatuta egoteko arrazoi handirik, bikaina izan baita osatu duen denboraldia. Espainiako Kopa irabazi zuten apirilaren 22an, eta maiatzaren 12an azpitxapeldun geratu dira ligan. Joanes Aierbe kapitainak ere horixe esan die zaleei, gaur ezin izan dutela irabazi, baina datorren urterako erronkaren bat ere behar dutela. Kalekoz jantzitako hogeiren bat neska mutilek agurra dantzatu diete lehendabizi jokalariei, eta Igor Eguren alkateak denboraldia laburbiltzen duen hiru bertso bota ditu ondoren. Jokalariak zaleen artean nahastu dira, eta pixkanaka-pixkanaka jendea sakabanatzen hasi da. Hilaren 27an bazkari herrikoia egingo da Ordizian Ampo Ordiziak egindako sasoi ahaztezina ospatzeko. Gaur hemen egoteko mila arrazoi daude ta hargatik berriz horrenbeste gaude Valladoliden ez zen liga bat debalde ondo jokatu degu ta beraiek hobe eta hargatik gatoz gaur penarik gabe Urte borobila ta uste ez zen eran ederki egin dezute urte osoan lan gustora egon ginen denok Palentzian gustora egon gera gaur arratsaldean erakutsi diegu gure herria zer dan Bidean zenbat dira [...]

Ampo ordiziak ezin izan du liga irabazi, baina zaletuek amaieran taldea nola hartu duten ikusirik, aurten ampo ordiziak liga bat baino askoz gehiago irabazi duela esan daiteke. Ligak ez du baliorik, hau ikusita.

Bost minutuko eskas falta dira Espainiako Ligako finala hasteko, eta sekulako giroa dago Valladolideko Pepe Rojo zelaian. Ampo Ordiziako jokalariak 17:15 aldera atera dira berotzera, eta harrera bikaina egin diete zaleek. Giro sargoria egiten du. Hast...

Valladolideko Plaza Nagusiaren eta haren inguruko kaleetan nabarmena da Ampo Ordiziaren zaleen presentzia. Talde handitan, txikiagotan, bikoteka, asko izan dira Gaztelako hirira inguratu diren ordiziar eta goierritarrak. Bonboa hartuta dabilen 50 lagun inguruko talde bat da hots gehien ateratzen ari dena, kantuan, kalejiran, saltoka… Ordiziarrak gera! eta Ordiziako danborradaren eta errondallaren kantuak abesten ari dira etenik gabe. Giro eguzkitsua dago Valladoliden, baina ez du bero jasanezinik egiten. Ordubatak aldera iritsi dira Ordiziatik 09:00etan abiatuko diren sei autobusak, Burgos parean ordu erdiko geldialdia egin ondoren. Autoz iritsitako jendea ere zaleen taldeetara inguratzen ari dira pixkanaka. Bi hamabostekoak Bi ordu eta erdi eskas falta dira Ampo Ordiziaren eta VRAC Quesos Entrepinares taldeen arteko finala hasteko. Autobusean etorritakoek 16:30ean dute hitzordua Pepe Rojo estadiora inguratzeko. Ampo Ordiziako jokalari eta teknikariak atzo iluntzean abiatu ziren Ordiziatik, azken lan saioa egin ondoren. Valladolideko hotel baten egin dute lo, eta laster dira estadiora inguratzekoak. Behin betikoak ez badira ere, hauek dira bi taldeek gaurko finalean zelairatuko dituzten hamabostekoak: Vrac Quesos: Montorfano, Barnes, Blanco; Molina, Bonan; Newton, Rolls, Abril; Sevillano, Waenga; Fernández, Gorosito, Gutiérrez Muller, Llanos y N. Gutiérrez Muller. Ampo Ordizia: Abanzabalegi, Aierbe, Lolotonga; Del Río, Parker; Lerma, Tudela, Toby Freeman; Suso, Kroll; Puyadena, Goia, Corey [...]

Gaur goizean hasi da Ordiziako Erdi Aroko Azoka, eta herriko kaleetan egun berezietako giroa nabaritzen bada ere, jendeari kostatzen ari zaio kalera ateratzea. Antzematen da ordiziar gehienen gogoa errugbi taldeak Valladoliden jokatuko duen finalean dagoela. Hala ere, inguruko herrietako bisitari ugari gerturatu dira Ordiziara. Urteroko ohiturari jarraituz, goizeko hamaiketan segizioaren desfilea egin dute herrigunean. Besteak beste, erregea, armaduradun soldaduak eta juglareak ibili dira, musika eskolako bandak eta herriko dantzariek lagunduta. Plazan eta herriguneko kaleetan, dozenaka postu jarri dituzte; denera 90 artisau etorri dira aurten. Baina horien produktuak erosteko aukeraz gain, umeentzako jolasak eta artisauen lana bertatik bertara ikusteko tailerrak ere baziren. Jendearen atentzioa erakarri duen ikuskizunetako bat, Arboledako plazakoa izan da. Gameluak, dromedarioak eta llama eta asto bana daude bertan ikusgai. Umeek, gameluen gainean ibiltzeko aukera ere badute. Gaurko prestatu dituzten ikuskizunekin jarraituz, arratsaldeko bostetan, segizioaren bigarren desfilea egingo dute, eguerdiko atsedenaren ondoren, postuak berriz ere zabaltzeko. 18:30ean, zaldiak nola ferratzen diren ikusteko aukera izango da, Torrea etxe parean. 19:00etan, Garagartza plazan, burduntzian erretako txahala probatu ahal izango dute nahi dutenek; garai berean, arma maisuen erakustaldia ere izango da, eta Barandiaran plazan, xake biziduna. Eguna bukatzeko, 21:30ean, Compañía del Foc taldeak piroteknia ikuskizuna egingo du, Barrena parkean. Bihar jarraituko du [...]

VRAC Quesos Entrepinares eta Ampo Ordizia. Bi talde horiek jokatuko dute gaur Valladolideko Pepe Rojo zelaian (18:00) Espainiako Ohorezko Mailako finala. Liga erregularreko bi talde onenak izan dira, erasokorrenak, eta jokalari erabakigarrienak dituztenak. Quesosek 589 puntu lortu ditu liga erregularreko 18 partidetan –374 aurka– eta Ordiziak 543 puntu lortu ditu –eta 384 aurka–. Hemen ikus daiteke liga erregularraren behin betiko sailkapena. Bi taldeek moralez gainezka egingo diote aurre finalari. Ampo Ordiziak Espainiako Kopa irabazi zuen apirilaren 22an Palentzian El Salvadorren aurka, eta liga irabazteko gai bada, Espainia mailako errugbiaren bi titulu nagusiak irabaziko lituzke. Quesosek, berriz, osatu duen denboraldi bikaina borobildu nahi du etxean titulua irabazita. Klubak 25 urte bete ditu aurten, eta opari bikaina izango litzateke gaztelarrentzat liga hirugarrengoz irabaztea. Partidaren gakoak Final irekia izango da, dudarik gabe. Ligan jokatutako bi partidak VRACen irabazi dituen arren (Valladoliden 25-18 izan zen emaitza eta Altamiran 26-31), final batean edozer gauza gerta daiteke. Bi taldeek ez dute aparteko bajarik. Ordiziaren kasuan Kesomi Lolotonga zalantza izango da azken unera arte, eta Gaztelako taldeak Lora eta Castlen bajak izango ditu. Paul Healy Ampo Ordiziako kirol zuzendariak adierazi duenez, aurkariaren bideo asko aztertu dituzte azken astean, eta irabazteko zer egin behar duten badakite: asko estutu, [...]

Espainiako Zilarrezko mailan ari den Estanda Ordizia areto futboleko nesken taldeak esku-eskura dauka lehen mailara jauzi egiteko igoera fasea jokatzeko aukera. Emilio Ortizek eta Iñaki Herasek zuzendutako taldeak bihar, hilak 12, jokatuko du liga erregularreko azken partida Majorin (18:00), Galiziako Afervenza taldearen aurka. Ordiziako taldeak partida irabazi beharra dauka, eta liga lehen postuan bukatuko ez duela jakitun, Zilarrezko mailako 4. multzoko Collado Villalba taldearen emaitzaren zain gelditu beharko du. Lehen multzoko aurreneko postuan Galiziako Viaxes Amarelle taldeak bukatuko du, 57 punturekin. Galiziarrek joan den asteartean jokatu zuten liga erregularreko azken partida Calceatense taldearen aurka, eta hiruna berdindu zuen. Estanda Ordiziak bihar irabazten badu, 57 puntu lortuko lituzke sailkapenean, baina averagea aurka du. Ordiziak 1-0 irabazi zion Amarelleri Majorin, baina galiziarrek 4-1 irabazi zieten Goierrikoei. Egoera horretan, Collado Villalbak azken jardunaldiko partida ez irabaztea da play-off-etara sailkatzeko duen aukera bakarra, beti ere, biharko partida irabaziko duela kontuan hartuta. Taldea animatzeko deia Emilio Ortiz entrenatzailearen esanetan, biharko partida zaila izango da. Afervenza taldeak partida bakarra galdu du bigarren itzuli osoan, eta sasoiko dabiltza. “Badakit gure neskek duten guztia emango dutela kantxan, bai baitakite denboraldi osoan egindako lana dagoela jokoan biharko partidan”. Hori dela eta, zaleei Majorira hurbiltzeko deia egin die.

Ordizia Rugby Elkarteko lehen taldea egiten ari den denboraldiarekin «pozik» dago Aitor Araña presidentea (Beasain, 1969), baina karguaren ardurak ez dio utzi lorpenekin nahi bezala gozatzen. Titulu bat irabazi dute, eta bigarrena lor dezakete bihar Valladoliden, VRAC Quesos Entrepinares aurka Espainiako Ligako finala jokatuko baitute Pepe Rojo zelaian (18:00). «Titulu bat irabazita lasai gaude, eta horrek arriskutsuagoak ere egin gaitzake». Datorren denboraldia prestatzen ere ari da zuzendaritza, eta Arañak aurreratu du «uste baino aldaketa gehiago» izango direla. Zer moduz ari zara bizitzen ligako finala jokatu aurreko aste hau? Barruan zaudenean ez zara gauza askotaz jabetzen. Ematen du ekaitza sartu dela, eta zurrunbilo handi bat sortu dela. Barruan gaudenok ez gara titulua horrenbeste bizitzen ari. Jende askok esan dit pozik egongo garela lortzen ari garenarekin, eta nik esaten diet pozik nagoela, baina nola horrenbesteko lana suposatzen ari zaigun antolaketa guztia, ez naizela berdin bizitzen ari lortzen ari garen guztia. Eta finala nola ikusten duzu? Quesosek liga erregularreko bi partidak irabazi dizkio Ordiziari, lehen postuan bukatu zuen liga, eta gainera etxean jokatzen du. Ez dakit zenbateko portzentajea emango niekeen, %60a edo %70a, baina printzipioz beraiek dira faboritoak, eta etxean jokatzen dutela kontutan hartua bada… Quesos oso talde orekatua da, eta postu guztietan [...]