2013/6

Andramendi Ikastolakoek ikasturte amaierako festa ospatu dute

Beasaingo Andramendi Ikastolak ikasturte amaierako festa ospatu zuen larunbatean. 200 lagun inguru izan ziren gurasoek prestatutako paella eta postreak dastatzen. Bazkaloste alaia igaro zuten, Aitor Furundarenaren abestiei esker, denak kantuan jarriz. Haurrek txirula, txistu eta beste musika instrumentu batzuk ere jo zituzten ikasleek eta dantza ere egin zuten. Merkatu txikian ere trukean aritu ziren ikasle zein gurasoak.

Ane Arrieta

Mendia eta Garciaren taldea Pakistanen da, eta bihar abiatuko dira

Pedro Garcia eta Arkaitz Mendia mendizale goierritarren espedizioa Pakistanen da, Gasherbrum Ierako irteera prestatzen. Pasa den ostiralean iritsi ziren Islamabadera (Pakistan). Espedizioa egin ahal izateko baimen eta tramite guztiak egiten aritu dira Skardu herrian, eta materialak biltzen. Gaur Askole herrira abiatu dira, autoz joan daitezkeen azken herrira. Handik, bihar ekingo diote Baltoro glaziarrera iritsi aurreko trekkingari.

Goierriko Hitza

Gurutze Fernandez: «Sariak, tituluak, hor daude, baina ni esperientziarekin gelditzen naiz»

Gurutze Fernandez (Urretxu, 1979) futbolariak Athleticen nesken lehenengo taldea uzteko erabakia hartu berri du, zazpi urte eta gero. Futbola uzteko unea iritsi zaiola uste du urretxuarrak, eta pozik dago hartutako erabakiarekin. Taldekideentzat eta klubarentzat esker oneko hitzak baino ez ditu, eta «oso oroitzapen onak» gordetzen dituela aitortu du.

Otamotz.com Urretxu-Zumarraga

Iñigo Muruaren alde egingo dute dantza DBHko ikasleek

Zumarraga Iñigo Muruaren tratamendua ordaintzen laguntzeko hainbat eragilek antolatutako Tantaz tanta Iñigo laguntzeko egitasmoaren baitan, Urretxu-Zumarragako Ikastolako DBHko ikasleek dantza ikuskizuna egingo dute etzi eta ostegunean 19:30ean, Zumarragako Zelai Arizti aretoan. Ikasturtea amaitu duten arren, arratsaldero Ikastolako bidea hartu dute entseguak egiteko. «Elkartasunaren ikasgaian denek atera dute nota bikaina, aho batez azaldu baitira laguntzeko prest», dio Ikastolako andereño batek.

Otamotz.com Urretxu-Zumarraga
Gehiago
HITZAkide HITZAkide

 

ELKARRIZKETAK

ERREPORTAJEAK

KIROLA

Azken bideoak

 

Argitalpen bereziak

Gipuzkoa