Trenbidean konponketak egiteko etengo dute trenen zirkulazioa Brinkola eta Beasain artean eta alderantzizko bidean. Bi egun horietarako ordezko autobus zerbitzua jarriko du Renfek.
Martxoaren 19ko 00:00etatik martxoaren 19ko 24:00etara, hau da, larunbat eta igande osoan, trenen zirkulazioa etenda egongo da Brinkola eta Beasain artean eta alderantzizko bidean. Bi egun horietarako ordezko autobus zerbitzua jarriko du Renfek.
Hauek izango dira Brinkola eta Beasain arteko geralekuak autobusentzat:
- Brinkola: zubiaren beste aldean
- Legazpi: Saturnino Telleria biribilgunean, autobus erregularrak gelditzen diren lekuan
- Zumarraga: geltokiko plazan
- Ormaiztegi: San Andres kaleko autobus erregularren geltokietan
- Beasain: geltokiko plazan
Beasainera doazen Brinkola/Zumarraga autobusak trenen ordua baino lehenago irtengo dira, eta egun horietarako ezarritako ordutegi berezia begiratzea gomendatzen da. Autobusek Renfe dion kartel bat izango dute. Informazio gehiago 943 84 12 51 edo 912 32 03 20 telefono zenbakietan eska daiteke.
Trenen zirkulazioa lanak egiteko etengo da, hain zuzen, iazko abenduaren 9an Gabiriako tunel baten ondoan luizi batek eragindako kalteak konpontzeko.
