2022/10/20

Lau mendizale goierritar Himalaiako Himlung mendira bidean

Kepa Urmeneta legazpiarra, Xavi Urrate urretxuarra, Pedro Garcia ordiziarra eta Koke Lasa ormaiztegiarra urriaren 5ean abiatu ziren Goierritik Himlungeko (7.126 metro) espedizioa egitera. Une honetan oinarrizko kanpalekuan (4.825 metro) daude, baina 6.200 metrora igo ziren atzo ekipazio lanak egitera.

Iñaki Gurrutxaga

Zinemetan euskarazko eskaintza egonkorra jartzen hasteko programa pilotuan dago Ataun

Uema mankomunitateak eta Tinko Filmeak elkarteak antolatu duten 'Zinuema' egitarauaren barruan, euskarazko hamabi ikus-entzunezko emango dituzte Herri Antzokian, azaroaren bukaeratik otsailera, asteburuetan.

Denis Itxasok adierazi duenez, "aldiriko trenen kudeaketa inoiz baino gertuago dago"

Bizkaia Irratiari jakinarazi dio Renfeko "aldiriko trenen zerbitzua Jaurlaritzaren esku jarri ahal izateko lanean" dabiltzala: "Atzo bidali genion azkeneko proposamena eta orain espero dugu Jaurlaritzak ondo aztertzea". Goierrin, Brinkola-Legorreta zatiari eragingo lioke.

Urriaren 28an eta 29an izango da Zegamako VIII. Cava Festa

Zortzi cava ezberdin dastatzeko aukera egongo da, 20:00etatik 1:00etara, eskolako patioan. Ostiralean 00:10ean autobusa egongo da Zegamatik Legorretara, eta larunbatean 00:10ean zein 1:55ean.

Kafe-tertulia Igartubeitin, autobus ehunez egindako diseinuen erakusketa aurkezteko

Maiatzera arte egongo da ikusgai. Igandean, Irizarren ehun hondakinak erabiliz sagardo botila bat eramateko poltsa sortzeko tailerra egingo dute.

Euskal Herriko ziklo kros egutegiko hiru proba jokatuko dira azkenean Goierrin

Euskadiko Txirrindularitza Federazioak abuztuan aurkeztutako aurre-egutegian aldaketak egin ditu. Beasaingo Ziklokros Sari Nagusia bertan behera geratu da.

Unidad Alavesak kontzertu bira bat egingo du Delirium Tremensekin

Sei kontzertu iragarri dituzte abendutik martxora bitartean. Aurrenekoa Azpeitian izango da abenduan, eta azkena Biarritzen, martxoan. Sarrerak salgai daude dagoeneko.

Iñaki Gurrutxaga

Frontenis txapelketa egingo dute Antzizarren

Helduei bideratutako txapelketa izango da. Izena emateko epea zabalik dago. Hemezortzi bikoterentzako tokia dago.

Goiargik hasiko du Urretxuko Udazkeneko Musika Zikloa

Kontzertua igandean izango da. Azaroaren 1ean Letoniako Maska Koris abesbatzak abestuko du. Kontzertuak elizan izango dira, 19:00etan.

Nerabeentzako zerbitzua ezagutzera emateko Gazte-txokoko ateak irekiko dituzte gaur

Ate irekien saio honen helburua zerbitzua eta bertan lan egiten duten hezitzaileak aurkeztea da. Bereziki DBH1eko ikasleen gurasoei zuzenduta dago gaurko bilera.

Buztintegiren bidaiak gogoratzeko ikus-entzunezkoa proiektatuko dute gaur

Elkartearen 25. urteurrenaren ospakizunen barruan kokatzen da emanaldia. 18:00etan izango da, Kultur Etxean. Hurrengo astean, diru eta ekonomia kontuak landuko dituzte hitzaldian, Luis Mari Muruarekin.

Hiru katu adoptatzeko deia egin die udalak legazpiarrei

Laukatu elkarterekin sinatuta duen hitzarmenari jarraituz, udaletxean jasotan dauden bi katakumerentzako eta harrera familia batean dagoen beste batentzako adoptatzaile bila dabil. Katakumeak esterilizatuta eta parasitorik gabe entregatuko dituzte.

Kooperatibismo feministaz topaketa egingo du Farapik gaur Lazkaoko Biziolan

Prozesu eraldatzaileak feminismotik, parte-hartzetik eta ekonomia sozial eraldatzailearen ikuspegitik sustatzeko ekimenaren barruan kokatu du.

Aimar Maiz
Gehiago
HITZAkide HITZAkide

 

ELKARRIZKETAK

ERREPORTAJEAK

KIROLA

Azken bideoak

 

Argitalpen bereziak

Gipuzkoa