Segurako kirolari txapeldunak

Egun handia dute gaur Seguran: San Joan eguna. Herriko kirolari txapeldunak saritu dituzte. Kuadrilla eguna ere bada.

2023/06/24

Egun handia dute gaur Seguran: San Joan eguna. Eta kuadrilla eguna ere bai. Eguerdi partean, dena den, herri kirol jaialdiaren aurretik, urteko Segurako kirolari txapeldunak saritu dituzte.

Saritu dituzten kirolariak ondorengoak izan dira.

Pilota elkarteko kirolari txapeldunak, Gipuzkoako txapelketan alebin eta infantilek lortutako sariengatik.
Ane Iparragirre Aiestaran. Gipuzkoako 16 urtez azpiko txapelduna pista estalian, 600 metrotan eta Euskadiko errekorra (1:34.20).
Ethan Cabanillas Mileta. Euskadiko 18 urtez azpiko trail txapelduna.
Goierri Futbol taldeko Erregional mailako neskak (Gipuzkoako Kopan txapeldunak), Jubenil mutilak (Ohorezko mailara igoera) eta Kadete 1. mailako mutilak (Gipuzkoako Kopako txapeldun).
Aiara Garaialde Zeberio. Erronkari Ibarreko neguko triatloian Euskadiko lehena.
Xepeño Agirre Exposito. Goierriko bola txapelduna.
Jokin Izagirre Alustiza. Gipuzkoako Bola Lehendakari txapelduna.

Egitaraua

Ekainak 24, larunbata: San Joan eguna, Kuadrillen eguna

15:30: Kuadrillen arteko bazkaria frontoi zaharrean (txartelak tabernetan salgai). Segurako Gazte Asanbladak antolatzen du.
18:00: Sakatu Elektrotxaranga.
18:00: Pilota partidak Baratze Pilotalekuan. Sarrera leihatilan: 15 euro. Afizionatu mailan: Senar – Artea Goiburu / Altuna – Julen A. Profesional mailan: Artola – Iztueta / Alberdi II – Albisu.
19:00: 2023ko Kuadrilla Lehiaketako jokoak Erreboten eta ondoren sari banaketa.
19:30-21:00 / 23:00-03:30: Disko festa Iñigo Etxenikerekin.

Ekainak 25, igandea, Umeen eguna

10:15: Goizeresia herriko txistulariekin.
10:30: Haurren krosa eta jolasak Haitz Lehor Guraso Elkarteak antolaturik.
12:00: Kirkil txaranga.
12:00: Izarretan Dantzan dantza moderno emanaldia Errebote plazan.
12:00: Toka eta bola txapelketa herrikoia Arboladian. Hiru taldekatze: 14 urte azpikoak, emakumeak eta gizonak.
13:00: Haurren bazkaria.
15:30: Hodei magoa plazan.
18:30: Haurren danborrada.
19:30: Andoni Oilokiegiren kontzertua.
23:30: Zopa Pertzarekin kalejira Txanbolinpetik irtenda Tobera musika eskolako trikitilari eta herritarrak lagun direla.
23:30: Zopa Pertzaren igoera eta agur zaratatsua.