Manifestazioa egin dute gaur goizean, lantokitik Idiazabalgo erdiguneraino. Bosgarren greba eguna dute gaurkoa. Momentuz, greba egutegiarekin jarraituko dute.
Zelaia sagardotegiko Oihana Gainzerainen lekukoa hartu du.
Lehen mailako mendetasun egoeran edo mendetasun arriskuan eta 65tik gora dituzten herritarrei zuzenduta dago. Momentuz zazpi erabiltzaile ditu, baina bederatzi plaza ditu. Urriko astelehenetan, ateak irekiko dituzte, zerbitzua erakusteko.
'Kulturaren bideak' goiburua dute bederatzigarren aldiz egingo diren jardunaldiok. Bisita gidatuak, erakusketak, tailerrak eta ikuskizunak izango dira, besteak beste.
Gaur eta bihar prezio merkeagoan izango dituzte salgai hainbat produktu Ordiziako hamabi saltokik.
Plazako estalpearen egitura eta azpiegiturak zaharberritu, teilatuan eguzki plakak jarri, eta estalki textil mugikorrak jarriko dira. Urte bukaera baino lehen bukatu beharko dituzte lanak. Europako NEXT Generation diru laguntza jaso du proiektuak. Plazako eraikinak 100 urte beteko ditu 2025ean. Asteazkenetik aurrera Garagartza plazan egingo da azoka.
Atzo inauguratu zuten Txillida Lantokian, udaleko eta Lenburreko ordezkariekin eta eskultorearen seme Luisekin. Urriaren 6ra arte egongo da irekita.
Ciriaco Fabian (Zumarraga, 1960) da Kultur Etxean hilaren 27ra arte ikusgai dagoen pirograbatu bildumaren egilea. Pertsona guztiek barruan artista sena dutela dio, eta pirografoa hartzera animatu du jendea. Bera gaztetan hasi zen, eta lan ugari ditu eginak, era eta gai askotakoak.
Gaur gauerdian bukatuko da GOIERRIKO HITZAren XIX. Udako Argazki Lehiaketan zure gustuko argazkiaren alde botoa emateko epea.
Festak Itsasondon eta Urretxun, Ostadarren '24 orduz dantzan' Beasainen, Aho Lehor fest musika jaialdia Lazkaon, Zeraingo 30. Azoka Ekologikoa, zinema karteldegia... Ikus agenda albistean.
Sare sozialen erabilerari buruz, astelehenean Gerriko elkartean.
Ekinokzioetan, koruko leihotik sartzen diren eguzki izpiek Antioko amabirjina argitzen dute.