Brasilen eta Zeelanda Berrian zerbitzu kontratu bana lortu ditu CAFek
Bi kontratu berri horiek 100 milioi eurotik gorako balioa dute.
CAF enpresak bi kontratu berri lortu ditu Brasilen eta Zeelanda Berrian, 100 milioi eurotik gorako balioarekin. Kontratu horietan hitzartutakoaren arabera, egoitza Beasainen duen konpainiak fabrikatutako eta hornitutako tren-floten mantentze-lanak egingo ditu.
Ohar baten bidez azaldu duenez, CAFek aurrera egin du trenen mantentze-lanen arloa indartzeko apustuan. Gaur egun, 20 herrialdetan 150 zerbitzu kontratu baino gehiago kudeatzen ditu, 11.600 kotxeren mantentze-lanak eginez, eta hori guztia egin ahal izateko 4.000 langile baino gehiagok ditu.
Brasilen, 14 urterako hitzarmena
CAFek sinatu duen kontratuetako bat, Brasilgo Sao Paulo hiriko metroaren bosgarren linean lan egiten duen Motiva taldearekin da. Akordioak barne hartzen du 14 urtez sei kotxeko 26 unitate osorik mantentzea, 2011n Metro de Sao Paulok enpresari esleitutako kontratupean CAFek hornitutakoak.
Lanak Capão Redondo eta Guido Caloiko tailerretan egingo dira. Unitate horiek Sao Pauloko metroaren bosgarren linean (Lila) ematen dute zerbitzua. Metropoli-sistema osatzen duten sei lineatako bat da, eta 20 kilometroko luzerarekin hiriko eremu garrantzitsuenetako batzuk lotzen ditu, hala nola, Santo Amaro, Moema eta Vila Mariana, egunean 600.000 bidaiari baino gehiago garraiatuz.
Kontratu honek, CAFen presentzia sendotzen du Brasilen, herrialde horretan baitago 1998tik, non bertako hainbat bezerorentzako proiektuak garatu dituen, hala nola CPTM (Compañía Paulista de Tren Metropolitanos), Trensurb de Porto Alegre, CBTU Belo Horizonte hirirako edo Metro Sao Paulo bera, 2.000 milioi eurotik gorako guztizko balioarekin.
Zeelanda Berrian, linea garrantzitsuenean
Bestalde, CAFek zerbitzuetako beste kontratu bat hitzartu du Auckland One Rail Limited (AOR) enpresa pribatuarekin (ComfortDelGrok eta UGL Rail Servicesek % 50eko partaidetza dute bertan). Enpresa horrek egiten ditu Auckland Transporten esku dagoen (Zeelanda Berriko luzeena da, gainera) Aucklandeko trenbide-sare elektrikoko operazio- eta mantentze- lanak. Sistemak lau linea ditu, 94 kilometroko guztizko luzerarekin, eta 42 geltoki ditu. Hala, herrialdeko hiri-mugikortasunerako funtsezko ardatza da.
Bestalde, CAFek zerbitzuetako beste kontratu bat hitzartu du Auckland One Rail Limited (AOR) enpresa pribatuarekin (ComfortDelGrok eta UGL Rail Servicesek % 50eko partaidetza dute bertan). Enpresa horrek egiten ditu Auckland Transporten esku dagoen (Zeelanda Berriko luzeena da, gainera) Aucklandeko trenbide-sare elektrikoko operazio- eta mantentze- lanak. Sistemak lau linea ditu, 94 kilometroko guztizko luzerarekin, eta 42 geltoki ditu. Hala, herrialdeko hiri-mugikortasunerako funtsezko ardatza da.
Kontratua honek ingeniaritza, prestakuntza eta ordezko piezak hornitzea aurreikusten du, CAFek Auckland Transport enpresari hornitutako 95 unitate elektrikoko flotarentzat, 2011tik egindako zenbait kontraturen bidez. Kontratuak bost urteko iraupena izango du, eta lanak Wirin (Auckland) duen tailerrean egingo dituzte. Hain zuzen ere, tailer hartan egiten dituzte unitate horien mantente-lanak.
Proiektu berriak CAFek Zeelanda Berrian egiten dituen operazioen jarraipena bermatzen du, eta eskualdean garraio jasangarria garatzeko konpromisoa berretsiko du.
