Txerri vietnamdarrak kentzeko deia egin du Idiazabalgo Udalak
Animalien jabeek hamabost eguneko epea izango dute guztiak kentzeko.
Argazkia: Idiazabalgo Udala. Nafarroa Barrena eta Nafarrasagasti Goena baserri inguruetan aske eta identifikatu gabe dabiltzan txerri vietnamdarrak direla eta, Idiazabalgo Udalak bandoa argitaratu du, txerri horien presentziak inguruko lurretan, habitat naturaletan eta espezie autoktonoetan eragin ditzakeen kalteak ekiditeko asmoz.
Espezie hori, Espezie Exotiko Inbaditzaileen Espainiako Katalogoan sartuta dago eta, ondorioz, legez debekatuta dago edukitzea, saltzea, merkaturatzea edo hazkuntzarako, merkataritzarako zein bestelako erabileretarako erabiltzea, bai eta ingurune naturalean askatzea ere.
Animalien jabeek hamabost eguneko epea izango dute guztiak kentzeko. Epe hori bukatutakoan, eskumena duten administrazio-zerbitzuen bitartez, aipatutako animaliak erretiratu egingo dira, indarrean dagoen araudia aplikatuz.
