Idiazabaldarrak helikopteroan ibili dira gaur goizean
Usurbilgo Ak-Helicopters enpresako helikopteroa Idiazabalen da gaur, herriko abeltzain eta nekazarien azoka dela eta. Goiturrek deitua ekarri dute helikopteroa. Nahi duten guztiek helikopteroan ibiltzeko aukera izango dute, 15:30etik 18:00etara, herriko ikastetxeko jolastokian. Goierri zerutik ikusi nahi dutenek, 60 euro ordaindu behar dute. Helikopteroak ikusmin handia piztu du eta idiazabaldar asko hurbildu dira. Batzuk, helikopteroan ibiltzeko eguraldi bikaina lagun, animatu egin dira. Helikopterora igotzen lehena Benta Txikiko Juanita Oiarbide izan da.
Usurbilgo Ak-Helicopters enpresako helikopteroa Idiazabalen da gaur, herriko abeltzain eta nekazarien azoka dela eta. Goiturrek deitua ekarri dute helikopteroa. Nahi duten guztiek helikopteroan ibiltzeko aukera izango dute, 15:30etik 18:00etara, herriko ikastetxeko jolastokian. Goierri zerutik ikusi nahi dutenek, 60 euro ordaindu behar dute. Helikopteroak ikusmin handia piztu du eta idiazabaldar asko hurbildu dira. Batzuk, helikopteroan ibiltzeko eguraldi bikaina lagun, animatu egin dira. Helikopterora igotzen lehena Benta Txikiko Juanita Oiarbide izan da.
Goiturrek Ak-Helicopters enpresarekin akordioa sinatu du. Goierriko festa nagusietara ekarriko dute helikopteroa eta enpresei zerbitzu honen berri emango diete. Hoteletan eta turismo bulegoetan ere eskainiko dute Goierri zerutik ezagutzeko aukera.
Jarraian, Idiazabalen ateratako argazkiak eta grabatutako bideoak.
