Ikus-entzunezkoa: 'Zanskar, aztarna berrien bila'
Azaroaren 15ean, asteazkena, Zanskar, aztarna berrien bila ikus-entzunezkoa proiektatuko du Joseba Iztueta gabiriarrak, 19:00etan, Gizarte Etxean. Ormaiztegiko 30. Mendi eta Abentura Astearen barruko ekintza da.
“Indiako Himalaian kokatzen da Zanskar bailara. Izena duten gailurretatik urrun dago, granitozko dorre eta mendi pikoez inguratua. Abentura eremua mendi eskaladarako. Bertan irekitako harkaitz bide berrien eta lehen aldiz zapaldutako gailurrez hitz egingo da ikus-entzunezko honetan”.
