
Saria jaso duen herritar bakarra Mikel Iturriotz urretxuarra izan da. Berea izan da epaimahaiaren iritziz, 16 urtetik beherakoen artean bertsopaper onena....

Iazko urtea instalazioak berritzen eta egokitzen pasa eta gero, Ordiziako Igerilan-Majori kiroldegiak hainbat berrikuntza eta promoziorekin ekingo dio aurtengoari. Kirol zerbitzuak eta eskaintza zabaltzea da kiroldegiaren helburuetako bat, eta horretarako ikastaroak eta ordutegiak berritzeko ahalegina egin dute, Majoriko arduradunek diotenez. Lehen aldaketa aipagarria ordutegian dago. Iazko irailean asteburuetako ordutegia luzatu zuten, 08:30ean irekiz eta 19:30ean itxiz. Jai egunetan 14:00ak arte egoten da zabalik. Eta aurten zehaztuta utzi dituzte kiroldegia itxita egongo diren egunak: urtarrilaren 1a, maiatzaren 1a, uztailaren 25a eta abenduaren 25a. Bazkideentzat deskontuak Urte berriarekin batera bonoak berritzeko eta bazkide berriak lortzeko kanpainari heldu diote. Esaterako, urteko bonoa kolpean ordaintzen duen erabiltzaileari %6ko deskontua egin eta toalla bat oparituko diote. “Opari horrekin kiroldegiak martxan duen garbitasun kanpaina indartu nahi dugu, batez ere, makinak erabiltzen dituztenei begira. Erabiltzaile guztiak kontzientziatu nahi ditugu opari horrekin”. Majorik esku artean duen beste sustapen proiektua 33 promozioa izenekoa da. Ikastaro batean izena emanda egon, eta ostiraletarako antolatuta dituzten beste ikastaro batean izena emanez gero, bigarren ikastaro horren kuotan %33ko deskontua izango dute erabiltzaileek. “Eskaintza zabaldu nahi dugu promozio horrekin, eta astean zeharreko ikastaroetan parte hartzen duten erabiltzaileak saritu”, azaldu dute.

Neguan mendian segurtasunez ibiltzen ikasteko ikastaroa antolatu du Arrastaka Mendi Taldeak. Goi mendietan ibiltzen ikasteko irteera izango da eta urtarrilaren 22an eta 23an egingo dute. Irteeran parte hartzen dutenek kranpoiak eta pioletak nola erabi...

Legazpiko Santikutz xake elkarteak gabonetako xake txapelketa ospatu zuen pasa den ostiralean. Bi maila bereiztu zituzten. 15 urtetik beherakoen artean 4 parte hartzaile izan ziren. Xabi Garmendiak lehen postuan amaitu zuen eta Andoni Zubiak bigarrenean. 12 urtez azpiekoen mailan aldiz, 8 pertsonek hartu zuten parte. Unai Eliasek irabazi zuen hemen, eta Jon Ander Goenagak bigarren egin zuen. santikutz

Goierriko jubilatu talde batek iaz ekin zion Euskal Herriko zazpi hiriburuak lotzeko bidea egiteari, etapaka. Zeharkaldi hori 35 etapatan egiteko asmoa dute, eta iaz 18 egin zituzten. Donostiatik abiatuta, Baiona, Donibane Garazi, Maule eta Iruñea igaro dituzte dagoeneko, eta udaberrian falta zaizkien 17 ibilbideak egin nahi dituzte, Gasteiz, Bilbo eta Donostia oinez uztartzeko. Batekoz beste 25 kilometro eta zazpi orduko inguruko ibilbideak egin ohi dituzte astearte, asteazken edo ostegunetan, eta joan-etorria autobusean egiten dute. Aurtengoetan parte hartu nahi dutenek telefono zenbaki hauetara deitu behar dute: 685 73 73 40 (Juan Ixidro), 646 68 67 78 (Txisto) eta 688 61 95 42 (Juanjo).

Aizkorpe bailarako turismo bulegoetako eta interpretazio zentroetako bisitari kopuruak gora egin du azken urte honetan. Segurako, Zeraingo eta Idiazabalgo turismo bulegoak eta interpretazio zentroak Aldabe kooperatiba elkarteak kudeatzen ditu. Zegamako turismo bulegoa eta interpretazio zentroa berriz, Aizkorribidean-ek eta gustura daude bai bateko zein besteko kideak jasotako erantzunarekin. Zeraingo turismo bulegokoek esan dutenez, 2010ean Zerainen 21.102 bisitari izan zituzten, 2009. urtean baino % 5 gehiago. Turista gehienak, Euskal Herrikoak bertakoak ziren, %81 hain zuzen: gipuzkoarrak %54, arabarrak % 12, bizkaitarrak % 11 eta nafarrak % 4. Euskal Herritik kanpoko bisitariak, % 19 ra iritsi ziren. Horien artean katalanak % 5 izan ziren, madrildarrak %2,5 eta frantziarrak %2. Segura Segurako turismo bulegoan 4.640 turista izan ziren 2010ean. 2009ko datuekin alderatuz gero, 2010ean bisitarien kopurua %10 hazi zela ikus daiteke. Turismo bulegokoen ustez igoera hori, Erdi Aroko jaiari lotuta egon daiteke neurri batean, 2.009. urtean ez baitzuten Erdi Aroko jairik egin eta 2010ean, bai. Bisitarien % 77a Euskal Herrikoa izan zen: gipuzkoarrak % 56, arabarrak % 5, bizkaitarrak % 13 eta nafarrak %3. Euskal Herritik kanpotik joandakoak, berriz %23 izan ziren. Horien artean katalanak % 5,4 izan ziren, madrildarrak % 5,6, frantsesak %3 eta Erresuma Batukoak % 2. Idiazabal 2.010ean Idiazabal Gaztaren museoa [...]

Halako sentsazioa zuten saltzaileak feriari behintzat opari handirik utzi ez diotenekoa. Urteko lehen hau ez da onenetakoa izaten eta atzokoa baino okerragoak bizi izan ditugu, izan ere aitzakiak aitzaki, eguraldia behintzat gaizki portatu zenik ezin da esan eta jendea ere inguratu zen Ordiziara, berandu badarik ere. Barazki eta fruitu aldetik zaharrak berri esan genezake, baina aldiz, loreetan, Maria Eugenia Agirretxeren postuan Kuku lorea eta Aingeru lorea zegoen. Berak barrez adierazten zuen: «Leitzan Mariloka esaten diote honi», Calendula izenez ere ezagutzen da. 1,5 euroann salgai ziren bi motak, neguan ez dira galtzen eta gustuko txokoetan ederki ugaldu ere bai bere kaxa. Agurra eta ongi etorria Urtearekin batera ongi etorria emateko aukera eskaini zigun Maite Iturbek. Udanako ogia saltzera etorriko da hemendik aurrera astero. Aukera zabala du hasi opil txikietatik eta mota ezberdinetako ogi ugari (0,45 eta 2,30) artean), baita arto-opilak, madalenak edota txorizo-opilak ere. Erretiroa hartu duen Gabiriako M.Rosario Arrietaren tokian da. Beheko Etxe baserrian oiloak jarri zituztenetik 25 bat urte pasatu ditu feriaz feria, arrautza saltzen. Zuhaitz landareen garaia Aldi berean arbola landareak sartzeko garaia ere etorri da. Tren geltokitik gora doan aldapara urtero bezala hasi dira saltzaileak etortzen. Agertzen lehenak Junkal Areitioaurtena Zaldibarkoa eskaintza zabalarekin eta Albizturko J.M. Lasa [...]

Orobione jubilatu elkarteak sustatuta, erretiratuek eta pentsiodunek osatutako koru batek astelehenean, urtarrilak 10, hasiko du ibilia. Igor Barrero piano-jotzaile eta konposatzailea izango du zuzendaria. Elkartetik adierazi dute «ilusioz» ekin d...

Itsasondon Eguberrietako oporretarako haurrentzat eta gazteentzat prestatua zuten egitaraua atzo bukatu zen. Adinkako taldeetan banatuta jarduerak egin dituzte, tartean Ormaiztegiko Zumalakarregi Museora bisita. Eskulanak eta tailerrak ere burutu dituz...

Garbiketa eta mantentze lanak egiteko, Lazkaoko Joxemiel Barandiaran Udal Kiroldegia itxita egongo da gaur, bihar, larunbatean eta igandean. Aste osoan igerilekua ere zerbitzutik kanpo eduki dute. Astelehenean, urtarrilak 10, itzuliko da ohiko zerbitzu...

Larunbatean, igandean eta astelehenean (urtarrilak 8, 9 eta 10) Entre lobos filma emango dute Lazkaoko Areria zineman. Zapatuan bi saio daude, 19:30ean eta 22:15ean; igandean 19:30ean da sarrera eta astelehenean –ikusleen eguna– 21:30ean. Haurrentz...

Prospektiker enpresak kaleratu du herritarrekin egindako bileren emaitzen txostena. Aparkalekuen arazoa konpontzeko lau bilera egin dituzte herritarrekin alde batetik eta merkatariekin eta ostalariekin bestetik. Azterketaren emaitzen arabera, herriko zortzi gunetan errotazio sistema jartzea litzateke irtenbiderik egokiena. Hala, Trenbide, Nafarroa Etorbidea, San Iganazio, Esteban Lasa, Arana eta Oriamendi kaleetan eta Erauskin eta Gipuzkoa plazan TAO bidezko errotazio jartzea proposatu dute herritarrek. Trenbide eta Nafarroa Etorbidea kaleetan eta Gipuzkoa plazan gehienez ere lau orduz utzi ahalko litzateke ibilgailua aparkatuta, eta gainerako guneetan bi orduz. Herritarren ustez, TAOa jarriko litzatekeen lekuetan bizi direnek doako txartel bat izan beharko lukete, garajea izan edo ez kontuan hartu gabe. Ibilgailua aparkatu ondorengo orduak merkeak izan beharko lirateke eta denbora pasa ahala aparkatzeagatik ordaindu beharrekoa garestitzen joan beharko luke. Bernedo Eneako aparkalekua handitzea eta sarbideak eta irteerak egokitzea ere proposatu dute herritarrek. Aparkalekua handitzea ere egokia dela uste dute, eta herrian erabiltzen ez diren beste gune batzuetan aparkalekuak eraiki beharko liratekeela, adibidez Renfek trenbidearen ondoan duen gunean. Neurri hauek denak hartu aurretik sentsibilizazio kanpainak egitea eta eskualde mailako garraio publikoa hobetzea proposatu dute ikerketan parte hartu dutenek. Emaitza hauek guztiak biltzen dituen txostena aztertu beharko du Beasaingo Udalak, eta hausnarketa egin ondoren erabakiko du zein neurri hartu [...]

Legazpiko Telleriarte Txirrindulari Elkarteak ziklo-kros taldea sortu du. Urte askoan mundu honetatik bananduta egon ostean, bost kiderekin hasi du bidea talde berriak. Denboraldia amaitzear dagoela sortu dute taldea Legazpin. Euskal Herrian egiteko hiru lasterketa, Burgosen egingo den bat eta Zamoran ospatuko den Espainiako txapelketa soilik falta dira zirkuituak amaitzeko. Imanol Ugarte, Aitor Izagirre, Iker Conejo, Julen Agirreburualde eta Ander Ibarguren legazpiarrak denboraldi hasieratik ari dira lehiatzen eta bostak ere txukun aritu dira urte osoan zehar. Elkarri laguntzen diote, baina orain artean ez zuten elkartuko zituen talderik. Telleriarteko txirrindulari elkarteak babes hori eskaini die talde berriarekin. Elkarteko kide den Enrique Vizcayren esanetan, «Legazpin probetan aritzen zen jendea zegoela ikusi genuen, eta eurek ordaintzen zituztela gastu guztiak. Arropa ere nork berea eramaten zuen, eta elkartetik, txirrindulari hauei esku bat botatzea pentsatu genuen. Behintzat ez zitzatela gastu guztiak eurak ordaindu. Lagundu egin nahi diegu, gure ahalmenaren barruan, beti ere». Lizentziak tramitatu dizkiete eta arropa ere atera dute, «herria ordezkatu dezaten». Estreinaldia Ormaiztegin Ormaiztegiko ziklo-kros proban egin zuen estreinaldia talde berriak. Ibargurenek laugarren egin zuen juniorretan, Izagirre seigarren izan zen Master 30 mailan; Conejo hamahirugarren iritsi zen maila berean eta Ugartek hirugarren egin zuen M40 mailan. Agirreburualdek hamabosgarren amaitu zuen elite mailan. Asteburu honetan [...]