
Ordiziako ezker abertzaleak 2011ko udal hauteskundeetarako herri programa aurkeztu du gaur, Barrena jauregian.Batetik, herri programa osatzeko herritarrekin eta herriko taldeekin bilerak eta inkesta bat egingo dituztela jakinarazi dute. Bestetik, azken lau urteotako udalaren kudeaketaren inguruko “balorazio negatiboa” egin dute, euren ustez, “demokrazia eta parte hartze eza” izan baitira udal taldearen ezaugarri nagusiak. Datozen hauteskundeei begira ordea, udalean egoteko “ahalegin guztiak” egingo dituztela iragarri dute, “Ordiziak alkate ezkerreko eta abertzalea izan dezan”. Jone Etxeberriak azaldu duenez, “hemen bildu garen ordiziarrok ezkertiar eta abertzaletzat dugu geure burua. Sektore oso zabala eta nagusienetakoa osatzen dugu Ordizian”. Euskal Herrian bezala, Ordizian ere “aro politiko berriari bultzada” eman nahi diote eta horretarako, “gure helburuen artean dugu maiatzeko Hauteskundeetan eta hurrengo lau urteetan udalean izatea”. Izan ere, Ordizian “herritar eta talde askok eta askok pentsatzen dute beharrezkoa dela Udalean ere aldaketa sakonak” ematea. Segidan, Julen Agirrek hartu zuen hitza, udalaren azken lau urteotako kudeaketaren balantzea egiteko. Zentzu horretan, “oso kritiko” agertu dira eta legegintzaldiaren gaineko “balorazio negatiboa” egin dute. Hiru arrazoi nagusi azaldu ditu Agirrek horretarako. Batetik, “bestelako itxura ematen saiatu diren arren, demokrazia eta parte hartze eza izan da Udal kudeaketaren bereizgarri nagusienetakoa”. Hala, azken udal hauteskundeetan boto gehien jaso zuen alderdia (EAE-ANV, 1.100 botorekin), [...]

Ordiziako Gaztetxearen 25. urteurreneko ekimenen barruan, ‘lipdub’ edo bideo musikal bat grabatu dute gaur eguerdian, herriko kaleetan. Gaztetxetik egindako deiari erantzunez, jendetza bildu da, eta hirurehundik gora ordiziarrek parte hart...

Ezker abertzalearen legeztatzea aldarrikatzeko ekitaldia egin dute Itsasondon. “Legalizazioa orain!” lemapean, hogeita bost bat lagun elkartu dira udaletxe atarian, eta taldeko argazkia atera dute. “Legalizazioa orain!” kanpainaren barruan, ekitaldi ugari antolatu dituzte Euskal Herri osoan, herri eta egun ezberdinetan.

Ezker abertzaleak, herriko hainbat eragile eta pertsonekin bildu eta gero, herriko diagnosia osatu du eta orain, Beasaingo Herri Programa osatu nahi dute. Horretarako, “herritarren partehartzea ezinbestekoa” dela azaldu dute eta “bera...

Ordizian elkarteak herriko merkataritza bultzatzeko ekimen berezia antolatu du datorren astebururako. Hala, martxoaren 4ean eta 5ean, merkealdietako azoka eta pintxo-poteoa egingo dituzte. Aurreneko ekimenean, Ordiziako 20 dendak parte hartu dute; merk...

Espero baino gehiago luzatu da gaur goizeko udalbatzaren osoko bilkura. Puntu asko aurrez adostu gabe eraman dituzte alderdiek, eta baten eta bestearen arteko eztabaidak eta tira-birak sortu dira azken unean. Aho batez onartu dituzten neurrien artean, etxebizitzetan irisgarritasuna bermatzeko laguntzak emateko ordenantza, amiantoaren inguruko mozioa edota eraikuntza eta obren zergen gaineko hobariak daude. Bilkurako aurreneko puntua, amiantoaren ingurukoa izan da. Udalbatzak aho batez onartu du PSE-EEk aurkeztutako testua. Osoko bilkuran ziren ASVIAMI, amiantoak kaltetutakoen elkarteko hiru kide. Mozioan, amiantoak eragiten dituen kalteak aipatzeaz gainera, udalari hainbat konpromiso hartzeko eskatzen zaio. Hala, herriko eraikinetan “amiantoa dagoen edo ez dagoen egiaztatzeko” eskatzen zaio udalari, eta horrekin batera, amiantoa agertzen den kasuetan, berau “manipulatu, tratatu eta kentzeko arauak sartzeko” udal ordenantzetan. Bestetik, udalerrian amiantoa duten instalazioen mapa bat egiteko eta eraikin horietan bizi diren herritarrei informazioa emateko konpromisoa hartu dute. Azkenik, amiantoa kentzeko obrak egin behar dituzten herritarrei diru-laguntzak emateko programa bat diseinatzeko prest agertu dira. Eraikin eta etxebizitzetan irisgarritasun obrak egiteko diru-laguntzen ordenantza ere aho batez onartu dute alderdi guztiek. Santamaria alkateak azaldu duenez, “udal gobernuaren helburuetako bat izan da irisgarritasuna bermatzea eraikin publikoetan. Baina eraikin pribatuetan ere hutsune bat zegoela ikusi dugu eta ordenantza honen bidez, bizilagun komunitateak izango dira laguntza [...]

Beasain Kantari taldeko kideek gaur arratsaldean egingo dute otsaileko Kantu Gira saioa. Hilero bezala, gaur ere Igartzako zubian elkartuko dira 18:30ean eta handik abituta herria zeharkatuko dute kantuan. Euskal kantuak izango dira denak eta ia guzti...

LAB sindikatuak euskal gazteria independentistaren “kontrako jazarpen estrategia ankerra” salatu du. Ohar batean azaldu dutenez, “PSOEk diktadura manualak erabiltzen ditu gure herriko gazteen kontra, la npolitikoa egiten duten lagunen...

XX. mendearen amaieran lantegietan emakumeen presentzia oso eskasa zen arren, matxerak produkzioan izan zuten eragina oso garrantzitsua izan zen.

Txapelketan 15 taldek parte hartuko dute guztira eta horretaz gainera, gorputz espresioa lantzeko tailerra, afaria, antzerkia, bertso musikatuak eta sari banaketa...

Idiazabalgo historia jasotzen duen argazki bilduma argitaratu du Ikerketa Taldeak eta Udalak. Guztira 300 argazkirekin osatutako liburua da Idiazabal txuri-beltzean, eta denak herritarrek utzitakoak dira. 1900 eta 1975 urteen artean ateratako argazkiak dira guztiak, “1975etik aurrera hasi zirelako koloretako argazkiak egiten eta urte horrek hainbat aldaketa ekarri zituelako”, argitu du Xabier Urteagak. Liburuan bildutako 300 argazkiez gain beste 700 inguru ere bildu dituzte. Denen artean politenak aukeratu dituzte bilduma osatzeko eta argazki bakoitzaren ondoan hainbat datu ere jarri dituzte: urtea, lekua, argazkian agertzen direnen izenak… Datu horiek denak biltzeko ere herritarren laguntza izan dute Ikerketa Taldeko kideek. Gillermo Urrestarazuk zehaztu duenez, “hiruzpalau arratsaldetan elkartu gara eta denon artean bildu ditugu datuak. Dena eginda genuela uste genuenean herritarren batek beste daturen bat ematen zigun eta berriro hasieratik hasi behar izaten genuen”. Liburuko argazki guztiak hamar ataletan daude banatuta: herria, herritarrak, festak eta ospakizunak, Ursuaran, kirolak, lana, eskola, erlijioa, irteerak eta bitxikeriak. Guztiek, herriak azken hamarkadetan izan duen aldaketa erakusten dute. Baita idiazabaldarrak zenbat aldatu diren ere, eta horrekin guztiarekin gizartean eman den aldaketa ere bai. 2005etik bilketa egiten Idiazabalgo Ikerketa Taldea 2005ean hasi zen lanean. Herriko historia biltzeko asmoa zuten, baina modua falta zitzaien. Eusko Ikaskuntzako kideek eman ziten laguntza eta [...]

Igandean Zuhaitz Eguna ospatuko dute Legazpin. Hamazazpigarren urtea du ekimenak, eta aurten ere Lakiolan ospatuko dute, berrogeitamar zuhaitz landatuz. Urteroko moduan, Legazpiko ikastetxeetako ikasleak izango dira parte hartzaileen arten nagusi, baina norbanakoei eta lkarteei ere luzatu diete parte hartzeklo gonbitea. Aurten Pagoak, Urkiak, Altzak eta Haritz Amerikarrak landatuko dituzte, 50 osotara. 10:00etan Lakiolako aterpean bilduko dira eta handik, Deskargarako bidean eta gas tuboak sartzeko altxatu zuten hegalean jada egindako zuloetara joko dute, zuhaitzak horietan landatzeko. Zehazkiago, 25 pago, 15 haritz amerikar, 5 urki eta 5 Altza jarriko dituzte, pasatako urteetan jarritako hamarnaka arbolei batuko zaizkienak. Lanak amaitutakoan, parte hartzaileek hamaiketakoa egingo dute, txorixoarekin eta saldarekin.

Segurako (Gipuzkoa) Korrika batzordeak eta Gazte Asanbladak honako bideoa grabatu dute, Steven Spielbergen Indiana Jones pertsonaiaren abenturetako batean oinarrituta. AEK-k Korrikaren inguruan antolatu duen Euskalakari kanpainari egiten dio erreferen...

Atzoko Legazpiko Osoko Bilkuran Zorrotz enpresako langileen mozio bat onartu zuten. Mozio honetan, langileek euren egoeraren berri emateaz gain, enpresako jabeekin biltzeko eskatu zioten Udalari eta hauei langileei kalte ordain «duinak» emateko eskaria egin ziezaietela, udalbatzak aho batez onartu zuena. Zorrotz enpresako langileek adostutako testuan, kalte ordainen eskariaz gain, jabeei «proiektu berri baten alde egiten duten langileen esku behar dituzten baliabideak jar ditzatela» ere eskatzen diete. Udal ordezkariak atzo bildu ziren enpresako jabeekin, eta orain, langileekin bilduko dira berriro, bilera hartan hitz egindakoa azaltzeko. Mozioaren testuak enpresaren egoeraren berri ematen du. Langileen arabera, Zorrotz «likidazio prozesu batetan mugildu da, lau enplegu erregulazio txostenen atzetik». Martxoaren 31 eta apirilaren 15a bitartean 62 langile kaleratuko dituzte, «Fogasako kalte-saria jasota» eta dagokien langabezia prestakuntzarekin. Azken laguntza hau ordea, «gaizki bideratutako» lau Erregulazio Espedienteren ondoren, «batzuek dagoeneko agortuta» dutela jakinarazi dute. Diotenez, langile talde baten aldetik «proiektu berri baten alde apostu egiteko borondatea» dago, baina horretarako langabezia prestazioa eta kalte-ordaina kapitalizatzera eta jabeekin pabilioien alokairurako akordio batera iristera behartuta daude. Gora-beherak aspalditik Mozioak enpresaren ibilbidean historia apur bat ere egiten zuen. «1987an, Zorrotzek Fogasari instalakuntzak erosten dizkio. Gizarte Segurantzarekin zituen zorrak zirela-eta, erosketari aurre egin ezin ziotenez, Aldundiak bitartekari lanak egiten ditu, eraikinak erosiz [...]