
Duela sei urte, bere jaioterria eta familia atzean utzi eta Ordiziara etorri zen Nordia Perez Altamirano (Managua, Nikaragua, 1979). Letren mundua oso gustukoa du betidanik, eta azkenean, pausoa ematea erabaki du, bere aurreneko eleberria idatzita. Gaur iluntzean aurkeztuko du Irene liburua, 19:00etan, Barrenan. Zure lehendabiziko liburua da. Zerk bultzatu zaitu idaztera? Buruan banuen ideia bat, baina hasieran ez nekien nondik nora joko zuen. Garai hartan, familiarekin arazoak zituzten gazteen inguruko saio bat ikusi nuen telebistan. Orduan jakin nuen nondik jo; zerbait didaktikoa egin nahi nuen. Ama ere inspirazio iturri izan dut. Idazten ari nintzela, gaixotu egin nintzen, eta ama izan zen ahal nuela eta aurrera egiteko esaten zidana. Gazteen eta gurasoen arteko arazoak aipatu dituzu. Bai, arazo erreala da, jende askok bizi duena. Gai horren inguruan pedagogia egin nahi nuen, jendeak irakurtzen duenean pentsatu dezala. Gure belaunalditik gaurkora aldaketa handia egon da hezkuntza aldetik, eta egun, orduan imajinatu ere egingo ez genituen portaera batzuk ikusten ditugu. Irene protagonistaren izena hartu du liburuak. Fikziozko pertsonaia da, baina benetako kasuetan oinarrituta. Pertsona askoren bizitza zatiez osatutako historia da, eta jendea erraz identifikatzen da pertsonaiekin eta gertaera horiekin. Irene neska polit bat da, bizitza osoa aurretik duena, baina gertatzen zaion guztiarekin, hondoa jotzen [...]

Garikoitz Bravo txirrindulari lazkaotarra (Caja Rural) mendian ari da eltzetik babak ateratzen. Udako hirugarren titulua Etorkizunekoen Tourrean eskuratu zuen herenegun, Frantzian. Mendiko saria irabazi du. Hala, 23 urtez azpiko txirrindulari profesion...

Jon Maia urretxuar jatorriko bertsolaria azken hiru urteotan egiten ari den Gazta zati bat dokumentala azken fasean sartua dela jakinarazi du Nazioen Mundua ekimenak. Maia eta bere lan-taldea aurreko asteazkenean Ordizian zen, gazta lehiaketa eta enkan...

Legorretako erretiratuek eta pentsiodunek igandean, irailak 18, ospatuko dute urteroko jaialdia, bazkari eta guzti. Astean zehar, ordea, ekitaldiak antolatu ditu Aldaieta jubilatu elkarteak. Bihar, 17:00etan, pilotalekuan, toka, bote eta igel lehiaketa...

Odol emaileen Lazkaoko ordezkaritzak herritar guztiei dei egin die gaurko, odola eman dezaten. Kultur etxean 18:30etik 20:30era egongo da aukera. Ohiko emaileez gain, tartean-tartean eman ohi dutenei eta inoiz joan ez direnei ere hots egin die, batik b...

Ordiziako Udaleko euskara zerbitzuak, etorkinentzako Aisa ikastaroa antolatu du aurten ere. Urriaren 3an hasiko da eta dagoeneko zabaldu dute izena emateko epea. Ikastaro horren bidez, honera bizitzera etorri diren etorkinei euskarara gerturatzeko bide...

Dozenaka bertsolari eta bertsozaleren bilgune izan den Lazkao Txiki Bertsopaper Lehiaketak 20 urte bete ditu. Haren sorreraz, ibiliaz eta geroaz hitz egin dute Argi Berri elkartekoek Goierriko Bertso Eskolaren X. urteurrenaren harira sortutako ekimena da Joxemiel Iztueta Lazkao Txiki-ren izena daraman bertsopaper lehiaketa. 1992. urtea da. Bertso Eskola kudeatzen duen Ordiziako Argi Berri elkarteko kideek «gerorako zerbait utzi» nahi zuten urteurren horren bueltan, eta bertsopaper lehiaketa bat antola zezaketela pentsatu zuten. Joxe Mari Barandiaranek ondo gogoan ditu garai haiek. Pastorala egin berria zen Ordizian, bertso eskolako umeekin grabazio bat ere egina zuten, eta Hamar urteko uzta izenburupean liburuxka bat atera zuten Argi Berrikoek, baina beste zerbaiten nahia ere bazuten: «Garai hartan ez dakit modan zegoen, baina leku askotan hasi ziren bertsopaper lehiaketak antolatzen. Baserrirena martxan zegoen, Balendin Enbeitarena ere bai, Joxe Lejarretarena… Ordurako mordoxka bat bazegoen, eta guk ere antolatzea erabaki genuen», gogoratu du. Behin erabakia hartuta, lehiaketa bataiatzea zen hurrengo urratsa. Barandiaranen esanetan, hasiera batean 1936ko txapelketan parte hartu zuten bi ordiziarretako baten izena, Artxanberri –jaiotzez zaldibiarra zen– edo Mintegirena, jartzea zerabilten buruan, baina Mikel Mendizabal bertsolariak «erraza» zutela esan zien, eta Lazkao Txikiren izena erabil zezaketela azaldu. «Lazkao Txikik ondo hartu zuen proposamena, baina baldintza bakarra jarri [...]

Legorretan bizi diren herritarrek euskara ikas dezaten bi ikastaro antolatu ditu Udalaren Kultura Batzordeak. Bat etorkinentzat berezia izango da, Aisa metodoarekin emango dena. 60 ordukoa (bi orduko saioak). Matrikula 10 euro ordaindu behar da; toki m...

Joan den asteburuan aurredenboraldiko lehen partida Getxo Arteari irabazi eta gero (19-16), larunbatean bigarrena jokatuko du Ampo Ordiziak Landetako Tyrosse taldearen aurka. Altamiran izango da partida, 19:00etan. Ordiziarrek haien sasoi puntua neurtz...

Ordiziako Euskal Jaietako feria berezian azken aldian arreta guztia gaztari eman izan zaio. Emaitzari, sustraiei baino gehiago. Aurten egileen garrantzia baloratu da, eta artzainei, gaztaren benetako izateari, egin zaio aitortza. Xumea, baina aspaldian lehen aldiz ekitaldiaren buru jarrita. Azoka eguna desfilearekin hasi zen, atzo. D’elikatuzetik Beti-Alai pilotalekura, kale buelta eginez. Idi parea gurdiarekin buru, lehiaketara aurkeztutako gaztak gainean jarrita. Atzetik, artzain eta gaztagile partaideak, ilaran. Segizioa ixten, Ordiziako Idiazabal Gaztaren Kofradiakoak. Asteazkeneroko ohiko azoka iraunarazten ari direnak ohartu ziren benetako altxorra nekazariak direla; sustrairik gabe nekez izango dela fruiturik. Gaztagileei ere iritsi zaie unea. Gaztari lekurik kendu gabe, gainera. Baina gehiago da Ordizian iraileko lehen asteazkeneko feria. Goierriko, Gipuzkoako eta Euskal Herriaren zati handi bateko merkatua da. Atzo ere hala izan zen. Urdaneta kalean euskal pastelak, baratzuriak eta lukainkak, gisa askotako zezinak —orein, asto, zezen, behi, moxalarenak…—, urdaiazpikoak, Ipar Euskal Herriko pateak eta ahatekiak, gozoak, ogia, eztia. Baita sagardogintzarako prentsak, ontziak eta gailuak ere, etxerako neurrian; sukaldeak, traktore bakanen bat… Garagartza plazan, ganadua. Pirenaika zuri galantak, euskal oilo gorri eta zilar bikainak. Frontoi aurrean Idiazabal gaztaren barietate izugarria, salpostuetan. Atzeraxeago, ezkontide onena: Arabar Errioxako ardo beltzak. Plaza Nagusian azoka nagusiaren beste nagusiak: nekazariak. Asteroko moduan, batzuk gehixeago salduz, besteak jendearen [...]

Larunbat iluntzean eta igande eguerdian izango dira freestyle-eko ikuskizunak; motorzaleen konzentrazioa ere egongo da, larunbatean ehun bat motorzale elkartzea aurreikusten da....

Ordiziako D’elikatuz Elikadura eta Gastronomia Zentroko areto nagusia bete-bete eginda dago. Astelehena da, eta bi egun eskas falta dira Euskal Jaietako aparteko azokarako. Egun horixe girotzeko, Iñigo Lavado Ficoba jatetxeko sukaldeburua eta Mikel Zeberio ataundar jatorriko gastronomia aditua elkartu dira. Idiazabal erara arituko dira sukaldean. Idiazabal Gaztarekin egin daitezkeen plateren lagin bat prestatu dute, bertaratuei dastatzeko emanez eta gaur egungo sukaldaritzari buruzko hainbat mezu helaraziz. Lavadok eta haren laguntzaile Davidek prest dituzte zenbait platera, eta Zeberio aretora sartzeko zain daude. Sartu da, eta sukaldariak lanean ari diren bitartean, hizketan hasi da gastronomoa. «Badirudi zerbait asmatu behar dugula gaur, baina sukaldean dena asmatuta dago», bota du. Hauxe gehitu du Lavadok: «Italian, Frantzian, Suitzan… asko erabili dute gazta sukaldean, baina guri erreparo handia eman digu orain arte». Eta Zeberiok azken puntua: «Gazta meriendatzeko erabili izan dugu orain arte». Gazta ketu batekin hasi dira lanean: «Dastaketak ketu gabearekin hasi ohi dira, baina gu ketuarekin hasiko gara». Lavadok esana. Zopa bat egin behar dute, eta horretarako tipula bat bota dio. «Hau berez dietarako platera da, baina behin gazta botatakoan ez du balio dietarako». Barrez. Eltzea sutan dagoen bitartean, txekor haragiarekin egindako mokaduko hanburgesak frijitzen hasi da, eta platera hori bukatzeko gazta xehetua jarri dio [...]

Legazpiko Agorreko Santikutz festen barruan etzi gaztetxean egin behar zuten kontzertua zapatura atzeratu dute. Taldeak ere aldatu dituzte Zapatu gauean gingo dituzte kontzertuak, II. Zarata Gaua izenpean. 23:00etan hasiko dituzte emanaldiak eta 2:00ak...

Iratzargailuak azken bi hilabete eta erdian ez bezala jo zuen atzo Goierriko 12.000 oheren ertzean. Eskolako lehen eguna zuten milaka haurrek eta gaztek, 2011-2012 kurtsoari ekiteko garaia. Udako oporren ondoren, gehien-gehienak atzo joan ziren lehenbiziko egunez ikastetxera. Batzuk astelehenean hasiak ere badira, Goierri Lanbide Eskolan, adibidez; gainontzekoek aste honetan hartuko dute datorren ekainera arte luzatuko zaien eguneroko martxa, edo eskola bakar batzuetan datorren astelehenean. Eusko Jaurlaritzaren Hezkuntza Sailak aurrematrikulaziotik ateratako datuen arabera —matrikulazioen behin betiko datuak geroago ateratzen dira— Goierrin 12.054 ikasle ariko dira Haur Hezkuntzatik Batxilergora edo Lanbide Heziketa garaira bitartean. Eskualdeko biztanleria osoaren ia %18 da hori, bostetik bat. Iazko ikasturteko aurrematrikulazio datuekin alderatuta %2,84ko igoera eduki du aurtengo irailean eskolatzeak, 333 lagun gehiago, 2 urtetik 18rakoak. Hezkuntza zikloei dagokienez, aurrematrikulazio kopuruaren guztizkotik %86,5 nahitaezko eskolatze garaiko ikasleak dira. Haur Hezkuntzan, Lehen Hezkuntzan eta Derrigorrezko Bigarren Hezkuntzan denera 10.433 goierritarrek jardungo dute. Sail horietatik ugariena Lehen Hezkuntza (6-12 urte bitarte) da Goierrin, 4.091 ikaslerekin. Haur Hezkuntzan (2-5 urte artekoak) 3.787 ariko dira, eta DBHn (12-16) 2.555 lagun. Unibertsitate aurreko ikasketetan —Batxilergoa eta Lanbide Heziketa— 1.621 gazte daude izena emanda, beti ere aurrematrikulen arabera. Horietatik hamarretik sei pasak (%61,7k) batxilergoa egingo dute, 1.000 lagunek. Lanbide Heziketaren hautua 621 gaztek [...]