
Lizarrustiko Parketxeak irailerako antolatua daukan aisialdi eskaintzaren barruan, igandean Akaitz Txiki II leizezulora irteera gidatua izango da. Hileko bigarren jarduera da, aurreko astebukaeran Pagabeko indusketa gunera burutu zutenaren ondotik. Iga...

San Migel egunean, irailaren 29an, ospatuko dute Lazkaoko jubilatuek euren eguna. Lagun arteko bazkarirako Orobione elkartea hasi da txartelak saltzen. Irailaren 23ra arte bulegoan erosi ahalko dituzte, 12 euroan, bazkideek bakarrik. Bestetik, mahaiko ...

Ordiziako Urpeko igerilarien taldeak astelehenean ekin zion denboraldi berriari. Klubeko beteranoak izan ziren lehenak ureratzen, eta datorren asteartean, hilaren 13an, gaztetxoen txanda izango da. Majoriko igerilekuan elkartuko dira, 17:00etan. Hala...

Alberto Gorritibereak zuzendutako Arriya filma emango dute Ordiziako Herri Antzokian bihar hasi eta astelehenera bitarte. Hori dela eta, filma ikusteko sei sarrera zozkatuko ditu udaleko euskara zerbitzuak telefonoz deitzen dutenen artean (943 80 56 22...

Erromeria, hildako herritarren aldeko meza eta hamaiketakoa izango dira, aurten ere, antolatu den egitarauren baitan.

«Gazta honek ez dauka ezer berezirik. Maitasun asko, hori bai, eta zortea ere bai, horrelako lehiaketa bat irabazteko horixe behar baita». Latxa ardiaren esnearekin egindako Ordiziako 38. Gazta Lehiaketaren irabazlearen hitzak dira, Rikardo Remiro nafarrarenak. Eulateko artzainak bigarrengoz irabazi du txapelketa entzutetsua, baina oraingo honetan garaikurra komunikabide eta ikusle guztien aurrean jaso ahal izan du, orain hiru urte, 2008. urtean, ezin izan baitzuen hori egin antolatzaileek egindako akats baten ondoren. Umiltasunez hitz egin zuen Remirok hedabideen aurrean, umilegi beharbada, eta erabat hunkitu zen txapela zeini eskaini nahi zion galdetzean: «Bereziki, eta gogo-gogoan dudala esanez, nire amari. Horrelako sari bat irabaztean gauza asko etortzen zaizkizu burura, eta aurten behintzat, momentu berezi honekin gozatu ahal izan dut». Gazta irabazlea «zaporez oso erregularra eta orekatua» dela esan zuen, eta begiak «behar den bezalakoak» zituela. Gazta ketua aurkeztu zuen, apirilaren 27an egina. Haren gurasoen marka berdindu du dagoeneko, haiek ere bitan irabazi baitute Ordiziako lehiaketa. Remiroren umiltasuna Goierri inguruan dituen lagunek harrotu zuten, oihuka hasi baitziren irabazlearen izena aditu orduko. Goierriko jatorria duten Jose Mari Jauregik eta Eli Gorrotxategik jaso zuten bigarren saria. Aspaldiko urteetan Ilarduian (Araba) bizi dira, eta Lezea markapean saltzen dute gazta. Ketu gabeko gazta aurkeztu zuten, martxoaren 30ean egindakoa. Eta [...]

Frontoiko buila-hotsik gabe eta horrenbeste famarik lortu gabe baina Joxe Migel Barandiaran eta Garagartza plazetan ere izaten dira lehiaketak Euskal Jaietako aparteko feriaren barruan. Joxe Miguel Barandiaran plazan fruta, barazki eta perretxiko lehiaketak egiten dira. Garagartza plazan eta inguruan berriz, ganadu eta oilo lehiaketak. Goizean goizetik fruitu eta barazki ezeberdinez txukun osatutako hainbat postu ikusi zitezkeen Joxe Migel Barandian plazan. Baserritarrek ahalegin berezia egiten dute horrelakoetan beraien fruitu eta barazkiak saskietan txukun-txukun jartzeko. Barazki lehiaketa irabazi zuen Martuteneko Jose Manuel Zabalegik, jendeak eta epaileek postuen «ikusgarritasuna» baloratzen dutela nabarmendu zuen. Postu gehienetan jende asko ikusten zen baratze eta zuhaitzetako altxorrei begira, hala ere, saltzaileak «erosle gutxi» zebilela eta kexu ziren. Erosleen artean Pedo Subijana eta Juan Mari Arzak sukaldari ezagunak ibili ziren, beraien jatetxeetarako barazki sorta bana erosi zuten. Behiak epaitzeko itzulia Garagartza Plazan ere jendetza bildu zen Pirenaika arrazako behiak ikusteko. Ume asko aho zabalik geratu zen horren animalia handiak gertutik ikusita. Behi bakoitzak bere tokia zuen plazan. Lehiaketan epaileek kategoria bakoitzeko saridunak erabakitzeko, ordea, plazaren erdian espreski prestatutako gunean behiek hainbat itzuli eman behar izan zituzten, epaileen begiratu zorrotzaren aurrean. Epaileek txapelketa horretako irabazleak aukeratzeko orduan, ganaduaren «osotasuna» baloratzen dute. Baserritarren eguneroko izerdiaren fruituek kaletarren harridura eragin zuten [...]

Ikasturtean zehar eta uztaileko ikastaro berezietan egindako lanak aurkeztuko dituzte Arte Ederretako ikasleek, gaur hasita Zelai Ariztin.

Beasain futbol taldeak Zarautzen aurka jokatuko du bihar, 18:00etan, Loinatz futbol zelaian. Denboraldiko bigarren partida izango da biharkoa. Beasaindarrak laugarren postuan daude sailkapenean, aurreko larunbatean Zamudioren aurka huts eta bat irabazi...

15M mugimneudaren ostean sortutako plataformak bertaratzeko deia egin die herritarrei, bilkura igande honetan izango da Areizaga-Kalebarren plazan 20:00etan.

Iaz hasitako bidetik, bigarren urtez egingo dute Ordiziako azokako argazki lehiaketa. Euskal jaietako aparteko feriarekin hasi eta irailaren 30era arteko epea izango dute argazkilariek beraien lanak bidaltzeko. Lehiaketarako gaia, Bizitza Ordiziako Az...

zingizango.com• Punta-puntako bi bertsolari hauek apirilean Gaztetxean bertso bazkaria egitekoak ziren. Bazkaritarako izena jende gutxik eman zuenez, bertan behera geratu zen saioa. Oraingoan, aldiz, Legazpira etorriko dira. Saioa Agorreko Santikutze...

zingizango.com• Andraitz KEk 2011-2012 denboraldian saskibaloian aritzeko deialdia bidali digu. Honakoei zuzenduta: 1998, 1999 eta 2000. urteetan jaiotako neska-mutilak 1996 eta 1997 Kadeteak 1994 eta 1995 Juniorrak Irailak 5, arratsaldeko 5,30ean. ...

Gaia librea izango da, eta teknika ere bai; pinturak Urretxu eta Zumarragako kaleetan zehar egindakoak izango dira lehiaketaren egunean bertan.

Goierriko Gurutze Gorriak eta Carrefourrek eskola materiala bilduko dute bihar eta etzi Olaberriako merkatal gunean. Gurutze Gorriko arduradunek jakinarazi dutenez, bildutako material guztia, bazterketa soziala jasateko arriskuan dauden haurren eta gazteen artean banatuko dute. Gurutze Gorriak materiala biltzeko mahaia jarriko du, nahi duten herritarrek bertan arkatzak, kuadernoak, margoak… utzi ditzaten. Carrefourrek, bildutako materialaren kopuru berdina emango du, guztira, bildutakoaren bikoitza banatu dezan ondoren Gurutze Gorriak. Kanpaina honekin, arazo ekonomikoak dituzten familien beharrak ase nahi dituzte bi elkarteek, 2011-2012 ikasturtea hastear den honetan, “familia askok eskola materiala erosteko zailtasun handiak izaten baitituzte”, azaldu dute Gurutze Gorritik.

Uztaileko azken asteazkeneko feriaren berri eman genuenetik urtaro aldaketaren gertutasuna ageri zaio asteazken goizari. Udaberriz geroztik aipatu izan dugun produktuen aurrerapenaren joerak jarraitzen du. Beste urte batzuekiko aldea handia da kasu batzuetan, babarrunak eta intxaurrak esate baterako. Jadanik atzoko ferian babarrun beltza, Bizkaikoa, aletua bazuen Lasak, 13 euroan kiloa. Intxaurrak ekarri zituen Berrobiko Mapi Telleriak. «Joan zen astean bildu nituenak dira, baina oraindik hezeak daude», zioen arren, iaz baino hiru aste lehenago jarri dituzte salgai. Gaztainak berriz aukeran ziren Aramakoak «San Bartolome gaztaina, txikia eta sanoa» –Miren Jauregiren hitzak– eta Oriotik propio etorri den Lurdes Eizagirrerenak: «Betitik ezagutu ditut nik gaztainondo hauek etxean eta goizeko gaztaina da baino izenik ez dakit», adierazi zuen. Horiek M. Lasaren postuan eros daitezke. Frutetan mota berri dezente aurkeztu zizkieten bezeroei atzo Idiazabalgo Kalbarioko Amaiak eta Errezilgo Joxe Antonio Aizpuruk bereziki: konferentzia eta xirimiri udareak, irasagarrak, erreineta grisa, red star eta hiru izkina motako sagarrak. Azken horren berezitasunari buruz honakoa zioen Aizpuruk: «Erretzeko da hau oso ona, erre ahala azalak alde egiten baitio». Errezil edo Ibarbia sagarra Hala bildutakoa omen zen saski bete sagar errezil. Izan ere «adarra puskatu eta ardiak jan ordez bildu eta Ordiziara ekartzea pentsatu nuen» kontatu duk. Bitxikeria moduan aipatu, Errezilen [...]

Ataungo San Gregorio auzoko jaiak gaur hasiko dira. Lau eguneko egitaraua prestatu du auzokideen batzordeak. Elkarteek, erakundeek eta «hainbat eta hainbat herritarrek» lagundu dute jaiak gorpuzteko ekitaldiak prestatzen. Aurreko urteetako egituraren antzekoa izango dute; berritasun eta birmoldaketa batzuekin, hori bai. Haurrekin pentsatuta abiatuko da festaldia, gaur. Bihar gazteek eta koadrilek hartuko dute plaza. Ohitura duten bezala, jantzi zuriekin irtengo dira koadrilak eguerdian. Bazkaria eta afaria iragarri dituzte, Zelai pilotalekuan. Tartean, erreka jaitsiera eta asto karrera izango dituzte, giroa Lizarrako Batukadak alaitzen duen bitartean. Musikari dagokionez, gaurko erromeria herriko trikitilariek gidatuko dute. Bihar Indarra taldeak rock kontzertua egingo du lehenbizi; 01:30ean Patxi Perez eta Konpainiarekin dantzaldia izango da. «Iaz oso ondo atera zen, giro ederrarekin». Herri guztia dantza jartzeko asmoa dute berriz ere, festen antolakuntzan dabilen Asier Auzmendik azaldu duenez. Kontzertuekin segiz, larunbatean, mozorrotuen gaua girotzeko, Fiachras eta Los Zopilotes Txirriaos ekarriko dituzte, tartean Eneko Dorronsoro auzokidea dela (Hitzak bihar argitaratuko du hari egindako elkarrizketa). Bertsolaritzari ere ukitu berezia emango diote. «Formatu estandarreko» saioa izan beharrean, bertso musikatuen ikuskizuna aurkeztuko dute Hamaika Bertute taldekoek, larunbat gauean. Lau bertsolarik —Ainhoa Agirreazaldegi, Jon Martin, Miren Artetxe eta Beñat Gaztelumendi—, gai jartzaile batek —Egoitz Aizpuru—, eta bi musikarik —Imanol Ugarte eta Unai Arzamendi— girotuko [...]