
Aurtengo Ordiziarrock ekimenean musika jarduna kalera atera nahi bazuten ere, eguraldiak ez dio hori egiten utzi Gazte Asanbladari. Larunbatean kalean egitekoak ziren lau emanaldiak bertan behera utzi zituzten, badaezpada, eta horren ordez, Ordiziako ...

Ordiziako Saskibaloi Eskolan jokatu nahi duten haurren gurasoei zuzendutako bilera egingo dute bihar. 18:30ean elkartuko dira Barrena jauregian. Eskolaren ordutegia eta funtzionamendua azalduko dizkiete bertaratuei. Eskola 2001, 2002, 2003 eta 2004 u...

Igandean V. Goierri Garaia mendi lasterketa izango da; lasterkariek Urretxu eta Zumarragako mendien gainak joko dituzte

Espainiako Zilarrezko mailan ari den Estanda Ordizia areto futboleko nesken taldeak garaipen bikaina lortu du asteburuan Logroñon 4 Arcos taldearen aurka (0-1), eta aurreko asteburuan Majorin lortutako garaipena aintzat hartuta, lidertzan jarraitzen d...

Biok Zerbitzuak Ordiziako saskibaloi talde nagusiak 62-52 galdu du asteburuan Gasteizen Seky.es taldearen aurka. Lehen bi laurdenetan oso parekatua izan zen partida (32-28), baina hirugarren laurdeneko bigarren zatian ez ziren ondo aritu ordiziarrak, e...



Ordizian EH Bildu alderdiak jaso du botu gehien, 1.700 osotara. EAJk 1.576 boto eskuratu ditu eta bigarren alderdi bozkatuena izan da. PSE-EEk 709 boto lortu ditu, PPk 266 eta UPyDk 26. • Goierriko emaitzen taula osoa ikusteko sakatu hemen


Iragarritako ordua baino bost bat minutu lehenago–16:00etan abiatzekoak ziren– abiatu da Itsasondoko plazatik Ijitu kirol elkarteak 15. urtez antolatu duen mendiko bizikleta zeharkaldia. Hogei-hogeita hamar txirrindu zaletu ausartu dira 30 kilometro luzeko ibilbidea osatzera, abiatze orduan behintzat oso petrala baitzen eguraldia. Bidegorritik pare bat kilometro osatu ondoren, Burnikurutzeta mendira (503 m) hartuko dute txirrindulariek. Santa Marinatik aurrera, gainez gain joango dira. Jan-edan postu bakarra egongo da mendian, baina bi aldiz pasatu beharko dute handik. Lehenengo pasaeraren ondoren (14. kilometroa), Pagorriagaraino jarraituko dute. Garin auzoaren (Beasain) goialderaino joan, eta Murumendiren ipar magaletik itzuliko dira, berriz ere anoa postura iristeko (21. kilometroan). Puzgailua opari Bigarren anoa lekutik helmugara beherantz edukiko dute bidea, gehiena pistaz. Berostegi auzora irtengo dira. Handik herrigunera, errepidez bukatuko da proba. Antolakuntzak opari sorta bat jarri du partaideentzat. Parte hartzaile guztiek Giyo markako puzgailu bana jasoko dute opari.

Legorretan 50 bat auto klasiko, eta ez hain klasiko, ikusteko aukera dago 14:00ak bitarte. Miniak eta Seat 600 motakoak dira auto ugarienak, batzuk prestatuak eta beste batzuk bere horretan daudenak, baina tartean badira Seat 124 motakoak eta baita aurreko gizaldiaren erdi partean sortutakoak auto eleganteak ere. Eguraldi euritsua izan arren, dezente izan dira 11:00etarako plazara inguratu diren legorretarrak eta inguruko herrietako motorzaleak ere. Pilotalekuan, berriz, auto batzuez gain, Mobillette eta Cady motako hainbat motor ikusteko aukera dago, eta baita horiek konpontzeko balio duten piezak ere. Kultur Astearen barruan aurreneko aldiz antolatu dute auto klasikoen erakusketa. Ez da ordea gaurko egunean egongo den ekitaldi bakarra. Atzo iluntzetik Legorparty informatika topaketa egiten ari dira Patxi Ezkiaga kultur etxean. Gaur goizean jende askorik ez bazen ere, bart gauean ordu txikiak arte jende asko aritu da ordenagailuekin jolasean eta informatika materiala eta jakinduria partekatzen. Biharko 20:00ak arte iraungo du Legorpartyk. Film-labur lehiaketa Arratsaldean, berriz, ekitaldi gehiago izango dituzte. 17:30ean Legorretako II. Kaleko Atletismo Erakustaldia izango da. Gorako jauzia, pisu jaurtiketa eta txandakako korrika saioak egingo dituzte. Legorretako III. Pintura Lehiaketaren sari emate ekitaldia izango da 19:30ean, eta 20:00etan Aitzol Aramaioren omenezko I. Film Labur Lehiaketarena. Finalerako hautatutako pelikulen proiekzioa ere egingo dute Herri Zineman. [...]

Aste kulturala egingo dute Zerainen bihartik hasi eta datorren larunbata bitartean. Egunero-egunero egongo dira hitzaldi edota bestelako ekitaldiak. Hona hemen egitaraua: Urriak 20, larunbata: 09:00: Ibilaldia Basazabalgoen mendiko txabolara (Oosora). Plazatik abiatuta, Bostaiztara autoz joanda, edo todoterrenoan bertaraino gerturatuta. 11:00: Gazta dastatzea Ooson. 18:00: Eskola txikiei buruzko bideo emanaldia. Urriak 21, igandea: Jubilatuen eguna 13:00: Meza Nagusia. Joxe Agirre eta Patxi Etxeberria bertsolariek eta Uharka abesbatzak lagunduko dute. 14:00: Bazkaria Ostatun Agirre eta Etxeberria bertsolariek alaituta. Urriak 22, astelehena: 19:00: Moroak gure artean. hitzaldia Mikel Zaldibe euskaltzainaren eskutik. Urriak 23, asteartea: 19:00: Alejandrino Irureta eta Zeraingo artea hitzaldia Joxemari Telleriak, Josetxo Zufiaurrek eta Edorta Kortadik. Urriak 24, asteleazkena: 19:00: 30 zeraindarrekin solasean. Hasier Gogortzak Zeraingo 30 pertsonari egindako elkarrizketen pasarteekin prestatutako bideoaren emanaldia. Urriak 25, osteguna: 19:00: Gazta zati bat. Nazioen Munduak sustatu eta Jon Maiak zuzendutako dokumentalaren emanaldia. Urriak 26, ostirala: 19:00: Nilo ibaia. Anjel Cuerdo abenturazaleak Afrikan egindako bidaiaren bideo emanaldia. Urriak 27, larunbata: 11:00: Herriko haur eta gaztetxoentzat marrazki rallya eta jolasak. 14:00: Herri bazkaria pilotalekuan. 17:00: Arrabots taldearekin dantzaldia. 19:00: III. patata tortila lehiaketa. Ondoren afari-merienda pilotalekuan bertan.

LAB sindikatuak deituta elkarretaratzea egin dute gaur eguerdian Olaberriko Carrefour saltokiaren aurrean. Enpresak astean irekita edukitzeko baimendutako ordu kopurua (72 ordu) gainditu egiten duela salatu dute, eta EAEko komertzio ordutegiaren leged...

Ormaiztegin 2008. urtean egin zuten Irlandar Eguneko bideo bat igo berri dute Youtubera.

Lazkaoko Udalbatzak ezohiko osoko bilkura egingo du, astelehenean 20:00etan. Oposizioko alderdiek eskatuta, gai bakarraren inguruan ariko dira: hiri hondakinen bilketaz. Horren inguruan, hainbat azalpen eskatu dizkio EAJk Bilduren udal gobernuari: Lazk...

Legorparty informatika topaketaren bederatzigarren aldia gaurtik igandera izango da, Legorretako Patxi Ezkiaga Kultur Etxean. Hiru egunean, etenik gabe erabili ahalko da Interneteko gaitasun eta abiadura handiko konexioa (20 megabyttekoa). Partaideek m...



