Legazpiko EAJ-ren hautagaitza aurkeztuko dute gaur
Joseba Egibarrek eta Eric Galvez alkategaiak parte hartuko dute. Aurkezpena 18:00etan da, Kultur Etxean.
Legazpiko EAJ-ren hautagaitza aurkezteko ekitaldia egingo dute gaur 18:00etan Kultur Etxean, Aurrera, batera! izenburupean. Aurkezpenean Joseba Egibar Gipuzko Buru Batzarreko presidente eta Eusko Legebiltzarrean EAJ-ren bozeramaileak eta Legazpiko alkategai den Eric Galvezek parte hartuko dute.
Eric Galvezekin batera, Amaia Aizpuruak, Miryam Galileak, Edurne Matiasek, Josu Galileak, Mikel Alberdik, Francisco Javier Iraetak, Ane Urkiolak, Aitziber Beldarrainek, Maite Lonbidek, Iñigo Imazek, Amaia Zalduak eta Koldobike Olabidek osatzen dute EAJ-ren zerrenda datozen udal hauteskundeetarako.