Albisteak

Beasaingo Udalak udaleku itxiak antolatu ditu Otxandion

Euskararen jakintza eta erabilera aisialdiarekin lotutako udalekuak izango dira. Ekainaren 30a izango da izena emateko azken eguna

Etzegaraten noranzko bat itxi behar izan dute, kamioi bat irauli eta gero

Goizeko bostak aldera gertatu da ezbeharra N-1 errepidean, Irungo norabidean. Gidaria zauri arinekin eraman dute Zumarragako ospitalera. Trafikoa Urtsuarandik bideratzen ari dira.

Eusko Jaurlaritzak alarma egoera gauerdian indargabetuko du

Lehendakariak ohartarazi du «ezer ez dela itxialdia ezarri baino lehen bezala» izango. Pandemiaren bilakaera «oso ona» da, baina birusak gure artean jarraituko duela eta berarekin bizitzen ikasi behar dela diote.

K. Garralda Zubimendi

Enirio-Aralarko kontuak negatiboan daudela jakinarazi dute batzarrean

2019ko aurrekontuaren likidazioaren kontu eman da, agerian utziz, kontuetan defizita dagoela. Pisten auziagatik ekarpen berezia egitea berretsi dute batzarrean

Hauteskundeak

Hautesle zerrendetan goierritar ugari, baina aurreko postuetatik urruti

Onartu dituzte uztailaren 12ko hauteskundeetarako hautesle zerrendak. Gipuzkoakoetan, 15 goierritar daude 6 alderdiren zerrendatan banatuta, baina horietako gehienak, aurreko postuetatik urrun.

Atleten urteak hiru hilabete izan ditu

Atletismo denboraldia urte naturalera egokitu dute aurten. Koronabirusak, ordea, egutegia hankaz gora jarri du. Irailean dira berriz hastekoak baina jada ari dira hala moduz entrenatzen.

K. Garralda Zubimendi

Lehenengo platera, borobil

Ostalaritza hasi da berriro lapikoak astintzen. Koronabirusaren geldialdiaren ondoren ireki dutenetik bi aste igaro direnean, sukalde-hots itxaropentsuak ateratzen ari dira. Asteburuek abiada ona hartu dutela diote Goierriko jatetxeek, batez ere, familien eta lagunen topaketengatik.

Eskubide Sozialen Kartak mobilizazioak deitu ditu ostiralerako

'Publikoa, funtsezkoa zaindu aberastasuna banatuz' lemapean, Ordizian eta Urretxu-Zumarragan elkarretaratzeak deitu dituzte ostiral arratsalderako. "Eredu sozio-ekonomiko berria" sortu eta osasun eta zerbitzu publikoak indartu behar direla aldarirkatuko dute.

«Loreek pertsonaiek esaten ez duten guztia esaten dute filmean»

Aurreko abenduaren erdian 50.000 ikuslek ikusia zuten jada Loreak filma, euskaraz. Urtebete lehenago, 2013ko Gabonen atarian Jon Garaño eta Jose Mari Goenaga filmaren zuzendariek, loreak oraindik lorategian moztu gabe zeudenean, 30.000 ikusle lortzea zaila zela zioten Tribuaren berbak telebista saioari egindako adierazpenetan. Goitik gainditu dute muga hori. Donostiako Zinemaldian arrakastaz bete zuten lorategia eta, orain, Espainiako Goya sarietarako –otsailaren 7an emango dituzte– film onenaren sarietarako izendatu dute. Palm Springs-eko (Kalifornia, AEB) zinemaldian film latino onenaren saria jaso berri dute. Jose Mari Goenaga (Ordizia, 1976) zuzendariak Enpresa Zientziak ikasi ostean, Urnietako (Gipuzkoa) Sarobe Aretoan Errealizazio ikastaroa egin zuen. 2001ean, beste lau lagunekin batera Moriarti ekoiztetxea sortu zuen. Zuzendaria ez ezik, gidoilaria eta ekoizlea ere bada. ‘Loreak’ filmaren gidoiaren ideia zurea da. Nondik sortu zen? Irudi batetik. Loreak errepidean ikusten nituen bakoitzean lore horien atzean egon daitekeen drama etortzen zitzaidan burura. Inoiz ez duzu inor loreak uzten ikusten… Misterio puntu bat ere badago, enigma bat. Zer gertatuko litzateke zure hurbileko senide bat hil, eta ezezagun batek loreak utziko balitu errepidean? Horren harira istorioa garatzen hasi nintzen. Halako batean, autoan nindoala Ceciliaren Ramito de violetas abestia ipini zuten irratian eta loreak uzten zituenaren zein loreak jasotzen zituenaren istorioak uztartu nituen. Bi emakumeon istorioak [...]

Goierriko Hitza

Uemako Batzar Nagusiak Zerain Uemako kide izatea onartu du

Urkijok helegitea jarria dio Zerain Ueman sartzeko erabakiari

Goierriko Hitza

Zazpigarrenez, zazpiak jokoan

Hasia da VII. Euskal Herriko Mus Txapelketa. Karta sorta eta mahai zapi bereziak prest dituzte muslariek. Martxoaren 7an izango da finala, Lekeition (Bizkaia).

Ane Arrieta

Alde zaharreko mosaikoa auzolanean egiteko bigarren saioa

Urretxuko Udalak lehiaketa antolatu zuen alde zaharra apaintzeko eta bi egitasmo aurkeztu zituzten. Ibon Elgarrestak Iparragirre kaleko arkuak apainduko ditu eta Amaia Cidek eta Maite Arboniesek kultur etxe sarreran mosaiko

The post Alde zaharreko mosaikoa auzolanean egiteko bigarren saioa appeared first on Otamotz.

Otamotz.com Urretxu-Zumarraga

«Garingo jaietara gazteak etortzen direla ikustea gustatzen zait gehien»

Iñigo Andreu Gastaminza (Beasain, 1984) eta beste auzokide batzuk 2013an hasi ziren Beasaingo Garin auzoan mendi lasterketa antolatzen, jaietako egitarauaren barruan. Antolatu bai, baina zu ibiltzen al zara mendian korrika? Batzuetan animatzen naiz mendi lasterketak egitera, baina gehien gustatzen zaidana lagunekin mendiaz gozatzea da, eta ezagutzen ez ditudan txokoak bilatzea. Jarraitzen duzu txirrindularitzan? 2007an utzi nuen txirrindulari taldea.Orain lasterketa batzuetan parte hartzen dut, baina obligaziorik gabe. Garingo jaietatik gehien gustatzen zaizuna? Lasterketa, noski! Egia esan, gazteak etortzen direla ikustea da gehien gustatzen zaidana, txikitatik auzoa ezagutzen dutela eta bertan oroitzapen politak izango dituztela jakitea. Zaletasun bat. Mendia. Film bat. La vida es bella. Liburu bat. Printze txikia. Janari bat. Entsalada nahasia. Oporretarako leku bat. Ahuntzak beti egiten du mendira… Amets bat. Guztiok enpatia lantzea. Gorroto duzuna. Handikeria. Goierriko txoko bat. Murumendiko tontorra. Herriko alkate bazina. Politika alboratu eta herritarrak batzen saiatuko nintzateke. Beasainen biziko ez bazina. Garinen biziko nintzateke.

Goierriko Hitza

Aste honetako polizia operazioa salatu dute Goierriko hainbat eragilek

Bihar 12:00etan Donostiako Alderdi Ederren sindikatuek deitu duten deialdiarekin bat egin dute; baita etzi arratsaldean egingo den martxarekin ere

Janire Arrondo
Gehiago
HITZAkide HITZAkide

 

ELKARRIZKETAK

ERREPORTAJEAK

KIROLA

Azken bideoak

 

Argitalpen bereziak

Gipuzkoa