
Beasaingo Ezkiaga auzoko hainbat bizilagunek gazteei zuzendutako ekintzak antolatu ditu asteburu honetarako. Helburua, auzoak garai batean zuen bizitasuna berreskuratzea da. Ostiral arratsaldean hasi eta igandera arte kirola, kultura, gastronomia eta a...

Estanda Ordiziak garaipen garrantzitsua lortu du asteburuan etxetik kanpo. Derbia zuten Stylo Berrio talde bizkaitarraren kontra. Partida parekatua izan zen eta 2-3 nagusitu ziren ordiziarrak. Garaipen horri esker, aurreko postuetako borrokan jarraituk...

Emakume eta gizonen arteko berdintasunaren aldeko ibilbidea egin duten pertsonak edo erakundeak errekonozitzea da sariaren helburua eta proposamenak edozein herritarrek egin...

Ezkio-Itsasoko nekazaritza lurrak mugatzeko prozesua bukatzear dago jada. 233 lur jaberen sailetako lanak amaituta daude eta jabegoak entregatuta. Guztira 1.970 hektarea. Ezkio-Itsasoko Udaleko Nekazaritza zinegotzi Inaxio Galdosek jakitera eman duenez, «lur jabeek egin beharreko lanak bukatuta daude eta teknikariei dagokie orain falta diren lanak egitea». Ezkio-Itsasoko nekazaritza eremuko lurren egoera oso irregularra zen duela gutxi arte. Izazpiko lurrak larre toki bihurtzeko antolaketa lanak egiten hasi zirenean konturatu ziren Udaleko kideak arazoaren tamainaz: katastroko partzela-planoan lursailak markatzen zituzten muga gehienak gaizki zeuden; partzela batzuk nahastuta zeuden eta lursai bateen kasuan jabearen izena aldatuta zegoen, baita zenbait baserriren kasuan ere. Ez ziren agertzen benetan dauden partzela guztiak, bazeuden eskrituratu gabeko lursailak, baita erregistratu gabeak ere. Sail askoren mugak nondik nora zihoazen inork ez zekien; baziren partzela-planoan azaltzen ez ziren sail batzuen eskriturak, baina sail horiek non zeuden ez zekiten jabeek ere. Lursailak erabat zatikatuta zeuden, batez ere basoetako zenbait eremutan. Guzti horregatik herriko nekazaritza-lurrak antolatzeko plangintza egin zuen Udalak. Batzarrak lur jabeekin Hiru batzar egin zituzten lursailen jabeekin, bi Ezkioko Igartubeitin eta bat Itsason. Horietatik lehenengo biak informatiboak izan ziren. Hirugarren batzarra prozesua martxan jartzeko helburuarekin egin zuten 2010eko martxoaren bukaeran eta 120 bat lur jabe elkartu ziren bertan. Jabe bakoitzari bere [...]

Hilaren 28ra arte izango da ikusgai eta besteak beste Antion eraikiko den interpretazio zentroan barrena bidaia birtual bat egiteko aukera eskaintzen...

Ampo Ordiziak garaipen bikaina lortu du gaur eguerdian Altamiran, Cajasol Ciencias Sevillari 36 eta 12 irabazita. Garaipenaren lau puntuak eta lau entsegu baino gehiago egiteagatik lortzen den puntu gehigarria ere eskuratu dute, eta liga bukatzeko bi partidaren faltan La Vila liderrarengandik hiru puntura daude Axio Arañak eta Jim Dixonek zuzendutako mutilak. Sevillaren aurkako partida atzeratutako partida zen, espainiarrak ezin baitziren abenduan Ordiziara azaldu aire kontrolatzaileen grebarengatik. Altamira bete-bete eginda egon da gaur ere. Jokoa espainiarren menpe zegoela iritsi da ordiziarren lehen entsegua 8. minutuan. Puyadenak baloia ostikoz jo aurrera, eta Iker Elortza ‘Kubanok’ gainditu du entsegu marra. Julen Goiak sartu den hagetara (7-0). Esan, Goia aritu dela gaur hagetara jaurtitzen. Idiazabalgo gazteak beste hiru puntu eman dizkio Ordiziari 12. minutuan zigor kolpe bat sartuta, eta 18.ean Mattarucok bigarren entsegua lortu du (17-0), entsegua gaixo dagoen Joanes Aierberi eskainiz. Espainiarrek erreakzionatu egin dute, eta Fishen eta Freeman kanporatzeak baliatu dituzte bi entsegu lortzeko, bata 25. minutuan eta bestea 29.ean. Atsedenaldira 17 eta 12 joan dira. Bigarren zatian partida kontrolpean Aldagelatatik bueltan, indartsu atera dira Ampo Ordiziakoak, eta Toby Freemanek entsegua lortu dute 43. minutuan, indarrez entsegu marra gaindituta. Lasaitasuna eman dio horrek etxekoen jokoari, eta baloia mugituz eta mugituz puntu gehigarria ziurtatzen [...]

Ordiziako Buztuntza auzoko Argi Berri elkarteak 115 bikote bildu ditu 34. mus txapelketan. 16:30ean hasi dira muslariak jokoan elkartean parean dagoen Urdaneta ikastetxearen gelatan, eta 17:30erako bi partida irabazitako bikoteak baziren. Giro onean eta inolako arazorik gabe doa txapelketa. Bikote kopuruari dagokionez, Argi Berri elkartekoek nabarmendu dute iaz baino gutxiago izan direla, eta besteak beste, krisiaren eraginez izan daitekeela. Iaz 20 bikote gehiago izan ziren, 135 guztira. Leku askotan muslariak bildu ditu Argi Berriko txapelketak. Goierrikoen artean, Ordiziako bikoteak 35 izan dira, Beasaingoak zazpi, Lazkaokoak sei, Zaldibiakoak 4, Zumarragakoak 4, Zegamakoak 3, Ormaiztegikoak3, Itsasondokoak bi, eta Idiazabaldik, Olaberritik eta Urretxutik bikote bana joan da musera. Eskualdetik kanpokoen arten, Tolosako bost bikotek eman dute izena, Bergarako lauk eta Altsasuko bik. Donostiatik, Leitzatik, Zarauztik, Debatik, Nafarroako Araitz bailaratik, Azpeititik eta Errenteriarik ere hurbildu dira muslariak Ordiziara. Txapelketa 22:00ak aldera bukatuko dela aurreikusi dute antolatzaileek. Antxumeen eta arkumeen zozketak Urtero bezala, aurten ere atera dituzte bosna antxume eta arkume zozkatzeko errifak. Zenbaki sarituak hauek izan dira: Antxumeenak (5469, 5348, 5061, 3716 eta 5466) eta arkumeenak (1228, 2213, 4511, 4233 eta 4968).

Beasaingo 21. Idazlehiaketaren sariak banatu dituzte Usurbe antzokian. Bost mailatan (A, B, D, E eta F) banatu dute lehiaketa, eta maila bakoitzean hitz lauz, olerkian eta bertso idatzietan egindako lanak saritu dituzte, guztira 44 lan: 12 bertsotan, bi olerkian eta 30 idazlan lehiaketan. Guztira aurten 168 idazleren lanak jaso dituzte sariketan eta 29 bertso sorta, antolatzaileen arabera “iaz adina”. Epaimahaiko kideen ustez aurten gai serioagoak landu dituzte parte hartzaileek eta horrek markatu du aldea aurreko urteetako lehiaketetatik. Aurtengo sari banatze ekitaldia ere “literiarioagoa” izan da, sarituek haien lanen zati bana irakurri baitute jendaurrean. Iraiti Goikoetxea idazlea aritu da aurkezpen lanetan eta Aurtzaka Dantza Taldeko kideek ere saioa egin dute. A, B eta D mailatako epaimahaiko kideak Jon Ordoñez, Iñaki Apalategi eta Ekaitz Goikoetxea izan dira. A mailan (1993-1994 urteen artean jaiotakoak), prosan, Lierni Garmendiari eman diote saria nagusia Gerizaren zizelkadak lanarengatik; olerkien bi sari nagusiak ez dituzte banatu. B mailan (1995-96), berriz, Ane Iparragirrek irabazi du prosan Azken oroitzapenak idazlanarengatik, eta bertsotakoan Gemma Urteagak Ezinen aurka lanaregantik. D atalean (1997-98), Iñigo de Juanek irabazi du prosan, Bizitzako erabakia egun bakar batean lanarengatik, eta bertsotan Paul Iruretagoiena izan da nagusi, Eskolako ibilerak bertso-sortarekin. E eta F mailetan Gabino Murua, Jexux Aizpurua [...]

Ainara Gorostizuren EtorkiZUnak proiektua saritu dute Debako Udalak eta Elkar argitaletxeak antolatzen duten Tene sarietan, sariaren arduradunek Donostian gaur jakinarazi dutenez. Mikel Markezek eta Pako Aristik elkarrekin aurkezturiko Benito, plazer bat izan duk egitasmoa da beste saria jaso duena. 2010eko deialdian aurkeztutako “lanen kalitatea” aintzat hartuta, Tene saria bitan banatzea erabaki du bekako epaimahaiak (Lorea Agirre beasaindar, Elixabete Garmendia ormaiztegiar eta Alberto Barandiaran altsasuar kazetariek osatua). Debako Udalak, berriz, epaimahaiaren eskaria aintzat hartuta, bikoiztu egin du sariaren diru kopurua: 6.000 euro irabazle bakoitzarentzat. Gorostizuk EtorkiZUnak egitasmoarekin immigrazioaren errealitatea etorkinen euren ikuspegitik kontatu nahi du. Markezek eta Aristik, berriz, Benito Lertxundi kantariarekin urteetan egindako bazkari eta bazkalosteko solasetan oinarrituta prestatu dute proiektua. Haren testigantza eta gogoetak modu literario batean jaso nahi dituzte. Egileek urtebete izango dute proiektuak liburu gauzatzeko, eta 2012an kaleratuko ditu Elkar argitaletxeak. Gorostizu (Ataun, 1981) Euskal Filologian lizentziaduna da, eta euskal prentsa idatzian ibilia: Euskaldunon Egunkaria-n aurrena, eta gaur egun Berria-n. ZuZeu albistari digitaleko kolaboratzailea da. Liburu bat ere badu, Nerea Eliasekin batera: Eta gerra etorri zen. 36ko gerraren eragina Ataungo eguneroko bizimoduan (2008), Gerriko ikerketa saria eskuratu zuena. Aristi (Urrestilla, Azpeitia, 1963) idazle, kazetari eta gidoigilea da, liburu eta erreportaje askoren egilea. Markez (Errenteria, 1971) kantari gisa da batez ere [...]

Legazpiko Bertso Olariak bertso eskolak hamar urte bete zituen iaz. Urtemuga dagoeneko pasatu bada ere, apirilean Bertso Eskolen Eguna ospatuko dute Legazpin. Horrez gain, otsailean bi saio egingo dituzte; bihar eta hilareb 26an. Taldea sortu zenetik lanean dabiltza Asier Iriondo, Nerea Elustondo eta Julen Agirreburualde. Iriondo eta Elustondo irakasle moduan hasi ziren eta Agirreburualde berriz, ikasle gisa. Egun, bera ere irakaslea da. Bertso eskolaren sorrera aztertzeko denboran atzera egiten dute, 60. hamarkadara. Brinkolan jartzen dute abiapuntua. «60. hamarkadan txapelketa batzuk antolatu zituzten, eta hor bazen bertsolari belaunaldi bat, Iñaki Azarola kasu». Hauek Brinkolan kantatzeko ohitura zuten. «Brinkolako eskola esaten zioten» jarraitu du Elustondok. Gerora, Iriondok dioenez, «guk 15-16 urte genituela, bertso eskola batzuk jaso genituen Azarolaren eskutik, 4 bat hilabetez». Hala ere, egungo bertso eskolaren oinarria Haztegi ikastolan jartzen dute, Joxe Olabide irakasleak abiarazitako bertso eskoletan. Iriondo eta Asier Otamendi ere aritu ziren han irakasle gisa, eta geroago baita Elustondo bera ere. Handik bost urtera helduen bertso eskola sortu zuten, «herrian egarri bat somatzen genuelako» dio Iriondok. 15 lagun ingururekin hasi zuen bidea bertso eskolak, eta Bertso Olariak izena ere eman zioten, «Aitor Irastortzak asmatu zuena». Helduekin hasi zuten bidea, baina gutxira gazteagoak ere batu ziren eskolara. Ikastolan egiten zirela, [...]

Ikasturte honetan herri eskolan hasi diren hiru ikasleei, Ekain Ansoreaga mutiloarrari, eta Nora Iztueta eta Harriet Apaolaza zeraindarrei 600 euroko diru laguntza eman die Zeraingo Udalak. Zeraindarrek haurrak herritartu eta herria bizirik mantentz...

Zegamako gaztelekuan ibiltzen diren zenbait nerabe, Gipuzkoako Foru Aldundiak abian jarritako Emanzipakzio proiektuan parte hartzen ari dira. Emanzipakzio gaztelekuetan egoten diren 17 urtetik 18 urte bitarteko nerabeen emantzipazioa bilatzen duen proiektua da. Ekimen horrek gazte horien emantzipazio ibilbideetan lagungarri izan nahi du, bakoitzaren ekimenen garapenean lagunduz, gazte taldeak elkarte bilakatzera gidatuz, gazteak hiritar parte hartze aktibora bultzatuz zein epe laburreko motibazioen aurkikuntzan lagunduz. Gipuzkoako Foru Aldundia herrialdeko zazpi gaztelekurekin lantzen ari da Emanzipakzio proiektua eta horien artean daude Zegamako eta Itsasondoko gaztelekuak. Joan den asteburuan, Zarauzko Igerain aterpetxean topaketa bat burutu zuten eta bertan zazpi gazteleku horietako 50 gaztek eta hezitzailek parte hartu zuten. Zortzi gazte eta hezitzailea Herri bakoitzetik hezitzaileak eta gehienez zortzi gaztek parte hartu zezaketen topaketa horietan. Ainitze Azurmendi Zegamako gaztelekuko hezitzaileak bertako nerabeei programa horren berri eman zienean, hamalauk eman zuten izena eta horregatik, zozketa egiteko erabakia hartu zuten. Horrela, Zegamatik zortzi gazte, sei neska eta bi mutil eta hezitzailea izan ziren Zarautzen asteburuan. «Dena den, aipatu, egitasmo honetan herriko hamalau gazte horiek parte hartuko dutela eta zortzi gazteak talde osoaren ordezkari gisa joan zirela» gehitu du Azurmendik. Gazteek ostiraletik igandera bitartean, proiektuak egiten ikasteko topaketa praktiko formatiboa egin zuten Zarauzko aterpetxean eta ondoren bertan ikasitakoa [...]

Urretxun eta Legazpin haurrentzako zine emanaldiak egingo dituzte igandean, hilak 13. Urretxun Ice Age 2 filma proiektatuko dute, euskarazko bertsioan. Emanaldiak 90 minutu iraungo ditu, Labegan egingo dute eta sarrerak euro bat balioko du. Legazpin be...

Bihar arratsaldean operaz gozatzeko aukera berri bat izango da Legazpin. Giacomo Pucciniren La Rondine operaren lehen zatia proiektatuko dute bihar, Ainhoa Artetaren parte hartzearekin. Emanaldia kultur etxean egingo dute, 20:30ean. Bigarren zatia otsa...


Hainbat egunez festan murgilduta egon ondoren, atzo agurtu zituzten idiazabaldarrek San Blas jaiak. Horrelakoetan ohikoa den moduan, gehienek tristura sentitu zuten. Badira ordea, lasaitasun apur bat nabaritu zutenak ere «datorren urtera arte etena egiteak mesede egingo die gure gorputzari eta poltsikoari» zioen batek irribarrez. Atzorako prestatutako egitarauari hasiera ematen lehendabizikoak haurrak izan ziren. Eguerdiko hamabietan herriko dantzariek saioa egin zuten Igarondo pilotalekuan. Dantzari txikiak pozik irten ziren kantxara eta frontoian bildutako senitarteko eta lagunek adi-adi jarraitu zituzten etxeko txikien mugimenduak. Dantza saioa bukatu eta bazkaltzera joan aurretik, zenbait tragoxka hartu zituen jendeak herriko tabernetan eta festa giro polita sortu zen eguerdi partean. Herri kirol saioa Arratsaldean, 17:30etik aurrera herri kirol saioa jokatu zuten hainbat idiazabaldarrek Igarondo pilotalekuan eta jende asko gerturatu zen bertara, lehia ikusi asmoz. Trontzan lau bikotek parte hartu zuten: Lurdes Intsaustik eta Andoni Katalinak, Haritz Ugartek eta Joseba Escuderok, Nerea Garciak eta Aitor Urteagak eta eta Xabi Urteagak eta Ander Berasategik. Bikote bakoitzak lau korte egin behar izan zituen. Lurdes Intsaustik eta Andoni Katalinak erraz irabazi zuten norgehiagoka. Irabazleek 2.46,85eko denbora behar izan zuten lana bukatzeko. Bigarren Haritz Ugarte eta Joseba Escudero geratu ziren, 3.22,91ko denborarekin. Hirugarren Xabi Urteagak eta Ander Berasategik egin zuten 3.26,27ko denborarekin eta [...]

Zaldibiako Bilore lantegi zaharrean azken bospasei urteetan –enpresa itxi zenetik– gertatzen ari den utzikeriak kezkatuta, ekinbide herrikoiak egiten hastea erabaki zuten aurreko ostegunean egin zen herri batzarrean. Udala kudeatzeko batzordeak dei...