2011/2

Produktu berdeen gaineko ikastaroan herriko hamaika dendarik parte hartu dute

Legazpiko merkatariek atzo bukatu zuten produktu ekologikoen inguruko bigarren ikastaroa. Hamaika merkatarik hartu dute oraingoan parte, orotariko negozioak dituztenak; modari loturikoak, iturgintzakoak, altzari eta janari dendak, grafika estudioak… Ikastaro honekin, Legazpiko salmenta guneetan produktu berdeen lerro bat txertatzea sustatu nahi du udalak. Bi saio burutu dituzte, biak ere aste honetan eta Bikuña jauregian. Lehena asteartean egin zuten eta bigarrena atzo. Horietan, merkatariek produktu berdeak ezagutu eta identifikatu dituzte, saltzen dituzten produktuak aztertu, ingurumen irizpideak dituzten produktuak eskaintzeak dakartzan onurak eta produktu hauek saltzeko argudioak ere ikasi dituzte eta hornitzaileekin lan egiteko ereduak jaso dituzte. Bigarren aldia da ikastaro hau egiten dutena, eta Udalsarea 21 saria jaso zuten bi proiektuetako bat da. Lehen aldian 13 merkatarik hartu zuten parte, eta denera, 24 dendari dira jada Legazpin produktu berdeen gaineko formakuntza dutenak. Helburua «poliki-poliki jende gehiago sartzea» dela azaldu du Inma Hernandez, Legazpiko Agenda 21eko arduradunak, beti ere, herriko dendetan «produktu berdeen lerro bat egotera begira». Bere ustez, honek ez du esan nahi «soilik hori» saldu behar denik, baina hori ere eskaini daiteke. Horrela, «kontsumitzaileek ere halako produktuak eskura ditzaketela ikusiko dute». Hernandezen esanetan, dendariek sentsibilizazio hori badute. «Kurtsoa amaitzean eurek azaltzen dituzte ondoren produktu hauen ezaugarriak».

Alex Areizaga

‘E’ planeko lanak bisitatu dituzte udaleko eta Espainiar Gobernuko ordezkariek

Espainiako Gobernuak abian jarritako ‘E planari’ esker, hainbat azpiegitura lan egin dituzte azken urte honetan Beasainen. Guztira, 1,4 milioi euroko laguntza jaso du Beasainek plan horretatik. 2009an, herriko kale nagusia peatonalizazatzeko lanak egin zituzten. 2010ean berriz, udal zerbitzuetarako bulegoak berritu (944 mila euro) eta Euskaltegiaren eta EPAren ikasgela berriak (516 mila euro) egin dituzte. ‘E planeko’ laguntzekin egin diren inbertsioak bertatik bertara ezagutzeko, Pedro Luis Rios Oiarbide, Espainiako Gobernuaren ordezkaria Beasainen izan da gaur. Alkatearen eta zinegotzien eskutik, azken bi urteotan egindako azpiegitura lanak ezagutu ahal izan ditu. Bisitaren ondoren, “gustora” agertu da Rios, emandako dirua “ondo inbertitu” delako. Bere hitzetan, “hainbeste milioi aipatzen direnean, asko ematen du, baina ondo erabiltzen badira, gauza ederra da”. Erakunde ezberdinen arteko “elkarlana” ere azpimarratu du delegatu ordeak, “kasu honetan Espainiako Gobernuak jarri du dira, baina proiektua burutuko duen erakunde bat behar da, eta udalak egin du lan hori”. Eta elkarlan hori, “herritarren onerako” da, horregatik, “bide honetatik” jarraitzeko asmoa agertu du. Laguntza gehiago izango den galdetuta, “garai zailak” direla eta ikusi egin beharko dela azaldu du Riosek.

Goierriko Hitza

Natura errespetatuz bizi eta hezi

Beasaingo Andramendi ikastolak bere sorreratik garrantzia handia eman izan dio naturarekiko errepestuari, elikadurari eta osasunari eta kontsumo orekatuari. Eta beraien haurrak balio horietan hezten ahalegintzen dira. Andramendi ikastola Eskola Agenda 21eko kide da eta Ekolapikoa proiektuarekin bat eginda dago. Egun beste ekimen bat du esku artean: ikastolaren atarian baratze ekologikoa jartzen ari dira. Duela bi urtetik edo, dator baratzea jartzeko ideia hori. Baina orduan ametsa gehiago zen errealitatea baino. Duela gutxi Tere Irastorza ikastolako zuzendariak aipatu zuen prest egongo liratekeela baratzearekin hasteko eta gurasoek begi onez ikusi zuten ekimena. Horrez gain, laguntzeko eta behar zena egiteko prestutasuna agertu zuten. Horrela hasi ziren lehen urratsak ematen. Udaletxera jo zuten ikastolakoek eta Aitor Aldasoro zinegotziarekin hitz egin zuten. Proiektuaren eta asmoen berri eman zioten eta hark baimena eman zien ikastolaren aurrean dauden lorategietako bat baratze bihurtzeko. Edurne Huesa Goierri beheko Eskola Agenda 21eko teknikaria ere jakinaren gainean jarri zuten. Hark babes osoa eman zien eta laguntza behar bazuten lasai eskatzeko esan zien. Lanean hasita Urtarrilaren 28an hasi ziren lanean lorategiko zati batean. Lurrari buelta eman zioten eta bustia zegoenez, bere horretan utzi zuten. Joan den asteartean, lurra xehetu zuten eta ximaur lehorra bota zioten: Xabi Landak gurasoak baserritik eramandako ongarri naturala. Asteazkenean [...]

Goierriko Hitza

Bertso-afaritarako sarrerak agortuta

zingizango.com• Sekula baino jende gehiagok eman du bertso-afaritara joateko izena. Inoiz gertatu gabea gertatu da, epe-muga baino lehen agortu dira sarrerak. Afaritara joan ahal izan gabe jende dezente geldituko da eta antolakuntzak eskerrak eman et...

Legazpiko Hitza

Lazkaon igandean da Euskal Herriko mus lehiaketarako saioa

Euskal Herriko III. Mus Txapelketarako baliagarri izango den herri mailako kanporaketa etzi, igandea, jokatuko da Lazkaon. Parte hartu nahi duten muslariek Gerriko elkartera azaldu behar dute bazkalondoan. Bikoteko 20 euro ordaindu behar. Jokoa 16:00et...

Aimar Maiz

Gerriko elkarte berritua gaur inauguratuko dute Lazkaon, euskalgintzaren bilgune izaten jarraitzeko

Gerriko elkartea itxuraz eta barne-banaketaz berritu, eta erosotasunez egokituta gaur inauguratuko dute atzera Lazkaon, lanak bukatuta soziedadea distiratsu dela. Orain 30 bat urte euskara ikasleak elkartzeko toki gisa sortu zuten bilguneak ez dauka jada tabernarik, eta haren lekua hartuta areto handiagoa eta bakarra jarri dute. Txoko izaera hura eta soziedade zerbitzua ahaztu gabe, euskalgintzan lanean jarraitzeko helburuarekin ekingo dio gaur Gerriko elkarteak aro berriari. Hain justu bihar beteko da urtea soziedade zaharra behin betiko itxi zutenetik, azken barrikotea eginda. Eraldaketa eta berrikuntza sakonak egin dituzte denbora horretan: igogailua sototik ganbararaino eraiki dute, presako irteerako eskailera etxe atzerantz, sukalde modernoa estreinatzeko, harri bolkanikodun parrilla eta biltegia. Horrez gain, koskan jasoago oholtza moduko eremua ipini dute hondoan, hitzaldi, antzerki eta kultur emanaldiekin pentsatuta. Egutegiaren bitxitasuna, atzera otsailaren 12an izango da bertan afaltzeko aukera, barrikotea antolatu baitute biharko. Herriko beste elkarte batzuetan, Domardan eta Esparrun, egin dituzte dagoeneko. Gerrikon «garaiz» iritsi dira euren txandara. Txartel guztiak salduta daude; bilgune berrituan lehenbiziko betekada berehala etorriko da. 130 jatunentzat tokia du soziedadeak. Irekiera ekitaldia gaur egingo dute, 20:30ean. Bazkideentzat lunch-a prestatuko dute. Ikusi nahi duenarentzat atea irekita egongo da. Soziedadea baino gehiago Duela bospasei urte arte «lokal mistoa» izan zen Gerriko, publiko guztiari irekitako tabernarekin [...]

Aimar Maiz

Beasainek irabazi egin du etxean Baskoniaren aurka

Beasainek Baskoniaren kontra jokatu du gaur etxean eta 1-0 irabazi du. Lehenengo zatian beasaindarren esku egon da partida, baina ez dute bizkaitarren atera iristea lortu. Bigarrenean, 62. minutuan, Arregi eta Endikaren arteko jokaldi batean zelaira sartu berri zen Oruerengana iritsi da baloia eta buruz sartu du etxekoei garaipena eman dien gola. Azken hamar minutuetan Baskoniak presionatu egin ditu beasaindarrak, hala ere, ez da aldaketarik egon markagailuan eta hiru puntuak etxean gelditu dira.

Beasaingo Hitza

Patata tortila lehiaketa, Idiazabalgo San Blas jaien azken txanpa

Azken txanpan dira Idiazabalgo San Blas jaiak, urtarrilak 29an hasi eta bihar bukatuko dira. Gaurkoan patata tortila lehiaketa egin dute, hirugarrena. Plazan jarritako karpan tortilak egiten aritu dira dozena erdi talde inguru eta ondoren bazkaria iza...

Goierri Mendebaldeko Hitza

Guillermo Aldalur ‘Pikua’: “Soldadutzan soinua jotzeagatik 18 hilabetetik 11 libratu nituen”

Festarako soinujolea ezinbesteko pertsonaia «estimatua» zen garaia ezagutu du Aldalurrek. Erromeria ugari alaitu ditu ‘Pikua’-k, eta Loiola Irratiko lehen grabazioa berari egin zioten. Hatzak moteldu arren, soinujolearen memoria arin-arin darabil. Hari egindako elkarrizketa argitaratu du gaur Gipuzkoako Hitza-k. Aimar Maiz – Lazkao Festa askotan ibiliak istorioak ugari izan ohi ditu kontatzeko, eta halakoxea da Guillermo Aldalur Pikua-ren (Azkoitia, 1933) bilduma: oparoa. Soinuarekin makina bat bazter alaitu ditu, festa jartzea baitzen bere lana. Gaztelako herri batera mando gainean eraman zutenekoa, Madrilen Bilboko Athleticek irabazi zuenean korrika hanka egin behar izan zutenekoa, soinua jotzearen truke soldadutzan lortzen zituen baimenak, Gelatxo, Landakanda, Elosuko eta Aizpurutxoko garaiak… Gila umoregilearekin aritua da, baita Moncloa jauregian ere. Azkoitiko Pikua tabernako semea da Loiola Irratian grabatu zuten lehen musikaria, orain 50 urte. Lazkaon bizi da orain, Legazpin urte asko igaro ondoren. Soinua aspaldian jo al duzu? Tristealdian nabil eta asko ez. Baina tarteka jotzen dut, astebete edo izango da. Organoa jaiero jotzen dut Gabirian. Orain behatzak ez dira lehengo lekura joaten. Pieza jakintsuak moldatzen ditut, baina ez lehen bezala. Nondik datorkizu musikako afizioa? Fraide salesiarretan egon nintzen ikasten eta han musika pixkat ikasi nuen. Etxean, arreba zaharrenarekin zebilen Pedro Elortza, soinujole ona; astero lezioak hartu eta harekin [...]

Aimar Maiz

Cajasolen erreklamazioa aintzat hartu du errugbi federazioak

Cajasol Ciencias Sevilla taldeak La Vilaren aurkako partidan sumatu zituen irregulartasunak direla medio erreklamazioa aurkeztu zuen joan den astean Espainiako Errugbi Federazioan, eta federazioak onartu egin ditu erreklamazio horiek. Orain, astebeteko...

Ordiziako Hitza

Udal hauteskundeetarako lan ildoak zehaztu ditu Beasaingo ezker abertzaleak

Beasaingo ezker abertzaleak maiatzean egingo diren udal hauteskundeetarako zehaztuko duen herri programa osatzeko zein lan ildo jarraituko dituen zehaztu du. Hainbat herritar eta eragile sozialekin bildu ondoren Beasaingo diagnosia egin dute, eta herrian dauden beharrak identifikatu eta izendatu. Diagnosi horretan oinarrituta zehaztu du Beasaingo ezker abertzaleak datozen hauteskundeetarako Herri Programa. Programa hori gehiago zehazteko helburuarekin, herritar guztiei dei egin diete programaren eraikuntzan parte hartzera. Horretarako hiru kominikazio bide erabiliko dituztela zehaztu dute: otsailean zehar beasaindar guztiei inkesta bat banatuko zaie etxeetako postontzietan eta bertan herriaz duten iritzia eta ikuspegia zein den azaldu ahalko dute. Galdetegi horiek jasotzeko herriko hainbat txokotan buzoiak jarriko dituzte. Helbide elektroniko bat ere sortu dute herritarren ekarpenak eta iritziak biltzeko: beasain@herriprograma2011.net. Azkenik, diagnosia egiteko bildu diren pertsona eta eragile ezberdinekin berriz biltzeko asmoa agertu dute. “Egoera ez demokratikoa aprobetxatu dute” Beasaingo ezker abertzalearen iritziz, “alderdiaren ilegalizazioak markatu du orain bukatzen den legealdia. Alderdi batzuk bultzatuta (PP eta PSE-EE) eta besteak ados ez daudela esan arren (EAJ), praktikan onarturik, denek atera diote probetxu egoera ez demokratiko honi” eta horrek, Beasaingo Udalaren funtzionamenduan, “eragina” izan duela salatu dute. Hala, ezker abertzalea Udal batzarretako bozketatik kanpo egonik, alkatetzaren jarrera bi norabidetakoa izan dela diote: “Gurekiko, pribatuan, itxurazko elkartasuna adierazi [...]

Eskeine Legorburu

Aiert Zufiriak erraz irabazi du herritarren arteko txirrindulari lehia

Aiert Zufiriak erraz irabazi du gaur eguerdian, Herriko 23. Txirrindulari Proba. Bigarren Xabier Intsausti sartu da helmugan eta hirugarren berriz, Jon Urteaga Delgado. Eguerdiko hamabiak aldera, haurren txirrindulari probaren ondoren ekin diote helduek lehiari. Hogei lagunek parte hartu dute, guztiak gizonezkoak. Txirrundulariek plazatik irten eta Benta Txikira jo dute. Handik Poyan aldera abiatu dira eta bertako biribilgunean buelta hartu ondoren, berriz ere plazara joan dira. Ibilbide hori zazpi aldiz egin behar izan dute lana borobiltzeko. Ihesaldi askoko proba izan da, ikusteko polita. Ibilbidearen hasierako lehen metroak kirolari guztiek elkarrekin egin dituzte. Poyan inguruan ordea, taldea puskatu egin da eta hiru txirrindularik, Guillermo Urrestarazuk, Haritz Ugartek eta Bene Aguilarrek ihes egin dute. Bigarren itzulian, Bene Aguilar atzean gelditu da eta beste biek egin dute aurrera. Hirugarren itzulian, Haritz Ugartek ihes egin dio Urrestarazuri eta hainbat kilometro bakarrik egin ditu. Laugarren itzulian, Benta Txikitik bueltan zetozela, plaza parean Haritz Ugarte harrapatu egin du taldeak eta tarte batean tropelean joan dira. Poyaneko biribilgunean buelta hartu aurretik salbuespena eginez, gora igo dira txirrindulariak laugarren itzulian. Lehendabizi Haritz Ugarte iritsi da Poyanera eta horregatik Ampo saria jaso du. Bigarren Aitor Urkia iritsi da eta hirugarren Guillermo Urrestarazu. Bosgarren itzulian Alejandro Bikuña beteranoak alde egin du, [...]

Estitxu Imaz

Neguko denboraldi bikaina egin dute Inoxcra-Beasain taldeko txirrindulariek

Inoxcra-Beasain taldeak egin duen neguko denboraldia bikaina izan da. Ziklo krosean eta pistan aritu dira talde beasaindarreko txirrindulari gazteak, eta batzuk baita bi kategorietan ere. Taldeko zuzendariek ordea, lortutako emaitzen gainetik, taldean izan duten giro ona azpimarratu dute, bai taldeko txirrindularien artean eta baita gainontzeko taldeetako kideekin ere. Horrek txirrindularitza taldeko kirola dela erakusten du Loinatz taldekoen iritziz, “zailtasunen aurrean elkarri laguntzeko gai izan direlako”. Neguko denboraldian txirrindulariek egin dituzten sakrifizioak handiak izan dira, ziklo krosean aritu direnek hotza eta eguraldi txarra izan dutelako etsai, eta pistan aritu direnek astean behin Donostiara joan behar izan dutelako entrenatzera eta asteburueran konpetitzera. Ziklo-krosean 18 proba Inoxcra-Beasain taldeko txirrindulariek ziklo-kroseko 18 probetan parte hartu dute denboraldi honetan, tartean probintzia mailakoak eta Euskadiko Txapelketa. 2010eko urriaren 31n eman zioten hasiera denboraldiari Karrantzan (Bizkaia) eta aurtengo urtarrilaren 22an amaitu dute Ispasterren (Bizkaia). Talde beasaindarretik zazpi txirrindulari aritu dira ziklo krosean: Alex Aranburu, Xabat Aranburu, Patxi Aldanondo, Eriko Mujika, Daniel Mayora, Ander Alonso eta Ahetze Arratibel. 18 probetatik bost irabazi dituzte, lau Alex Aranburuk eta bat Patxi Aldanondok. Aranburuk gainera, Gipuzkoako txapela ere lortu du eta Espainiako txapelketan, Euskadiko ordezkaritzarekin, zazpigarren sailkatu zen. Pistan Challangea Azken urteetan pistako Challange proba antolatu izan ohi da eta bertan [...]

Eskeine Legorburu
Gehiago
HITZAkide HITZAkide

 

ELKARRIZKETAK

ERREPORTAJEAK

KIROLA

Azken bideoak

 

Argitalpen bereziak

Gipuzkoa