Ramon Lopetegik (Belauntza), Mari Karmen Txapartegik (Irun) eta Julian Villenak (Elgoibar) irabazi dute Gipuzkoako XIII. Ezti Lehiaketa Zegaman, Erlezain Egunaren barruan. Ezti argi, ezti ilun eta milalore erako eztien lehia izan zen igandean Zegaman egin zutena, eta bailarako txapelketetan sarituek parte hartu ahal izan zuten bakarrik. Txapelketara aurkeztutako ezti guztiak dastatu ondoren, epaimahaiko kideen ustez milalore erako eztirik onena Lopetegirena izan zen, ezti ilunik onena Txapartegirena eta ezti argirik onena berriz, Villenarena. Pozik jaso zituzten sariak hirurek. Ezti Lehiaketa egiteaz gain, erleekin eta erlezainekin lotutako festaz gozatzeko aukera izan zuten igandean Zegamara hurbildu zirenek. 11:30etatik aurrera esaterako ezti dastatze gidatua egin zuten. Silvia Cañas adituak azalpenak eman zituen lehendabizi. Ondoren mota desberdineko eztiak probatu eta adituak esandakoa praktikan jartzeko aukera izan zuen jendeak. Ordurako jada Euskal Herriko gozogileen produktuak erakusgai zeuden Zegamako pilotalekuan: Adarraga (Hernani), Gorrotxategi (Tolosa), Ezeiza (Tolosa), Unanue (Ordizia), Egaña (Azpeitia), Raizabal (Bergara), Oiarzun (Donostia) eta Arruti (Andoain) gozotegietako eta Zegamako okindegiko gozoak eta tartak, hain zuzen. Omenaldia Eguerdiko hamabietan hasita Durrunbak Zegamako kaleak zeharkatu zituen eta ibilbidea frontoian bukatu zuen. Ondoren erlezainak eskenatokira igo ziren eta erlez betetako kristalezko kaxa ere han jarri zuten omenaldia egin asmoz. Bertaratutako guztien artean bertso bat kantatu zuten segidan eta bi [...]
Florencio Telleriak eta Juan Migel Aiestaranek irabazi dute Beasaingo Astigarreta auzoko mus txapelketa. Guztira zortzi bikotek parte hartu dute aurten. Bigarren sailkatu den bikotea Asensio Mintegik eta Gregorio Lizarraldek osatutakoa izan da eta hir...
Espainiako Gazte mailako txapelketaren hiru partida jokatu dira asteburuan Ordizian, eta Garabi Ordiziakoek jokatu beharreko bi partidak irabazi dituzte, titulua lortzeko hautagaiak direla erakutsiz. Larunbatean 20 eta 12 irabazi zioten El Salvadorri, ...
Arrastaka Mendi Taldeak arrokako eskalada ikastaroa eta irteera, eta Palomares mendira igoera antolatu ditu. Irteera apirilaren 16an eta 17an izango da. Eskalada ikastaroa apirilaren 16an izango da, larunbata, Nafarroako Tebas herriko Carrascal eskalada eskolan. Hastapen ikastaroa izango da, eta aste honetan zehar Arrastaka-Ehunmilak bulegoan (Beasaingo Jose Miguel Iturrioz kalean) eskaladari buruzko ikastaroa ere egingo dute. Ikastaroan oinarrizko hainbat kontzeptu ikasi ahalko dira, batez ere segurtasunarekin lotura dutenak. Korapiloak nola egin eta sokak lotzen ere ikasi ahalko da. Palomaresera hiru bidetatik Eskalada ikastaroaren hurrengo egunean, apirilaren 17an, igandea, Palomares mendira igotzeko aukera izango dute irteeran parte hartzen dutenek. Antolatzaileek, hiru bide proposatu dituzte 1.446 metroko garaiera duen gailurrera igotzeko. Hiru ibilbideek Arabako Lagran herria izango dute abiapuntu, eta ibilbide bakoitzak zailtasun bat izango du. Ibilbide erraza egin nahi dutenek, Lagran herritik Palomaresera doan bidea egingo dute. Zailtasun ertainekoek Larrasa eta Castillo Gurutzea mendiak ere igoko dituzte, eta zailtasun altuko ibilbidea aukeratzen dutenek mendebaldeko gailur-lerrotik igo beharko dute Palomares mendira. Bilera bihar izango da Arrastaka Mendi Taldeak antolatu duen irteeran parte hartzeko, derrigorrezkoa izango da bihar elkartearen bulegoan egingo den bilerara joatea. Bilera 19:30ean izango da, eta bertan irteerari buruzko xehetasun guztiak emango dituzte eta zalantzak argituko dituzte. Irteeran parte hartzeko derrigorrezkoa [...]
Adur Gorostidik (Larraitz, Abaltzisketa) irabazi zuen larunbatean Ordiziako Argi Berri elkartean jokatu zen bertso sariketa, entzuleek hala erabakita. Epaileen puntuaketaren arabera, berriz, Gorostidi bera eta Endika Igartzabal gabiriarra dira apirilaren 16an Gabiriako Osinalde elkartean jokatuko den finalerako sailkatu direnak. Gorostidi eta Igartzabalekin batera, Ainhoa Mujika (Beasain), Peio Ormazabal (Arrigorriaga), Iñaki Aleman (Irurita) eta Eneritz Arzallus (Errezil) aritu ziren kantuan. Igor Eguren izan zen gai-jartzailea, eta koplak kantatzeko garaian Josu Albisu eta Aiora Gorostizuren trikiti eta panderoa izan zituzten lagun bertsolariek. Sei bertsolariek Irriz eta malkoz izeneko bertso bilduma jaso zuten opari, eta entzuleek aukeratutako bertsolari gustukoenak, berriz, Joxe Antonio Mujika eskulturgileak egindako Txikia Saria oroigarria jaso zuen. Afaltzen 80 lagun elkartu ziren Argi Berrin, eta ondoren beste hainbat jende bildu zen saioa entzutera, tartean, aurreko kanporaketan kantuan aritutako bertsolariren bat edo beste. Ostiralean, Idiazabalen Ostiralean, hilak 8, Osinalde sariketarako baliagarria izango den hirugarren eta azken kanporaketa jokatuko da Idiazabalgo Elizalde elkartean. Bertan Saioa Alkaiza (Iruñea), Asier Azpiroz (Zubieta, Gipuzkoa), Xabi Igoa (Aramaio), Arrate Illaro (Getxo), Ane Labaka (Lasarte) eta Gorka Maiz (Gabiria) ariko dira bertsotan. Orduan jakingo da zein bi bertsolarik osatuko duten Osinaldeko finalerako seikotea. Aztiriko kanporaketan Odei Barroso eta Nekane Zinkunegi sailkatu ziren finalerako.