2011/6/23

Festetako pertza ekitaldiz beteta datoz Segurako ‘sanjoanak’

Zopajaleak gaur iluntzetik aurrera murgilduko dira urteko egunik garrantzitsuenetan, San Joan jaietan. Festak, zopa pertza elizatik Txanbolinpera jetsiz hasiko dira. Behin pregoia entzunda mokadutxo bat eginda sartuko dira festa giroan segurarrak. San Joan bezpera izanda, espiritu txarrak erre ondoren, dantzaldia izango da plazan Dantzadi taldearekin. Bihar, San Joan egunean tradizio handiko ekitaldiak egingo dira. Goizean prozesioa, Egaña eta Lizaso bertsolarien agurra eta herri kirolak antolatu dituzte. Arratsaldeko 18:00etan pilota partiden txanda izango da. Segurarrek mozorro eguna ere ospatuko dute, era guztietako mozorroak ikusteko aukera izango da arratsaldetik aurrera. Musika jartzearen ardura DJ Xaiborrena izango da. Larunbatean haurrak eta koadrillak izango dira protagonista. Goizean umeek krosa, ginkana, zinta karrera eta marrazki jaia izago dute. Ondoren bazkaria eta arratsaldeko 19:00etatik aurrera danborrada. Koadrillek ohiko bazkaria egingo dute. Gauean Alaiki taldeak joko du plazan. Igandean, txistularien kontzertuaz gozatu ahal izango da, 12:30etik aurrera. Bazkal aurretik, zintzurra txakolinez bustitzeko aukera eta umeentzat puzgarriak izango dira. Arratsaldean poteolari eleganteek eta Korpus eguneko herri afariak bat egingo dute. Festei amaiera emateko, Drindots taldeak jarriko ditu dantzan segurarrak, pertza kanpandorrera igo aurretik. San Joan txirrindulari proba Larunbatean, arratsaldeko 16:00etan abiatuko da elite eta 23 urtez azpikoen mailako San Joan Txirrindulari Proba. Txirrindulariek, 113,4 kilometroko ibilbidea osatu beharko [...]

Goierriko Hitza

San Juan auzoan trafiko aldaketak egingo dituzte

Astelehenetik aurrera Legazpiko San Juan auzoko errepide bat itxi egingo dute. Lehen ataritik 18.era doan bide zatiari eragingo diote aldaketek. Astelehenean 8:00etan itxiko dute bide zati hau. Egun bi noranzkoak hartzen ditu, eta lanak bukatutakoak go...

Goierriko Hitza

Iritsi dira Telleriarte auzoko festak

Asteburuan San Joan jaiak ospatuko dituzte Legazpiko Telleriarte auzoan. Gaur hasiko dituzte ekintzak, lora bedeinkapenarekin, auzo afariarekin eta nola ez, San Joan bezperako suarekin. Bihar jarraituko dute auzoko festek. Goiz Deia txistulari taldeko ...

Legazpiko Hitza

XXXI. Irimora igoera egingo da bihar

12:30ean emango zaio hasiera lasterketari, helduen eta txikien mailan jokatuko da; gainera, kirol eskaintza osatzeko herri kirolak ere izango dira egun...

Otamotz.com Urretxu-Zumarraga

Larraizko ekitaldiaren aurkezpena egingo du bihar Beasaingo Nazioen Munduak

Beasaingo Nazioen Munduak, uztailaren 2an Larraitzen autodeterminazioaren alde egingo duten mosaiko erraldoiaren aurkezpena egingo du bihar. Zubimuzu plazan egingo dute aurkezpena, 19:45ean. Aurkezpenaz gain, Beasaingo Nazioen Munduak taldeko argazkia ...

Eskeine Legorburu

Gaur egingo da Zumarragan legealdi berriko lehenengo udalbatzarra

Udal gobernua osatzen duten batzordeetako arduradunak izendatuko dira; era berean alderdi politiko bakoitzaren eraketa ere ofizial egingo da gaur.

Otamotz.com Urretxu-Zumarraga

Udarako hiru ikastaro eta hitzaldi bat antolatu ditu Gazteria Sailak

Beasaingo Udaleko Gazteria Sailak hainbat ikastaro eta hitzaldi bat antolatu ditu uztailerako. ‘Gazteentzako udako ekintzak’ programaren barruan egingo dituzte, Bidertu Gizarte Kudeaketa enpresarekin elkarlanean. Ikasturtea bukatuta dauden 17 eta 30 urte arteko gazteentzat izango dira ikastaro horiek, eta lan mundua, gatazkak eta familia arteko harremanak landuko dituzte. Bestalde, Gazteak Ekinean izeneko Europako mugikortasun programa ere ezagutu ahal izango da, uztailaren 19an. Koldo Agirre alkateak azaldu duenez, gaurkotasuneko ikastaroak dira eta horien helburua, gazteei orain arte ezagutu duten ikasketen mundutik kanpoko informazio interesgarria ematea izango da. Hala, ikastaro horietako batek gazteak lan mundura gerturatzeko balioko duela esan du; besteek berriz, gatazkak konpontzeko eta familia arteko harremanak hobetzeko. Mikel Apaolaza gazteria teknikariak berriz, Bidertu gizarte kudeaketarako enpresarekin izandako elkarlana azpimarratu du. “Beste erakundeetatik antolatzen diren udako ikastaroetatik aldendu egin nahi izan dugu, beste gai mota bat eskaini”. Gai horiek, gazteen interesekoak izango direla espero dute, eta gazte guztiei egin diete parte hartzeko gonbitea. Partaidetza oinarri Biderka etxeko Sonia Rabanalek azaldu zuenez, beraien filosofiaren arabera “partaidetza da ikaskuntzaren oinarria, eta printzipio hori jarraituko dugu antolatu ditugun hiru ikastaroetan”. Hala, talde dinamikak landuko dituzte, horrela emaitza hobetak lortzen direlako. “Geure burua hobeto ezagutzeko eta bizitzari aurre egiteko erremintak garatzeko” balioko dute hiru saioek. Aurreneko [...]

Beasaingo Hitza

Ohitura zaharrak gogora ekarriko ditu gaur San Joan suak

Udaren etorrera baliatuz, San Joan eguna ospatuko dute bihar Goierriko herri guztietan. Urteko egun argitsuenekin eta gaurik motzenekin batera, suak piztuko dituzte herri guztietan, izpiritu txarrak erre eta asmo berriei bidea irekitzeko. Urretxun, Seguran, Ordizian, Zaldibian eta Olaberrian, besteak beste, izaera berezia izaten du sanjoan bezperak. Urretxuko Santa Barbaran urteroko erromeria egingo dute bihar, baina bi urtemuga ospatzeko ere baliatuko dute zita: Urretxu izeneko dantza taldea duela 50 urte sortu zen, eta Lizarriturri iturria, aldiz, 75 urte dira jarri zutela. Urretxu Dantza taldea 1961. urtean sortu zuten, eta orduko taldekideek, ekainaren 24an ekarriko dute taldea gogora, dantza eginez. Luistarren eta Goierri kirol elkartearen babesean, udalaren laguntzaz sortu zuten Urretxu Dantza Taldea. Garai hartako giroak ahalbidetu zuen sorrera hori, izan ere, hamarkada berean Urretxuko txistulari taldea edota Euskal Jaia ere sortu baitziren, karrozen desfilearekin batera. Urretxuko euskal kultur adierazpenen loraldi horretan sortu zen lehen dantza talde antolatua. San Joanetako udal programan diotenez, «Isidro Azkaratek eta Tomas Sadabak dantzaren inguruan zuten ezagutzan oinarritutako gazte taldeak eman zion hasiera jardunari». Lehen ekitaldia 1961. urteko San Joan egunean egin zuten, Santa Barbaran. Taldeak hiruzpalau urteko iraupena izan zuen, eta «soldaduskak tarteko, desagertu egin zen». Lizarriturri iturria, berriz, 1936. urteko ekainean jarri zuten martxan, gerrak [...]

goierrikofestak

Iburreta tabernak irabazi du herriko II. Pintxo lehiaketa

Monterrey tabernak jaso du boto gehien herritarren aldetik, datorren igandean emango dituzte sariak.

Otamotz.com Urretxu-Zumarraga

Muruko Mari, kondairatik antzerkira

San Joan egunak badu sorginekin eta suarekin loturarik, eta hortaz, baita Murumendiko Marirekin ere, Beasaingo damarekin. Hainbat herritarren iritziz ordea, «Mari ez da festetan agertzen den panpina bakarrik, zerbait gehiago ere bada», eta horregatik, umeak direnetik beasaindarrek ezagutzen duten kondaira antzerkira eramango du Hijos de Martin y Loinaz kolektiboak. Bihar gauean egingo dute Muruko Mari antzezlana, 22:30ean, Dolarea parkean. «Betiko kontakizuna beste nolabait» kontatuko dutela aurreratu dute kolektiboko kideek. Hijos de Martin y Loinaz kolektiboa, talde sortu berria da eta, talde bezala, Euskal Antzerkizaleen Elkarteak Villabonan (Gipuzkoa) egindako jardunaldietan bakarrik parte hartu du oraingoz.  Beasainen, biharkoa izango da egingo duten lehen emanaldia. Datu zehatzik ez dute eman taldekideek, baina hamabost pertsonatik gora ariko dira bihar aktore lanetan. Pello Irizar musikariak ere lagunduko die musika kontuetan, eta Xabier Sarasolak egindako Muruko Mariren abestia ere antzerkian entzun ahalko da. Eneka Mujika antzezlanean zehar ikusi ahalko diren irudiez arduratuko da. Amaiera politeko tragedia Kondaira antzezlanera modaltzeko, «lizentzia artistikoak» hartu dituzte kolektiboko kideek. Hala, Mariren inguruan tragedia irudikatzen saiatu dira, baina amaiera politeko tragedia izango dela aurreratu dute. «Gure ikuspuntutik landu dugu gaia, eta matxismoa salatzeko ere erabiliko dugu», azaldu du taldekide batek. Aktore lanetan dagoeneko esperientzia duten kideek, eta ibilbiderik ez dutenek parte [...]

Eskeine Legorburu
Gehiago
HITZAkide HITZAkide

 

ELKARRIZKETAK

ERREPORTAJEAK

KIROLA

Azken bideoak

 

Argitalpen bereziak

Gipuzkoa