2011/11

Zabor bilketa berriarekin %92 errefus gutxiago jasotzen dute Itsasondon

Asenjo, Etxeberria eta Andonegi Uztailaz geroztik, Itsasondon errefusa herrira moldatutako atez-ateko sistema erabiliz jasotzen dute. Guztira, familien %70ak bat egin du proiektuarekin, hau da, 174 familiak, eta bost hilabete hautean errefusa %92,3 jaistea lortu dute. Danel Etxeberria Itasasondoko Udaleko ordezkariak jakinarazi duenez, «hilero, 10,960 kilo errefus jasotzetik 848 kilo jasotzera pasa gara, hau da, hilero 10.112 kilo gutxiago jasotzen du Sasietak Itsasondon». Gaikako bilketaren inguruan ere emaitza positiboak eman ditu Etxeberriak, birziklatze datuek ere gora egin baitute. Zehazki, hilero %49,2 gehiago biriziklatzen da orain Itasasondon. Gehien birziklatzen diren gaiak ontziak eta materia organikoa dira, ontzien birziklapena %113 igo baita, eta materia organikoaren birziklapena %84. Astero, atez-ateko sistemaren jarraipena eta kontrola egiten dute Sasietako arduradunek, eta haiek emandako informazioaren arabera, nabarmen ikusi da itsasondoarren kontzientziazio maila areagotu egin dela hondakinen arazoaren aurrean. Hala, poliki-poliki, «birzikla daitezkeen materialen bereizketan parte hartzen ez zuten herritarrek, edo erdi-purdi ari zirenak, parte hartzen hasi dira». Itsasondoko sistema, ekonomikoki bideragarria dela ere frogatu dute bost hilabete hauetan. Pardelak biltzeko edukiontzia Uztailaz geroztik, egoera ezberdinei aurre egin behar izan diete Itsasondon. Egoera horietako bat pardelen bilketa izan da. Etxeberriak azaldu duenez, orain arte astean bi egunetan biltzen zituzten pardelak, baina sistema ez zen errentagarria, eta herritarrekin hitz [...]

Goierriko Hitza

Hiru Auzoetako Korrikaldiak eragindako zorrari aurre egiteko, elastikoak jarri dituzte salgai

Hiru Auzoetako Korrikaldiak sortutako zorra kitatzeko helburuarekin, Ataun Kirol Elkartearen izenean korrikaldiko kamisetak jarri dituzte salgai herriko dendetan eta tabernetan. Hiru Auzoetako Korrikaldia urtero antolatzen dute herrian, eta Ataungo hir...

Goierri Ekialdeko Hitza

Gurpil Aulkiko Gomazko Paleta txapelketako finala, abenduaren 17an jokatuko dute, Lasarten

Gurpil Aulkiko Gomazko Paleta txapelketako finala abenduaren 17an jokatuko dute, Lasarteko Loidibarren pilotalekuan. Bertan, besteak beste, Andoni Aizpeolea zegamarra ari da parte hartzen. Finalean Usurbilen, Antzuolan eta Zegaman jokatutako jardunaldien azken sailkapena kontutan hartuta egingo dute bikoteen antolaketa. Bikote horiek beraien arteko ligaxka jokatu beharko dute. Hiru norgehiagoka izango dira ikusgai, eta bikote bakoitzak bi jokatuko ditu. Emaitzak kontutan hartuta egingo dute behin betiko sailkapena. Zegamako jardunaldia Zegamako jardunaldia azaroaren 19an, larunbatean, jokatu zuten. Andoni Aizpeoleak Beñat Lizaso izan zuen bikotekide. Lehendabiziko partida Edurne Unamuno eta Patxi Fadriqueren aurka jokatu zuten, eta irabazi egin zuten 19 eta 25eko emaitzarekin. Bigarren partidan Urko Peña eta Edorta de Anta izan zituzten aurkari eta galdu egin zuten 17 eta 25eko emaitzarekin.

Estitxu Imaz

14 langile kontratatuko ditu Legazpiko Udalak

Legazpiko Udalak 14 langile kontratatuko ditu. Lanbideren bidez aukeratuko dituzte. Lanpostuak honakoak dira: • Igeltseroa: 5 postu • Arotza: postu bat • Elektrizista: postu bat • Margolaria: 2 postu • Topografoa: postu bat • Kiroldegirako ...

Legazpiko Hitza

Gazte Asanbladaren bilera “garrantzitsura” joateko deia zabaldu dute

Legazpiko Gazte Asanbladak bilera “garrantzitsua” egingo du bihar arratsaldean. 19:00etan elkartuko dira gaztetxean, eta bertan, gazte Asanbladaz hausnartuko dute. Ez hori bakarrik, herriko gazteak bileretara eta dinamikan parte hartzer...

Legazpiko Hitza

Menu Osasungarriak bultzatuko dituzte Legazpiko lau jatetxetan

Aste honetan aurkeztu dute Oñatin Menu Osasungarrien Kanpaina. ULMA taldeak garatuko du eta Legazpiko lau jatetxek hartuko dute parte. ULMA taldeko langileak eta bazkideak Oñatiko eta Legazpiko jatetxeetara joaten dira eguneko menuak jatera. Taldeak hitzarmen bat du sinatuta jatetxe hauekin, eta langileen menuaren erdia ordaintzen du. Kanpaina honekin, hitzarmenak dituzten jatetxeen sarean menu osasungarriak bultzatuko dituzte. Gida bat kaleratu dute horretarako, jatetxeentzako aholkuak eta gomendioak biltzen dituena. Honekin, jatetxeek «beraien eskaintza gastronomikoa prestatzea errazagoa izan dezaten» lortu nahi dute. Legazpin lau jatetxerekin du ULMAk hitzarmena: Aitxurirekin, Mauleonekin, Mirandaolarekin eta Goierrirekin. Oñatiko beste zortzi jatetxe ere daude egitasmoan. Oliba olioa erabiltzea (saturatu gabeko koipea duelako), gatzaren erabilera gutxitzeko espeziak erabiltzea (elikagai guztiek dutelako sodioa), aurrez prestatutako janak gutxiago jatea (koipe saturatuak dituztelako), pastak, arrozak eta lekaleak jatea (karbono hidratoak dituztelako) eta postreetan beti fruitu desberdinak tartekatzea dira jatetxeei eman dizkieten ahokuetariko batzuk. Goarnizioak egiteko barazkiak eta ortuarriak gomendatu dituzte, zerealak «menu osasungarri batean beharrezkotzat» jo dituzte eta menuan okela gihartsua sartzea ere aholkatu dute, ahal denean «edozein koipe aztarna kenduta». Azkenik, entsaladak ugaritzeko eta arraina prestatzeko moduen aukerak handitzea ere gomendatu diete jatetxeei. Jakiak prestatzerako orduan koipe kantitate gutxi eskatzen duten moduak erabiltzeko ere esan dute, hala nola, jakiak egosiz, errez, [...]

Legazpiko Hitza

Mingainluze lehiaketako finalerdiak jokatuko dira asteburuan

Behin aurrekanporaketak eginda, 12 taldek jokatuko dituzte finalerdiak, 36 gaztetxo guztira; finala 4 talderen artean erabakiko da, abenduaren 8an.

Otamotz.com Urretxu-Zumarraga

25 urte baino gehiago Ormaiztegiko odolkia sustatuz

Udazkenarekin batera odolki usaina izaten da herriko kaleetan. Lehiaketak ere han eta hemen izaten dira. Beasaingoa pasatu berria da eta Ormaiztegirena da hurrengo txanda. Aurten gainera, urteurren berezia dute ormaiztegiarrek: 25. urteurrena. Duela 29 urteko Luis Juan Unanuaren, Joxe Muruaren eta Jose Angel Galarragaren ideiak, indarrean jarraitzen du oraindik ere, ormaiztegiarren partehartzeari esker. Duela 29 urte, martxan jarri zuten odolki dastaketa Ormaiztegiko Barduliarrak elkartean. Luis Juan Unanua, Joxe Murua eta Jose Antonio Galarraga izan ziren ideiaren bultzatzaileak. Ondoan izan zituzten sukaldaritza inguruko hainbat aditu. Besteak beste, Koldo Lasa, Juanjo Lapitz, Pello Garcia Amiano, Luis Mokoroa eta Pedro Ruiz. Elkartekideekin batera, herriko tabernetako kideak biltzen ziren dastaketa horietan. Luis Juan Unanuak kontatu digunez, “Ormaiztegi garai hartan, Beasain baino gehiago zen, eta forma eman nahi genion. Gastronomia inguruko hainbat jenderekin elkartu eta katak egiten genituen. Odolkiaren konposizioa baloratzen zen baina ez zuen lehiaketa izaerarik. Gastronomia munduko jendea mugitzen zen gurekin, sukaldariak ere bai. Lehiaketa egitea erabaki genuen eta odolkia puntuatzeko oinarriak eta irizpideak finkatu ziren. Garai hartan ez zegoen ezer ere. Batez ere Goierriko odolkiak dastatzen ziren. Lehiaketa izaera eman zitzaionean beste inguru batzuetako jendea ere hasi zen etortzen. Nik uste dut Euskal Herri osoko odolkiak izan ditugula, Iparraldekoak zein Hegoaldekoak”. Dastaketatik [...]

Goiberri

Joanes Aierbe: «Hasieratik garbi izan dut taldera itzuli nahi nuela, eta lortu dut»

Urte zaila izan da Joanes Aierbe (Ordizia, 1977) errugbi jokalariarentzat. Minbiziak zelaietatik kanpo eduki du urtebetez, baina gaitzari aurre egin eta maila gorenean jokatzen hasteko prest dago berriz ere. Igandean, Gernikaren kontrako partidan egin dezake debuta. Jokatzerik izan ez badu ere, taldea barrutik jarraitu du Aierbek, eta derbiari begira, sentsazio onekin dagoela dio. Urtebeteko borroka izan da, baina gaitzari aurre egin eta jokatzen hasteko prest zaude dagoeneko. Iazko Eguberrietan eman zidaten gaixotasunaren berri eta martxoan bukatu nuen tratamendua. Gero ordea, arazo batzuk sortu ziren; ultzera bat sortu zitzaidan urdailean. Hori zela eta, operatu egin behar izan nuen, eta uztailera arte luzatu zen dena. Bestela berez martxoan bukatu behar nuen tratamendua. Operatu eta gero, bi hilabetez geldirik egoteko esan zidaten, eta poliki hasteko, karga handirik hartu gabe. Udan hasi nintzen gimnasioan, pixkanaka ariketa batzuk eginez, eta gero, alta eman zidatenean, taldearekin entrenatzen hasi nintzen. Gernikaren kontrako partidan jokatzeko prest izango al zara? Gernikako partida hori daukagu jarrita itzulera modura, eta nik uste hala izango dela, baldin eta entrenatzaileek sartzen banaute. Gaitza gainditu duzu, baina fisikoki ere puntuan jarri behar izan duzu. Bai, orain dudan gorpuzkera, gutxi gorabehera, gaixotu aurretik nuen bera da, kiloren baten gorabeheran. Tratamenduak berak baino gehiago, digestio arazoek [...]

Arkaitz Apalategi

Kkinzona Eguna egingo da larunbatean gaztetxean

KKinzona irratiaren urtebetetze festan egun osoko egitaraua izango da; poteoa, bazkaria, jolasak eta abar luze bat, parte hartu nahi duen guztiarentzat.

Otamotz.com Urretxu-Zumarraga

Larreategiko etxeen jabeak izendatu dituzte, zozketaz

Lazkaoko Larreategi aldean eraikitzea onartuta dagoen etxe-multzoan, udalak itundutako prezioa izango duten etxebizitzak norentzat izango diren erabakitzeko zozketa publikoa egin zuten herenegun, Lazkaon. Areria kultur gunean ehunka herritar elkartu ziren, bolatxoak atera ahala zortea aldeko zuten jarraitzeko. Eskaintza eskaria baino murritzagoa zenez, batzuek gustura utzi zuten antzokia; beste aukeraren baten zain askok. Denera 44 etxebizitza zotz egin zituzten, bi promozio desberdinetan eraikiko direnak: kooperatiba bidez 29, eta eraikitzaile enpresa batek gainontzeko 15ak. Sustapen prozedurak bi izaeratakoak direnez, bi zerrenda osatu dituzte, eta bi zozketa egin. Bietan egoterik bazegoen, eta, beraz, datozen egunetan finkatutako hurrenkera aldatuko da. Bi multzoetan zortedun gertatu zenik bada, baina bakarra aukeratu beharko dute horiek. Baldintzak ere—jabetzan beste etxerik ez edukitzea, esaterako— berrikusiko dizkiete. Lehendik, herrian erroldatuta gutxieneko urte batzuk egon beharra eta diru sarrera batzuk ziurtatu beharraren galbahea gainditu dute zozketarako hautagaiek. Ladilloa lerro bat gehienez Txindoki gerontologikoaren ondoko lur sailean altxatuko dituzte etxebizitza berriak, Larreategi deritzon eremuan, 90 bat etxeko urbanizazioan. Horietako 29 bizitza egiteko jabeek kooperatiba osatuko dute. Zozketa horretarako 101 lagun zeuden zerrendan. Hain zuzen, Arerian lehenengo egin zuten zozketan kooperatiba osatuko duten kideak izendatu ziren. Ondoren, bazkideen artean zehaztu beharko dute etxebizitzak aukeratzeko hurrenkera. Lurra eta eraikitze proiektua udalak salduko die, Lazkao [...]

Aimar Maiz

Ostiralean 18:00etan irtengo dira kantujirakoak

Hilero bezala, azken ostiralarekin batera, kalera irtengo dira etzi kantujirako kideak. Oraingoan, ordea, hitzordua eta lekua aldatu egin dituzte. Etzi, 18:00etan irtengo dira abestera, TPT kafetegi paretik hasi eta herri erdinean zehar hainbat gel...

Beasaingo Hitza

Hondakinen prebentzio astean, Ikastola zabalik bihar

Europako Hondakinen Prebentzio astearen barruan, Andramendiko Lehen Hezkuntzako ikasleek ikastolako kudeaketan zein kurrikulumean egiten duten lana erakutsiko dute bihar, 16:30etik 17:00etara bitartean. Herritar guztiei zabaldutako ekimena izango da, i...

Beasaingo Hitza

Argi Berri elkarteko mus txapelketa larunbatean

Argi Berri elkarteko bazkideen arteko 34. Mus Txapelketa Azkarra egingo dute larunbatean. Arratsaldeko 16:00etan hasiko dira partidak; parte hartu nahi dutenek, izena eta bazkidea jarri behar dute iragarki taulan, 15:45erako. Txapelketaren ondoren, aur...

Ordiziako Hitza

Jubilatu arren, lanerako

Jubilatuak bai, baina erretiratuak ez. Halaxe ondoriozta liteke Zaldibiako Udalaren eta Beti Gazte jubilatu elkartearen deiak jaso duen erantzunetik. Elkartea «ahul» dagoela sumatu dute udalak eta jubilatueneko zuzendaritzak, eta indartzeko helburua ...

Aimar Maiz

Mongoliako nomaden atzetik

«Mongoliarrek gutxi behar dute bizitzeko, baina zaindu beharra daukate gutxi hori, ezinbestean. Ingurumena eta natura, horregatik, gehiegi ez aldatzen saiatzen dira. Leku gutxitan topatu ditut inguruari hain lotuta dauden eta natura hain ondo ulertzen...

Aimar Maiz
Gehiago
HITZAkide HITZAkide

 

ELKARRIZKETAK

ERREPORTAJEAK

KIROLA

Azken bideoak

 

Argitalpen bereziak

Gipuzkoa