
Aurten, bertako bi auzotan Gabon gaueko festa egingo dute bildutako diruarekin; atzoko agerraldian, San Martin egunean zozketatutako urdaiazpikoa ere banatu zuten.

Minbiziaren Aurkako Elkarteko Gipuzkoako boluntarioak ostiralean elkartuko dira Donostian. 2011 Boluntarioen Nazioarteko Urtea da eta, horregatik, Isabel Oriol elkarteko lehendakariak eta Isabel Orbe zuzendariak, ostiraleko ekitaldian parte hartuko dute. Beasaingo ordezkariak ere Donostian izango dira ostiralean. Bileraren aurretik, Biodonostia zentroko instalakuntzak ezagutzera joango dira Oriol eta Orbe, Gipuzkoako ordezkaritzako kideekin batera. Handik, Tenis elkartera joango dira, bertan egingo baita ekitaldi nagusia. Aurtengo ekintzen errepasoa eginez hasiko dute bilera arduradunek, eta datorren urterako prestatu dituztenak emango dituzte ezagutzera. Urte honetan zehar elkartearekin elkarlanean aritu diren Gipuzkoako hainbat kideri oroigarria ere emango diete eta ondoren omenaldia egingo diete boluntario guztiei. Arratsaldean, hainbat ikus-entzunezko ikusiko dituzte, hiru boluntariok oroigarri berezia jasoko dute, urte guztian egindako lanaren aitortza gisa, eta oparien zozketarekin emango dute amaitutzat jai eguna.

Ordizian elkarteak eta udalak, euskal merkataritzaren astea antolatu du datozen egunetarako. Ekimen hori hasteko, Ordizian belaunaldiz belaunaldi mantendu diren denden inguruko lan bat aurkeztu dute, denda horiek «Ordiziako historiaren parte» direlako. Izan ere, Nieves Madrazo ordiziarrak, herriko 37 dendaren inguruko historia eta argazkiak bildu ditu, ikus-entzunezko batean. Astelehenean aurkeztu zuten lana, eta ekitaldi berean, merkataritza astean izango diren eskaintzen berri ere eman zuten. Nieves Madrazo lanaren egileak azaldu duenez, «nostialgiak» bultzatuta hasi zen herriko komertzioen inguruko bilketa egiten. «Gero eta denda gehiago ixten ari direla ikusten dugu; bizilegea dela diote, baina pena ematen du». Izan ere, denda horietako asko «umetatik» ezagutu dituzte Madrazok eta beste ordiziar askok. «Gure adinean oroitzapen asko izaten ditugu, eta denda bakoitza, oroitzapen bat da niretzat, txikiak ginenean amarekin joaten ginenekoak». Guztira 37 denda bildu ditu Madrazok lan horretan. Muga nonbait jarri behar, eta «gutxienez bi belaunaldiz mantendu direnak» aukeratu ditu. Horien artean, 36ko gerraren aurretik zabaldutako komertzio asko daude, baita XIX. mendean irekitakoak ere. Horietako batzuk dira Jauregi farmazia, Ugalde edaritegia, Romero jantzidenda, Angel Calles jostundegia, Unanue gozotegia, eta baita Arana, Arrieta, De la Cuesta eta Etxezarreta dendak ere. Denda horietako asko, inguruko herrietatik etorritako jendeak zabaldu zituen, eta gerora, belaunaldiz belaunaldi mantendu dira. Beste [...]

Eusko Jaurlaritzak Lanbide Heziketako ikasgelen eta tailerren artean banatzen dituen sarietako bi jaso ditu Goierri Eskolak. Ikastetxe honek lehiaketan parte hartzen duen aurreneko aldia da. Goierri Eskolako talde pedagogikoak bi proiektu garatu ditu; ...

Gari Arrieta olaberritarrak eta Juan Carlos Otero anoetarrak osatutako bikotea Elkarteen Arteko Gipuzkoako Txapelketan irabazle atera da, lehen mailan eta pala motzaren sailean. Oiangu klubeko pilotariek 40 eta 25 irabazi zieten finalean Añorgako (Don...

Neguko Festaren barruan, larunbat iluntzean Legorretan egin zuten gaztaina jatearekin 701,70 euro bildu da. Ugarotarrak guraso elkarteak eta udal Kultura Batzordeak antolatu zuten. Dirua Udalak onartutako elkartasun proiektuetara bideartuko dute.

Tomas Etxaniz Ezkio-Itsasoko alkate izango da datozen bi urtetan. Denbora hori igarotakoan, zerrendan joandako beste herritar batek hartuko du lekukoa. Bien bitartean, Etxanizek eta bere taldeak zeregin ugari dute esku artean. AHTren lanek ahalik eta eragin txikiena izatea da Ezkio-Itsasoko Udalaren helburua, baina ez da esku artean duen erronka bakarra. Etxanizek asmo horiei buruz hitz egin du, besteak beste. Maiatzean hauteskundeak egin eta berehala udako oporrak etorri ziren. Etenaldia suposatu zuen horrek askorentzat, eta antolaketa lanak oporren ondorenerako utzi beharra. Oporren ondoren, aurreko agintaldiko zinegotzi batzuk lanean jarraitu zuten, lehengo zenbait lan bukatzen. Alkatetzan ere aldaketarik ez zen izan, eta lehengo gaiei jarraipena eman genien. Ez genuen beraz, gauzak berpentsatu eta dinamika berri bat martxan jarri beharrik izan. Horregatik, zinegotziek erreleboa hartu arren, gure kasuan ez zen etenaldia gauzatu. Batzordeei dagokionean antolaketa bera da edo aldaketak egin dituzue? Aldaketa bat edo beste egin dugu. Guk orain arte industria, etxebizitza eta azpiegiturak batzorde bakar batean bildu izan ditugu. Datozen hiru-lau urteetan etxebizitzak garrantzi handia hartuko du gure ustez, eta pisu gehixeago eman nahi izan diogu gai horri. Zinegotzi batek hartuko du batzorde horren ardura. Industrian ere erronka berriak ditugu, eta gai horrekin ere beste horrenbeste egin dugu. Beste batzorde berri bat [...]

Jon Erguin, Amasako proban. Arg: Trigoi Euskal Herriko mendi duatloi zirkuitoaren barruan, asteburuan Amasan (Gipuzkoa) jokatu den proba Jon Erguin beasaindarrak irabazi du. Txapelekta zortzi frogek osatzen dute, eta asteburukoa seigarrena izan da. ...

Egoitz Murgoitio bizkaitarrak zailtasun handiegirik gabe irabazi zuen, herenegun, Itsasondoko XII. Ziklo-Kros Txapelketa. Hirumeteko txirrindulariari itzal zerbait egin zion bakarra iazko irabazle Aitor Hernandez ermuarra izan zen. Elitekoen podiuma Aketza Peñak osatu du. Barrutia lehor zegoen, eta Murgoitiok azken lau biretan bizkortu zuen erritmoa, Hernandez gurpiletik askatu eta garaipenerantz eroso bukatzeko. Ziklo-kroseko Gipuzkoako lehenbiziko probak aurreikuspenak ongi bete ditu, bai ikusleria aldetik, bai partaidetza oparoagatik ere. Igandea izanda, eta egon giro epelarekin, ikusle sarrera polita izan zen Itsasondon; asko, lehiatzera joandako txirrindulariek familiartekoak eta lagunak ziren. Lau lasterketatan denera 204 ziklo-kroslarik parte hartu zuten. Horietatik 60 masterrak edo beteranoak ziren. 40 urtetik gorakoen sailean Imanol Ugarte legazpiarrak irabazi du. Iñaki Lizarazu 11. sartu zen maila horretan. Master 30ean, Mikel Arrizabalaga (Goierri Kirol Elkartea, 25. sailkatua) eta Iker Conejo (Telleriarteko Txirrindulari Elkartea, 32. sailkatua), ziren eskualdeko beste beteranoak. Harrobia, berriz ere emankor Emakumezkoetan, elitekoen artean goierritar bakarra aritu zen: Maite Murgia lazkaotarra. Laugarren sailkatu zen Caja Ruraleko ziklista, Olatz Odriozola irabazlearengandik itzuli batera. Urtea joan, urtea etorri, garaipen zerrendan hutsik egiten ez dutenak gazteak dira. Juniorretan Pello Olaberria mutiloarrak (Ordiziako-Caja Rural) irabazi du, Telleriarteko Ander Ibarguren 4. izan da, eta Caja Ruraleko Josu Urrestarazu 5. eta Luis Malkorra seigarren. Kadeteetan Loinatz-Inoxcrako [...]

Tolosako Babarrunaren Ekoizleen 24. Lehiaketa Joxe Mujika legorretarrak irabazi du, laugarren aldiz —hirugarrena jarraian—. Larunbat goizean izan zen, hogei lehiakideren artean. Mujikak lehen aldiz 1999an irabazi zuen, eta azken hiru urteotan errep...

Adinekoei egoitza-zerbitzua ematen dien Lazkaoko Txindoki-Sanitas gerontologikoan festa egingo dute, gaur, lanean hasi zirela lau urte bete direan. Goizean meza dute, eta arratsaldean gaztaina jana.

Botoa ematean duten herritar guztien artean bi lagunentzako afaria zozketatuko da; bideoei dagokienean bi sari banatuko dira, bat herritarrek aukeratzen dutena,...

Lanak aurkezteko epea 2012ko urtarrilaren 31an amaituko da, gaia eta luzeera librea izango da, baita lanen formatua eta euskarria ere.
