
Goierriko meatze paisaia eta XIX. mendeko garraiobideak ezagutzeko aukera eskainiko du Ormaiztegiko Zumalakarregi museoak Etzi. Meatze paisaiaren nondik norakoak ibilaldi gidatu batekin azalduko dituzte etzi. Mutiloatik Ormaiztegira joango dira Bide Berdetik. Mutiloako plazan jarri dute hitzordua, 10:00etan, eta ibilaldiak hiru ordu eta erdi iraungo du. Joateko interesa dutenek lau euro ordaindu beharko dituzte. Itzulerako garraioa prezio horren barruan sartuko da. Taldea osateko gutxienez zortzi pertsonak eman beharko dute izena eta gehienez ere hogei pertsonako taldea osatuko dute. Bihar da izena emateko azken eguna. Bestalde, etzi arratsaldean 7 eta 12 urte bitarteko haurrei zuzendutako XIX. mendeko garraiobideak tailerra antolatu dute. 17:00etan hasiko dute eta bertan Euskal Herriaren historian murgilduko dira, diligentziatik baporezko itsasuntzira bidaiatuz. Izena aurrez eman behar da.

Nafarroa Oinez egitasmoaren antolatzaileek balorazioan esan dutenez, euritearen erruz, aurten ez dituzte helburu ekonomikoak bete. Ordiziako Udalak jakitera eman duenez, aurtengo antolatzailea den San Fermin Ikastolak “joaterik izan ez zuten eusk...

Beasaingo Loinatz Txirrindulari Elkarteak ilusioz beteta ari da datorren denboraldia prestatzeko lanean. Izan ere, aurten 50. urtemuga ospatuko du elkarteak. Hori gutxi ez eta, Euskal Herriko Itzuliko etapa bukaera bat eta biharamuneko erlojupekoa egingo dituzte Beasainen. Urtean zehar ekintza ugari eta «maila altukoak» antolatu nahi dituzte. Baina horrekin batera, «herriko eta bailarako baseko txirrindularitza indartu» nahi dutela azaldu dute, herritarren artean kirol horrekiko zaletasuna indartzearekin batera. Zentzu horretan, Goierriren eta Loinatz txirrindulari elkartearen izena «gure kadete mailako txirrindulari taldeak parte hartzen duen herrietara» eraman nahi dute. Lasterketei dagokionean, elkarteak zazpi proba nagusi antolatuko ditu aurten. Batetik ume eta gaztetxoen mailako XXV. Eskolarteko probak egingo dituzte. Martxoan berriz, kadete mailako Usurbe proba. Maiatzean munduko txapelketaren aurreko Beasain proba egingo dute, jubenil mailan. Uztailean berriz, Beasaingo probarik beteranoena, Loinatz klasikoa egingo dute; 1926. urtetik egiten da –1936-37 urteetan izan ezik– aurten 85 urte bete ditu proba horrek. Baita denboraldi honetan 53. edizioa egingo duen Loinatz proba ere. Horrez gain, kadete mailako taldea eta zikloturisten irteerak egiteko taldea ere osatu dituzte aurten. Euskal Herriko Itzulia Aurten izango duten hitzordurik garrantzitsuena, ordea, Euskal Herriko Itzulia izango da. Elkartearen 50. urtemuga dela eta, Euskal Herriko Itzulia Goierrira ekartzea eskatu zieten antolatzaileei. Federazioak onartu egin zuen eskaera, eta harrezkero 20 laguneko talde bat «lasterketa [...]

Urriko azkeneko igandean ohitura bihurtu den legez, jai honetan ospatuko dute Zaldibian Ardiki eguna. Egun osoko egitaraua prestastu du Zaldibiako mondejuaren kofradiak, Ardiki elkarteak. Ospakizuneko osagai garrantzitsuenetako bat mondeju zuria izango da, 18. lehiaketarekin. Igande goizean 10:30ean hasiko da festa, plazan. Artisautza postuak eta ganadu erakusketa orduan zabalduko dituzte. Artzaintzaren ogibidearekin zerikusia duten jarduerak egingo dituzte: gazta egiten, mondejuak prestatzen, artilea lantzen edo saski egiten ariko dira zaldibiarrak. Ganadutan, latxa ardiak, ahuntz azpigorriak eta herriko Zape elkarteak eramandako pottokak erakutsiko dituzte. Feria ere izango da, jakiak eta tresnak erosteko aukerarekin. Zaldibiako 18. Mondeju Lehiaketa eta Aralarko Gaztaren 15. Lehiaketa burutuko dira, bestetik. Epaimaihaia eguerdian hasiko da dastaketekin. Sariak 13:30ean banatuko dituzte. Iñaki Apalategi eta Iñigo Mantzisidor Mantxi bertsolariek saioa egingo dute. Bazkari berezia eta bateratua eskainiko dute egun horretan Zaldibiako jatetxeetan, baita Antzokian ere. Txartelak tabernetan dituzte salgai, eta antzokiko otordurako plazan salduko dituzte, 25 euroan. Menuan mondejua, ardikia saltsan, ardikia erreta piperrekin, gazta, ardoa eta kafe konpletoa sartzen dira. Mondeju lehiaketan «egiten dakien edonork» parte hartu ahalko du. Izena biharko eman behar da (649 316 534), 19:30a baino lehen. Bakoitzak bost kana mondeju aurkeztu behar ditu, salda eta guzti, igande goizeko 10:00etarako, plazara. Kana bat 83,6 zentimetro luze da. [...]

Ataungo Hiru Auzoetako Korrikaldairen 32. ekitaldia igande goizean jokatuko da, San Martinen, San Gregorion eta Aian. Ibilbidea 17,3 kilometro luze da. San Martingo plazatik abiatuko dira partaideak, eta Kaxetatik barrena Aiaraino joan-etorria egingo d...

Gerriko ikerlan bekaren 16. deialdian parte hartu nahi duten ikertzaileek astelehenerako, urriak 29, aurkeztu behar dituzte proiektuak. 12:00etan itxiko da epea, Lazkaoko Goierriko Euskal Eskolan

Euskal Herriko Basoetako Dama hil gabeko ehiza zakurren sariketaren lehenbiziko saioa Aralarren jokatuko da, larunbatean eta igandean. Euskal Herrian Field Trial elkarteak —goierritar ehiztariak daude tartean— antolatu du Enirio-Aralarko CACT Field Trial lehiaketa, bigarren aldiz. Basoetako Dama Iratikoak (Nafarroa eta Zuberoa) osatuko du. Britainiar arrazetako ehiza-zakurrentzat lehiaketa da. Basoan oilagorrei jare egin, eta zakurrak hegaztia aurkitu, gerarazi eta erakutsi behar du. Perkutorearekin tiro hotsa atera, eta zakurraren jokabidea ere aintzat hartzen dute. Hori dena, hegaztia hil gabe. Aralarko parke naturalean jardungo dira ehiztariak, bi multzotan banatuta, eta 15na minutuko ehizaldietan. Lizarrustitik gora, Lareoko urtegiaren inguruetan, Alleko lepoan, Mallagana, Akaitz eta Zerkaundiko eremuan ibiliko dira. Bi egunetan 08:00etan hasiko da lehiaketa, Lazkaoko Amebi sagardotegian elkartu ondoren. Hitzaldia Zaldibian Euskal Herri osoko ehiza zakur hazleek eta ehiztariek parte hartuko dute. Iparraldeko kide ugari etorriko dira, han sustrai sakonak dituelako field trialak. Ehizari berari bezainbeste zakurren iaiotasunari ematen diote lehentasuna field trialean. Hala, ehiza zakurren hazkuntza gaitzat hartuta, ostiralean 19:00etan hitzaldia izango da Zaldibiako Goizane eraikinean. Luis Maiz, Ismael Carro, Iñaki Elorriaga eta Garcet Lacoste adituek hitz egingo dute. Aralarko lehiaketaren sariak eta kalifikazioak igandean 14:30ean banatuko dituzte. EGITARAU OSOA Urriak 26, ostirala 19:00. Epaileei harrera. ‘Ehiza txakurren hazkuntza’ hitzaldia, Luis Maiz, Ismael [...]

Lazkaoko Areria antzokian Bypass filma emango dute zubi asteburu honetan. Euskaraz da, azpitituluak gaztelaniaz dituela. Emanaldiak ostegunean 19:30ean, larunbatean 19:30ean eta 22:15ean, eta astelehenean —ikuslearen eguna— 21:30ean dira. Igandean,...

Herrizaingo Sailak jakitera eman duenez, atzo arratsaldean Aratzen galdu zen 28 urteko gaztea onik aurkitu dute. Atzo gaueko 21:45ean mutilaren familiakoek SOS Deiakera deitu zuten, semeak orientazioa galdu eta bidea aurkitu ezinik zebilela azalduz. Mu...

Gaur, urriak 24, Liburutegiaren Eguna dela aitzaki hartuta, Idiazabalgo kultura sailak eta liburutegiak, Idiazabalgo liburutegia gaitzat hartuta, marrazki eta idazlanak egitea proposatu zien herriko haurrei. Arratsaldeko 17:00etan, egindako lanak ikusi...

Beasaingo Andre Maria Zeruratuaren parrokian berrikuntzak egiteko obretan ari dira. Teilatua berritzeko lanak bukatzear daude dagoeneko, eta orain, zartadurak eta pitzadurak konpontzen hasiko dira. Hori dela eta, parrokiatik azaldu dutenez, eliza...

Lazkaoko EAJk eskatuta ezohiko osoko bilkura egin zuen Udalbatzak, atzo gauean. Bilduko udal gobernuari, hiri hondakinen bilketaren gaian, gaur egungo sistema —organikoaren ontzia txartelarekin— ontzat hartzen duen galdetu zioten. Bestetik, Sasieta Mankomunitateko lehendakariaren —Lazkaoko alkatea da— laguntzaile edo aholkulari postua ateratzea gaitzetsi zuen. Alderdi bakoitzak bere posturari eutsi zion gai zerrendako puntuetako gehienetan. Eztabaida biziena azkenak ekarri zuen, EAJk Bilduri «harrituta» leporatu zionean mankomunitateko lehendakariak zergatik behar zuen aholkulari bat. «Murrizketa egoera batean gaudenean planteatzen da gaia, lehentasunak jarri beharko liratekeenean. Ez dakit lehentasunak zaborraren gaian planteatu behar diren edo beste aktibitate ekonomikoak suspertzeko ere pertsona bat jartzea den asmoa baita ere», ihardetsi zuen Felix Urkolak. Lazkaoko alkate eta Sasieta Mankomunitateko lehendakari Azeari Andonegik erantzun zuen «lanketa handia» dagoelako hartu dutela erabaki hori. «Lan handia, gure artean dagoen desadostasunagatik, eta garapen desberdin asko izan behar dituelako hondakinen bilketak. Sasietak izan duen legealdirik gogorrena datorkio. Ezarpen pilo bat egiteko hautua egin dute herri askok, sistema aldatu eta beste bateranzko bidea hasteko. Beste batzuek gaur egungo sistemaren jarraipenean eta garapenean jarraituko dute. Hori guztia kudeatzeko Sasietan ditugun baliabideak oso eskasak dira, bai teknikoki, bai politikoki».

Asiar liztorraren edo liztor beltzaren (Vespa velutina) habia handi bat erretiratu eta deuseztu dute Ordiziako parkeko suhiltzaileek Zaldibian. Aurreko asteko asteartean herritar batek eman zuen abisua, zuhaitz batetik zintzilik liztor habia zegoela ik...

Ataungo Joxemiel Barandiaran Herri Eskolak Interneteko webgunea berritu du: www.joxemielbarandiaran.com. «Irekia eta partekatua» izateko helburuarekin, eskolako berriak, informazioa eta oharrak jarriko dituzte webean. Otsoa irratiak eta Eguzkiberri a...

Liburutegien Nazioarteko Eguna ospatzeko, Olaberrian ipuin kontalariak izango dira, gaur, 18:00etan, liburutegian. Inguma taldeko Ines Bengoa eta Lur Korta aktoreak kontatuko dute Bertilderen eta Kupertinaren ipuina, ordubetekoa. Hiru urtetik 10erako h...

Martxan da gaurtik Junetorri herri barruko autobus zerbitzu berria Legazpin. Inma Hernandez udaleko Agenda 21eko teknikariak azaldu zituen aurkezpenean autobusaren ezaugarriak atzo arratsaldean Lau Bide auzoan egin zen aurkezpenean. Barrualdean «24 bat pertsona sartuko dira», azaldu zuen. Sarrerako atearen alboan gurpildun aulkientzako edo haurren orgentzako ere lekua dago, «hutsik dagoenean 4 edo 5 pertsona gehiago sartu litezke», argitu zuen. Gas kutsagarri gutxiago aireratzen duen autobusa da Legazpikoa, «ekologikoki hobetua». Zerbitzua eskainiko duen enpresari ingurumen-plangintza bat eskatu dio udalak, «ISO 14.001 ziurtagiria du, eta gidariek gidaritza eraginkorraren ikastaroa egin dute», azaldu zuen teknikariak. Autobus ekologikoa Hiru ibilbide ezberdin egingo ditu autobusak. Motzena «Urtatza eta hirigunea batuko dituena» da. Ordu erdian egingo du joan-etorria. Telleriarte auzoraino joango da bigarrena «bost aldiz joango da eguneko, eta 45 minutuko ibilbidea egingo du». Azkena, Brinkolaraino joango da, «hiru aldiz egingo du joan-etorria, ordu beteko bidaian». Lehendabiziko hilabetean zerbitzua doakoa izango da; gero, 20 zentimo ordaindu beharko da bidaiako. Bidaia-txartela ateratzeko aukera ere egongo da autobusean bertan, 3 euroko fidantza jarrita. Autobusa 07:10ean jarriko da martxan egunero, eta 21:00ak arte ibiliko da. 13:00ak eta 17:00ak bitartean geldi egongo da. Astelehenetik ostiralera emango du zerbitzua, urte guztian zehar, abuztuan izan ezik. Autobus zerbitzua lehiaketa publikora atera eta [...]



