2011/5

Udal tasak ordaintzeko laguntzak daude Lazkaon

›Lazkaoko hainbat tasa ordaintzeko diru laguntza eskaintza egin du Udalak. Etxebizitzako uraren, estolderia zerbitzuaren, azpiegituren finantzaketaren nahiz zaborraren 2010eko tasak ordaindu ezin dituzten familientzat dira laguntzak, udaleko Gizarte ...

Aimar Maiz

San Joan jaiak antolatzeko bilera egingo dute bihar Olaberrian

Olaberriko Udaleko Jai Batzordeak aurtengo San Joan festak prestatzeko prozedura abian jarri du. Egitaraua prestatzeko bilera jarri du biharko, osteguna, 18:00etan udaletxean. Herriko elkarteko guztiei egin die udalak gonbita festei buruzko bileran par...

Aimar Maiz

Ataun itzuliko partidak jokatu gabe igaro da Herriartekoaren final-laurdenera

Gipuzkoako Herriarteko pilota txapelketan final-laurdenetara igaro da Ataun, esku huskako sailean. Kanporaketa ezohikoa izan da, ordea, eta kirol irizpideek beharrean burokrazia kontuek erabaki dute. Ataunen aurkari Azpeitia lehiaketatik kanporatu du G...

Aimar Maiz

Legorreta jaien atarian

Astebete falta da Azentzio jaiak has daitezen. Gaur zortzi, asteazken arratserako iragarri dute aurtengo festa nagusien hasiera. Lau egunez etenik gabe jarraituko dute ondoren, ekainaren lehenean hasi eta hilaren 5era arte, igandea. Azentzio eguna, zaindariaren data, osteguna da. Azentzio bezperari itxaron gabe, eta tartean dagoen asteburua aprobetxatzeko, ekitaldi sorta bat antolatu dute Udaleko Kultura Batzordeak, Ugarotarrak guraso elkarteak, Elekun Abesbatzak eta Bilkoin elkarteak. Musika eta txirrindularitza izango dira osagai, baita haurrentzako jolasak ere. Musika eskolako ikasleek eta Elekun abesbatzak jarriko dute musika, haurrek ostiralean eta koruak larunbatean. Horren guztiaren aurretik, ordea, festak behar bezala prestatuta uzteko, danborradan irtengo direnek entsegu orokorra egingo dute. Bihar, osteguna, 20:30ean elkartuko dira herriko plazan. Txarangak lagunduko die danbor jotzaileei. Orain arteko egin dituzten entseguetan izan direnen artean danborrak ere bihar banatuko dituzte. Azentzio egunean, ekainaren 2an, egingo dute helduen danborrada Legorretako kaleetan barrena, 23:00etan hasita. Larunbatean, txirrindu proba Goizeko hamarretan hasiko da, larunbat honetan, Legorretako 55. Txirrindulari Proba. Jubenil mailakoentzat da, 87 kilometroko ibilbidearekin. Abaltzisketa bi alditan igoko dute, Amezketa aldetik; azkeneko 22 kilometroetan sartuta, Gaintzako aldapa dute hirugarren eta azken zailtasuna, Zaldibiako bidegurutzetik gora. Ordiziatik Alegiarako errepidean (Gi-2131) eta Larraizko bueltan osatuko dute ibilbidea. Txirrindulariak helmugara 12:10 alderako iritsiko dira. JAIEN EGITARAU OSOA: [...]

Aimar Maiz

Xabier Ortiz de Luzuriaga BTT trabesia ekainaren 5ean egingo dute Legazpin

Ekainaren 5ean Xabier Ortiz de Luzuriaga BTT trabesia egingo dute Legazpin. Zazpigarren urtea da Hegialdeko festen egitarauak omenaldi izaerako proba herrikoi hau jasotzen duena. Aitor Uribeetxeberria antolatzaileen artean dago. Ortiz de Luzuriagaren lagun talde batekin batera egiten du lan proba aurrera atera dadin. Omenduak bizikletekiko zuen zaletasunari heldu zioten lagunek duela zazpi urte proba hau antolatzen hasteko, izan ere, Ortiz de Luzuriaga Euskal Herriko txapeldun ere izan zen mendi bizikletarekin. Ez zen auzokoa, baina auzotarrek mimoz prestatzen dute trabesia eta proba behar duen guztiaz hornitzen dute. 37 kilometroko bidea izango da. 8:00etatik 9:00etara irekiko dute izena emateko aukera eta atzetik irteera emango diote probari. Aurretik, hala ere, omenaldi xume bat egingo diote Ortiz de Luzuriagari, aurreskuarekin eta bertsoekin. Bere argazkia eta Euskal Herriko txapeldun mailota irteera lekuan izango dira. Panoramika ederrak Parte hartzaile bakoitzak 10 euro ordaindu beharko ditu. Probaren elastiko bat jasoko du trukean, eta bidearen amaieran mangerak eta dutxak ere izango dituzte aukeran. Jatekoa eta edatekoa ere jarriko dute helmugan. Uribeetxeberriak probak gogortasun punttu bat baduela aitortzen du, baina dioenez, horrek ez ditu bizikleta zaleak beldurtu behar. «Probaren bi-hiru lekutan herrira itzultzeko bidegurutzeak daude, eta ondo seinalizatuko ditugu, nahi duenak ibilbidea moztu dezan eta bueltan etor dadin». Adin [...]

Legazpiko Hitza

Kantujiraren saioa bihar arratsaldean

Kantujirako kideek bihar egingo dute maiatzeko saioa. Azken hilabeteetan bezala, azken ostiraletan egiten duten saio bera egingo dute bihar ere, 19:00etan hasita. Kikara taberna parean hasiko dira kantuan, eta herri-erdigunera arte joango dira abestuz....

Eskeine Legorburu

Bihar hasiko da BKL-k eta Nazioen Munduak antolatutako garagardo festa

Hainbat urtez antolatu du BKL Beasaingo Kirolaren Lagunak elkarteak garagardo festa Beasainen. Iaz ez zuten antolatu, baina aurten herritarrek eta goierritarrek faltan bota duten festa antolatu dute berriz, Nazioen Mundua ekimeneko kideekin batera. Bihar hasiko da garagardo festa Loinazko San Martin plaza azpian, eta igandera arte luzatuko da. Antolatzaileek jakitera eman dutenez, 30 garagardo mota ezberdin probatu ahalko dira asteburuan. «Herrialde ezberdinetako betiko garagardoak izango dira, baita Galizia eta Euskal Herriko garagardoa ere», zehaztu du BKL-ko Iban Condek. Erresuma Batua, Alemania, Belgika, Herbehereak eta Txekiako garagardoa ekarriko dute festara. Alkoholik gabeko garagardoa eta alkohol tasa baxukoa ere egongo dira. Jatekorik ere ez da faltako, eta halakoetan ohikoak izaten diren menuak jarriko dituzte azokan afaldu nahi dutenen eskura. Festa 18:00etan hasiko da egunero, eta bihar eta igandean 00:00etan utziko diote zerbitzatzeari. Ostiralean eta larunbatean ordubete gehiago arituko dira, 01:00ak arte. Festak izango du garrantzia Condek zehaztu duenez, ekintza eta ekitaldi berezirik antolatzeko asmorik ez dute garagardo festarako: «Asteburuan zehar herriko beste talde batzuek antolatutako ekintzak daude, eta horiei itzalik ez egiteko ez dugu kontzerturik edo ekitaldirik antolatu, batak beste jan ez dezan». Legazpiko batukadaren saioak bakarrik erakarri ahalko du garagardozaleen arreta. Larunbat arratsaldean egingo dute saioa musikariek. Kalerik-kale herrian zehar itzulia [...]

Eskeine Legorburu

Oripavik gurasoentzako programarekin jarraituko du ostegunean

Bizitzarako orientazioa eskaintzea helburu duen Oripavi elkarteak Necesidades y desarrollo individual en la pareja tailerra egingo du ostegunean, hilak 26. Rupa Rodriguezek gidatauko du saioa, eta 18:00etan hasiko dute, kultur etxean

Goierriko Hitza

Doinuako tailerreko ikasleen emanaldia asteazkenean

Doinua musika eksolako ikasleek jaialdia eskainiko dute bihar arratsaldean. 18:00etan hasiko dute emanaldia, Latxartegi aretoan, eta bertan musika eskolako tailerreko kideek hartuko dute parte.

Goierriko Hitza

AHTren kontra protesta egin zuen gazteari ez diote atentatua egotzi

AHTren kontra protesta egin zuen ekintzaile bat epaitu dute gaur goizean Donostian, 2008ko udaberrian, Ordizian egindako protesta bat dela eta. Hasiera batean, fiskaltzak 6 urteko kartzela zigorra eskatuko zuela iragarri zuen, «autoritateari atentatua...

Ordiziako Hitza
Gehiago
HITZAkide HITZAkide

 

ELKARRIZKETAK

ERREPORTAJEAK

KIROLA

Azken bideoak

 

Argitalpen bereziak

Gipuzkoa