
Euskal Herriko III. Mus Txapelketarako baliagarri den herriko mus saioa otsailaren 4an, aurreko ostiralean jokatu zuten Araman. Toki Alai tabernan aritu ziren jokoan. Bikote partaide guztien artetik Xebero Zubeldiak eta Joxemari Urretak osatutakoak irabazi zuen Aramako kanporaketa, eta Gipuzkoako sailera igaro dira. Txapeldunorde Joxemari Gorostizu eta Iñigo Oiarbide izan ziren. Irabazleek arkume bat eta bigarren bikoteak baserriko bi oilasko jaso zituzten saritzat.

Ventura eta Limona estudiok proiektuaren egileek inaugurazio ekitaldian parte hartu dute 13:00etan.

Urretxuko Labeaga aretoan izan zen ekitaldia eta pozik hartu zituzten sariak Urola K.E.ko Dani Zufiaurrek, nesken Superligako Aintzane Encinasek eta Realeko...

Zumarragako jubilatuen egoitzan izango da batzarra, herri programa osatzeko helburuarekin. Zumarragako ''ezkertiar eta independentista'' guztiak gonbidatu dituzte bertara.

Beasaindar guztien artetik sortutako 541 bizilaguneko lagina kontuan hartuz egin duten inkestaren arabera bizitzeko herri ona da Beasain eta herritarrek zero eta hamar artean 7,35eko nota jarri diote herriari. Kudeatuz programaren barruan Gizaker enpresak egin duen ikerketaren arabera herri erdigunea oinezkoentzako egokitzea eta hirigintza alorrean egin diren berrikuntzak dira azken urteetan herrian egin diren ekintza positiboenak. Hala, herriak izan duen garapena positiboa izan da inkestan parte hartu duten %82,2 beasaindarrentzako. Zer hobetua ere badago ordea Beasainen, eta herriko arazo nagusiak aparkaleku falta, trafikoa, langabezia eta etxebizitzen salneurria dira. Inkestatuen %25,5ak uste du aparkaleku falta dela gaur egun Beasainen dagoen arazo nagusia eta %25,1ek trafikoa. Segurtasuna eta euskara dira hobetu beharreko beste bi gai. Gizaker enpresak 541 beasaindarrei egin die telefono bidez galdeketa eta 6000 inkesta ere banatu dituzte bizilagunen artean. 327 herritarrek erantzun dute etxera bidalitako galdesorta. Aparkalekuan arazoa ere aztertu dute Kudeatuz programaren barruan Beasainen aparkalekuen inguruan dagoen arazoa ere aztertu du Beasaingo Udalak. Prospektiker enpresak landu du gaia herritarrek eta kolektibo ezberdinetako kideek osatutako lan taldeen bidez. Urtarrilaren hasieran kaleratu zituen Prospektiker enpresak lan talde horiek egindako bileretan proposatutako aldaketak. GOIERRIKO HITZAk hala eman zuen jakitera orduan albiste baten bidez. Gizaker eta Prospektiker enpresek egindako lanen emaitzak biltzen [...]

Iazko abenduaren 5ean jokatu ez zen partida jokatuko dute igandean Altamiran (12:00) Ampo Ordiziak eta Cajasol Ciencias Sevilla taldeak. Zubia izan zen orduan, eta Espainiako aire kontrolatzaileek bat-bateko greba egin zutenez, espainiarrak ez ziren partidara azaldu, eta federazioak lehia atzeratzea baino beste erremediorik ez zuen izan. Behetik gora datorrean taldea da Cajasol, sasoi puntu onean dago, eta Ampo Ordiziak badaki lan asko egin beharko duela lehia aurrera ateratzeko. Espainiarrek urte hasiera bikaina izan dute. Bizkaia Gernikari irabazi egin zioten, eta La Vila liderraren aurka bigarren zati bikaina jokatu zuten. Mutil handiak dituen taldea da Cajasol, aurrealde sendokoa, eta hiru laurdeneko lerroa ere ustekabea eman dezakeen horietakoa da. Ampo Ordiziak, berriz, betiko joko bizi, ausart eta langilea egin beharko du Altamiran galdu gabe jarraitzekotan. Matias Tudela –Espainiako selekzioarekin Georgian da– eta Phil Huxford –min hartuta dago– izango dira ordiziarren baja nabarmenenak. Axio Araña entrenatzaileak, hala ere, konfiantza osoa du jokalariengan: “Partida jarri genuenean bagenekien Tudela seguruenik ez genuela izango. Ez dago aitzakiarik. Mutilak oso motibatuta daude, badakigu zer dugun jokoan”. Harmaila gehiago Altamiran Aspaldiko partidetan leporaino bete da Altamira, eta ikusita igandeko partidak duen garrantzia eta baita La Vilaren aurkakoak ere –martxoaren 6an da–, harmaila gehiago jartzekotan da Ordiziako Udala. Doan [...]

EAJ Eusko Alderdi Jeltzaleaku igandean, otsailak 13, Lazkaon jakinaraziko ditu maiatzaren 22ko udal hauteskundeetarako eskualdeko herrietako zerrendaburuen izenak. Goierri osoko alkategaien aurkezpena egingo dute, Legazpitik Legorretara bitarte. Han i...

Kontzertuei 22:30ean emango zaie hasiera eta doan izango dira. Zuzenean KKinZona irratian entzuteko aukera ere izango da.

Fideletxe erretako etxearen alde Lazkaon antolatu duten errifako sariduna ez da agertu bigarren zozketan ere. Aurrena ateratako zenbakia saldu gabe zegoen, eta bigarren aldiz zotz eginda ere zenbaki sariduna (7.115) ez du inork aurkeztu. Igandean, otsa...

Euskal Herria bi urtez behin zeharkatzen duen Korrika ekimena aurten izango da, eta Itsasondon batzordea sortu dute aurretik ekitaldiak prestatu eta Korrikari babesa emateko. Astelehen iluntzean burutu zuten aurreneko bilera, itsasondoarrekin eta herri...

Lazkaoko Joxemiel Barandiaran kiroldegiaren aurretik igarotzen den bidea zirkulazioarentzat itxi egin dute gaur goizean, osteguna. Mikelar kaletik plazako aparkalekura ezingo da sartu, udaletxe atzetik bakarrik. 09:00etan itxi dute pasabidea, kirolde...

Iazko mahats uztaren txakolin emaria ontzen ari da. San Anton egunean, urtarrilak 17, Getarian (Gipuzkoa) aurkeztu zituzten sormarka horren pean merkaturatzen diren 24 upategitako edariak, tartean Goierriko bakarra: Olaberriko Bengoetxe txakolina. Getariako Txakolina izenarekin hirugarren urtea du Iñaki Etxeberria eta Ana Mari Urteaga senar-emazteen edariak, eta etxeko lau hektarea inguru mahastik damaieten uzta deposituetan ontzen ari dira. Sormarkaren eskakizunez San Anton egunerako botilaratu behar izan dituzte litro batzuk, baina oraindik garaizegi dela aitortu du Etxeberriak: «Presaka antzean da oraindik. Apirilean botilaratu eta maiatzean aterako dugu aurtengo txakolina. Botilan hilabete behar du gutxienez». Urriaren 3-4an bildu zuten mahatsa, 25 tona inguru. Denera 17.000 litro muztio dituzte altzairu herdoilgaitzezko deposituetan; «posoa kenduta ez da iritsiko 17ra; 16.500 litro edo holakoren bat aterako dira», kalkulatu du Olaberriko txakolingileak. Banaketa-etxeen bidez merkaturatuko dute txakolin produkzioaren zati handiena, euren kabuz gainontzekoa. Eskualdeko tabernetan eta dendetan aurkitu ahalko da. Gehiena Goierrin eta Gipuzkoan saltzen dute, baina AEBetara, Frantziara –Parisera batik bat– eta Espainiara ere esportatzen hasiak dira. Portugaldar handizkariek ere agertu diete interesa. Alkohol askokoa Urriaren hasieran bildu zuten mahats uzta. Alkoholeez 12,5 gradu da txakolina oraingoz, «gehiegitxo» ote daukan aitortu du Etxeberriak. «Iraileko azken ostegunean begiratu nion mahatsari errefraktometroarekin, eta 10 graduan zegoen gehiena. Oraindik [...]

Santa Ageda inguruan Legorretan ohitura duten bezala, elkartasunezko talo festa egingo dute aurten ere. Larunbatean izango da, 18:30etik aurrera. Udalak eta Ugarotarrak guraso elkarteak antolatu dute festa. Taloak plazan egingo dituzte, eta salduta bil...

Gaur San Blas jaietako egitarauari hasiera ematen lehendabizikoak haurrak izan dira, arratsaldeko bostak aldera txokolate jana egin baitute. Ondoren buruhandien aurretik korrika ibiltzeko aukera ere izan dute. Arratsalde partean musika eskolako haur...

San Blas jaien barruan, parte hartzaileei zein ikusleei dagokionean, arrakasta izan ohi duen ekitaldietako bat herriko txirrindulari proba da. Urte batean zein bestean, kale egin izan dute arrazoi desberdinengatik, baina aurtengoa jada egiten duten 23. aldia da. Esan daiteke beraz, ondo errotutako ekimena dela. Berrikuntza moduan, aurten antolaketa lanak Elizalde elkarteak hartu ditu bere gain, baina Idiazabalgo Udalaren , Amporen eta Xumeren laguntza izan du. Ampok bizikletarako arropa eman dio parte-hartzaileen artean zozkatzeko. Xume edaritegiak lore sortak banatuko dizkie irabazleei eta Idiazabalgo Udalak ere hainbat sari banatuko ditu. Proba nagusia 12:00etan Helduen proba eguerdiko hamabietan jokatuko dute. Txirrindulariek plazatik irten eta Benta Txiki aldera joko dute. Benta Txikitik Poyan aldera abiatuko dira eta bertako biribilgunean buelta hartu ondoren, berriz ere plazara joango dira. Ibilbide hori zazpi aldiz egin beharko dute kirolariek, lana osatzeko. Aiert Zufiria antolatzaileetako batek esan duenez igandean hamar lagun zeuden izena emanda, baina gehiago izatea aurreikusten dute. Interesa duenak, Xumera joan behar du apuntatzera eta egunean bertan ere eman daiteke izena antolatzaileen arabera. Lehen hiru irabazleek garaikurrak jasoko dituzte, baina sari horiez gain, mendiko saria irabazten duenari (bigarren itzulian Benta Txikira lehendabizi iristen denari emango diote), esprint berezia egiten duenari, txirrindularirik borrokalarienari eta azkena iristen denari ere [...]

Beasain, Ezkio-Itsaso eta Azpeitiako lurretan dago Matxinbenta. Festak ospatzeko garaian ordea, herria ahaztu eta auzotar bihurtzen dira denak. Asteburu honetan ospatuko dituzte San Martin eta Santa Ageda jaiak, ostiralean hasi eta igandera arte. Azpei...

«Informazioa jaso eta eskaintzeko» erreminta berria jarri du martxan Ordiziako Ezker Abertzaleak. Informazioaren eta teknologia berrien aroan, interneten aldeko apustua egin dute, ordiziakoahotsa.net webgunea sortuta. Ordiziako hamar herritarrek aurkeztu zuten ekimena herenegun, Barrena jauregian. «Web orri eta sare sozialen bidez, herritarrekin dugun harremana sakondu» nahi dutela azaldu dute, «jabetzen baikara teknologia berriek zein aukera eskaintzen duten». Eñaut Gereñuren hitzetan, «informazioaren gizartean bizi garela esan ohi da», baina askotan, informazio gehiegi jasotzea, desinformazio ere bihur daiteke. «Halakoa izan liteke jasotzen dugun informazio bonbardaketa, ze kontrako efektua ere lortzen baita, alegia, herritar desinformatuak izatea, modu akritiko batean jasotzen dutenak informazioa». Gogoeta honen bidetik, egun «komunikabide kate handiek informazioa kontrolatu eta manipulatu» egiten dutela diote batetik, eta bestetik, «erakundeetatik jasotzen dugun informazioa, askotan erakunde horien edota kudeatzen dituzten alderdien propaganda» izaten direla. Hori guztia dela-eta, «herritarrei informazioa eskaintzeak eta herritarrengandik informazioa jasotzeak beti izan du lehentasuna ezkerreko mugimendu, alderdi eta eragileentzat». Hala, Ordiziako ezker abertzaleak ere bide horien alde egin du, herritarrei «informazio oso eta alternatiboa» eskaintzeko eta «gure iritzi eta proposamenak» ezagutzeko. Baina informazioa emateaz gain, jaso ere egin nahi dute, «horrela bakarrik izan dezakegulako herritarren kezka, behar eta eskaeren berri». Azkenik, komunikatzeko bide berrien aldeko apustua egin badute ere, Gereñuk azaldu [...]